Kreatiwiteit baan die weg vir ontwikkeling
President Netumbo Nandi-Ndaitwah het Namibië versoek om die potensiaal van sy kreatiewe bedryf te benut as ’n dryfveer vir inklusiewe en volhoubare ekonomiese groei.
Sy het ook gesê die nasie se toekoms sal nie deur sy natuurlike hulpbronne bepaal word nie, maar deur die verbeelding en innovasie van sy mense.
Die minister van onderwys, vernuwing, jeug, sport, kuns en kultuur, Sanet Steenkamp, het Nandi-Ndaitwah se toespraak namens haar gelewer by die 26ste Jaarlikse Bank of Namibia-simposium in Windhoek verlede week.
Sy het aan afgevaardigdes gesê dat die regering die kreatiewe sektor as ’n nasionale prioriteit onder die sesde nasionale ontwikkelingsplan (NDP6) en Swapo se manifes vir 2024 geïdentifiseer het.
“Die toekoms van ons nasie sal nie gedefinieer word deur die hulpbronne onder ons grond nie, maar deur die kreatiwiteit wat uit ons mense voortspruit.
“Namibië se ekonomie het te lank op ’n nou basis staatgemaak – mynbou, visserye en landbou. Hierdie sektore het waarde geskep, maar nie genoeg werksgeleenthede, nie genoeg insluiting en nie genoeg veerkragtigheid nie.”
Sy het opgemerk die kreatiewe ekonomie is een van die wêreld se vinnigste groeiende sektore, wat jaarliks meer as US$2,3 biljard (trillion) genereer en meer as 6% van die wêreldwye werksmag in diens het.
BELEGGING
Steenkamp het gesê die president het bevestig dat regeringsbefondsing vir die kunste, film- en kreatiewe ondernemings verhoog word.
Sy het gesê instellings soos die Namibiese Filmkommissie en die Nasionale Kunsteraad het reeds bykomende hulpbronne ontvang, terwyl vennootskappe met die Verenigde Nasies se Organisasie vir Onderwys, Wetenskap en Kultuur (Unesco) versterk word om kopieregbeskerming en institusionele kapasiteit te verbeter.
Sy het bygevoeg dat die Nasionale Jeugontwikkelingsfonds, met ’n toewysing van N$257 miljoen, jong Namibiërs – insluitend diegene wat kreatiewe ondernemings nastreef – sal bemagtig.
“Ons nasionale teiken is duidelik: Om die kreatiewe sektor se bydrae tot die bruto binnelandse produk (BBP) binne die volgende vyf jaar te verdubbel – van 1,5% tot 3%,” het sy gesê.
Johannes !Gawaxab, die goewerneur van die Bank of Namibia (BoN), het opgemerk dat Namibië die struikelblokke moet trotseer wat steeds vooruitgang in die kreatiewe sektor belemmer, insluitend beperkte toegang tot finansiering, wanorde binne die bedryf en ’n volgehoue tekort aan geleenthede.
– [email protected]
Sy het ook gesê die nasie se toekoms sal nie deur sy natuurlike hulpbronne bepaal word nie, maar deur die verbeelding en innovasie van sy mense.
Die minister van onderwys, vernuwing, jeug, sport, kuns en kultuur, Sanet Steenkamp, het Nandi-Ndaitwah se toespraak namens haar gelewer by die 26ste Jaarlikse Bank of Namibia-simposium in Windhoek verlede week.
Sy het aan afgevaardigdes gesê dat die regering die kreatiewe sektor as ’n nasionale prioriteit onder die sesde nasionale ontwikkelingsplan (NDP6) en Swapo se manifes vir 2024 geïdentifiseer het.
“Die toekoms van ons nasie sal nie gedefinieer word deur die hulpbronne onder ons grond nie, maar deur die kreatiwiteit wat uit ons mense voortspruit.
“Namibië se ekonomie het te lank op ’n nou basis staatgemaak – mynbou, visserye en landbou. Hierdie sektore het waarde geskep, maar nie genoeg werksgeleenthede, nie genoeg insluiting en nie genoeg veerkragtigheid nie.”
Sy het opgemerk die kreatiewe ekonomie is een van die wêreld se vinnigste groeiende sektore, wat jaarliks meer as US$2,3 biljard (trillion) genereer en meer as 6% van die wêreldwye werksmag in diens het.
BELEGGING
Steenkamp het gesê die president het bevestig dat regeringsbefondsing vir die kunste, film- en kreatiewe ondernemings verhoog word.
Sy het gesê instellings soos die Namibiese Filmkommissie en die Nasionale Kunsteraad het reeds bykomende hulpbronne ontvang, terwyl vennootskappe met die Verenigde Nasies se Organisasie vir Onderwys, Wetenskap en Kultuur (Unesco) versterk word om kopieregbeskerming en institusionele kapasiteit te verbeter.
Sy het bygevoeg dat die Nasionale Jeugontwikkelingsfonds, met ’n toewysing van N$257 miljoen, jong Namibiërs – insluitend diegene wat kreatiewe ondernemings nastreef – sal bemagtig.
“Ons nasionale teiken is duidelik: Om die kreatiewe sektor se bydrae tot die bruto binnelandse produk (BBP) binne die volgende vyf jaar te verdubbel – van 1,5% tot 3%,” het sy gesê.
Johannes !Gawaxab, die goewerneur van die Bank of Namibia (BoN), het opgemerk dat Namibië die struikelblokke moet trotseer wat steeds vooruitgang in die kreatiewe sektor belemmer, insluitend beperkte toegang tot finansiering, wanorde binne die bedryf en ’n volgehoue tekort aan geleenthede.
– [email protected]
Kommentaar
Republikein
Geen kommentaar is op hierdie artikel gelaat nie