'Jazz Junction' skop vanaand af

Die Frans-Namibiese Kultuursentrum (FNCC) sal voortaan ’n maandelikse jazzkonsert in ’n reeks genaamd Jazz Junction aanbied, wat hierdie genre in al sy vorme sal vier.Die eerste konsert in dié reeks skop vandag om 19:00 af en sal na verwagting plaaslike en internasionale jazztalente bymekaarbring – om sodoende ’n onvergeetlike musiekervaring aan gehore in Windhoek te bied.Elke geleentheid sal ’n verskeidenheid jazzmusikante bevat en ’n interaktiewe werkwinkel sal dan die volgende dag aangebied word.Dit bied musiekentoesiaste en aspirant-musikante ’n unieke geleentheid om hul begrip van jazztegnieke en -geskiedenis uit te brei.Die eerste Jazz Junction sal die talente van Stanley Claassen, bekend as /Nam/namsa Damarob, ten toon stel. Stanley is ’n bekende komponis, musikant en musiekonderwyser, wat aan die Universiteit van Kwazulu-Natal gegradueer het en tans ’n lektor aan die Kollege van die Kunste (Cota) is.“Jazz Junction is meer as net ’n konsert – dit is ’n meevoerende ervaring wat daarop gemik is om ’n dieper waardering vir jazz se skep terwyl dit kulturele oordrag en die groei van kunstenaars aanhelp,” lui ’n FNCC-verklaring.– republikein@republikein.com.na

'Jazz Junction' skop vanaand af

Kommentaar

Republikein 2025-06-17

Meld asseblief aan om kommentaar te lewer

'Jazz Junction' skop vanaand af

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie