Ervare kunstenaar ontwikkel nuwe tegniek

Meer as 30 jaar se ondervinding in kuns kom saam op die mure van die Nasionale Kunsgalery (NAGN) met die kunstenaar Andrew van Wyk se jongste uitstalling, Art Through the Eye of an Artist. Dié uitstalling is tot 14 Junie oop. Die uitstalling bestaan gedeeltelik uit ouer werke van so ver terug as 1990, wat Van Wyk se jongste werk in ’n retrospektiewe lig plaas. Dit gaan gepaard met nuwe werke waarvoor hierdie ou hand nuwe tegnieke ontwikkel het vir skilderye wat van minerale ertse gebruik maak. “Jy kan dit in die lig uitstal, maar ek het verkies om dit in ’n donker kamer uit te stal om die glinster daarvan uit te stal. “Ek het selfs ’n ster na die muur gebring, waar jy met ’n flits voor die werk staan en kyk en daar is oral glinsterings,” het Van Wyk in ’n onderhoud met Network Media Hub (NMH) se program Kletskompas gesê. Hy sê die inspirasie vir hierdie kreatiewe tegniek kom uit sy loopbaan in mynbou.“Ek was vir meer as 40 jaar in die prospekteringswêreld en ek het vir myself gesê ‘ek is mos ’n kunstenaar’, kom ek gebruik ’n nuwe materiaal en bring iets nuuts in die kunswêreld in,” sê hy. Van Wyk sê hy is nie van plan om sy loopbaan as kunstenaar binnekort te beëindig nie. “As die Here dit toelaat, sal ek nog uitstallings tot op die ouderdom van 65 of 70 hou, maar net uit nuwe tegnieke,” sê hy. Hy is ook ’n voorstander vir die ontwikkeling van jong talente en sê meer ervare kunstenaar moet hul deel doen om die talent van die jongmense te vorm.“Die ouer kunstenaars moet van hul tegnieke baasraak – en nie net tegnieke nie, maar ook die fokuspunt binne-in hul kunswerk. “Dit is baie belangrik, want die Covid-pandemie het die kunswêreld ’n terugslag toegedien en ons ekonomie was daarmee heen. “Ek weet kunstenaars trek swaar en as kunstenaar self is ek nie skaam om te sê dat ek ook bietjie swaar getrek het nie,” sê Van Wyk. – irene-mari@nmh-hub.com.na

Ervare kunstenaar ontwikkel nuwe tegniek

Kommentaar

Republikein 2025-12-16

Meld asseblief aan om kommentaar te lewer

Ervare kunstenaar ontwikkel nuwe tegniek

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.