Die dinosourusse leef weer

Ek weet nie van julle nie, maar ek dink nie ons het die laaste van die dinosourusse gesien nie.Jurassic World: Rebirth blaas nuwe lewe in ’n sterwende filmreeks. Die nuwe fliek het my na my kinderdae teruggeneem, toe ek Jurassic Park die eerste keer gekyk het. Dit voel bekend, maar terselfdertyd is dit ook iets nuuts. Die rolprent het my nie net verras nie, maar dit het my ook daaraan herinner hoe ongelooflik dinosourusse is.Ek het ’n paar resensies gelees, voor en ná ek die fliek gekyk het en ek stem nie met die meerderheid saam nie. Dit klink of die resensente in die tyd van dinosourusse dink, maar ek dink die film probeer nuwe lewe blaas in iets wat amper dood is. Elke keer wanneer ek ’n nuwe fliek kyk, probeer ek eers om ’n aanhanger daarvan te wees voor ek my resensenthoed opsit. As ’n aanhanger van die Jurassic Park en Jurassic World-reeks kan ek met trots s? die film is vir ons gemaak.Dit het my soos ’n kind laat voel, en daarom het ek dit so baie geniet. Ironies genoeg dink ek wel dat die film dalk te veel van ’n riller vir kinders is. Die laaste paar Jurassic World-films het nie dieselfde vonk gehad nie, maar hierdie een het daardie vuur.Regisseur Gareth Edwards voeg nie net iets nuuts by die reeks nie, maar bring ook die magie van Steven Spielberg terug. Die fliek gee ons nie net die dinosourusse waaroor ons mal is nie, maar ’n paar nuwe spesies maak ook hul verskyning.Die fliek is nie perfek nie, die storie het op plekke gestruikel en van die karakters voel soms net soos ’n nagedagte. Ek voel ook asof ’n paar belangrike storielyne uitgesny is. Ek wil nie té veel verklap nie, maar ek wens hulle het nog vyf tot tien minute aan die einde bygevoeg. Jurassic World: Rebirth lyk ongelooflik en die dinosourusse is asemrowend. Daar is dele van die rolprent wat my aan die bekende Brachiosaurus-toneel in Jurassic Park laat dink het. Die rolverdeling sluit Scarlett Johansson, Mahershala Ali en Jonathan Bailey in en ek het hul karakters om verskillende redes geniet. Hulle word deur Rupert Friend, Manuel Garcia-Rulfo en Ed Skrein ondersteun. Natuurlik sou dit nie ’n Jurassic World-film wees sonder dat Rexy, as die T-Rex, ’n verskyning maak nie.Die film is dalk nie so ikonies soos die oorspronklike een nie, maar dit is fantasties. Dis ’n verbetering op die vorige twee films en dit is hope pret. Dit bring ook die riller-elemente terug wat die eerste fliek so besonders gemaak het. Ek het probeer om my verwagtinge in toom te hou en was aangenaam verras.Hierdie film is vir die aanhangers gemaak, nie vir resente nie en daarom sal ek dit as ’n aanhanger beoordeel. Ek is lief vir hierdie dinosouruswêreld, so enigiets minder as vier sterre sal onregverdig wees. As jy lief vir dinosourusse en Jurassic Park is, kan jy nie hierdie een misloop nie.Die storie speel vyf jaar ná Jurassic World: Dominion af, en die aarde se omgewing is grootliks onbewoonbaar vir die oorblywende dinosourusse. Die diere leef nou in afgeleë, tropiese gebiede. Zora Bennett, ’n geheime agent, word deur ParkerGenix, ’n farmaseutiese maatskappy, gevra om dinosourusse op te spoor.– themovieguy.nam@gmail.com

Die dinosourusse leef weer

Kommentaar

Republikein 2026-03-26

Meld asseblief aan om kommentaar te lewer

Die dinosourusse leef weer

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.