Die Boekrak

Verlore Siel deur GM du Toit is ’n aangrypende verhaal oor gebroke lewens, die krag van vergifnis en die hoop wat selfs in die donkerste oomblikke bly leef. Hoe raak ’n mens verlore en is daar ooit ’n pad terug? Elke verlore siel wag op iemand wat bereid is om hom of haar raak te sien. Geen mens behoort werklik onsigbaar te wees nie en liefde word dikwels gevind waar die wêreld ophou soek. Tristan het eens alles in die lewe gehad, maar vandag besit hy slegs ŉ verslete kombers, ŉ winkeltrollie en die hoop dat môre dalk beter sal wees. Verwerp deur die samelewing en vasgevang in die letsels van sy verlede, dwaal hy deur die strate waar min mense hom raaksien en nog minder omgee. Wanneer ŉ mishandelde hondjie onverwags sy enigste metgesel word, begin iets in Tristan se gebroke hart verander. Tussen vernedering en eensaamheid ontdek hy dat selfs die kleinste daad van medelye die eerste tree na herstel kan wees. Die verhaal word vertel met ’n emosioneel gelaaide en beeldryke styl waarin die innerlike worsteling van sy karakters sentraal staan. Dit lewer sterk maatskaplike kommentaar oor armoede, uitsluiting en menswaardigheid. Die verhaal beweeg teen ’n rustige tempo wat ruimte laat vir selfondersoek en diep emosionele betrokkenheid, terwyl Christelike waardes van genade, barmhartigheid en vergifnis natuurlik deur die vertelling verweef word. Die manuskrip is beskikbaar in gedrukte of digitale (e boek) formaat en verkrygbaar by Malherbe Publikasies by www.malherbepublishers.co.za, info@malherbepublishers.co.za, +27 066 089 9675; www.amazon.com of stuur ’n e-pos aan april@iway.na.

Die Boekrak

Kommentaar

Republikein 2026-10-09

Meld asseblief aan om kommentaar te lewer

Die Boekrak

Kommentaar

Republikein 2026-10-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.