Die Boekrak

In die vroeë 1970’s word Jakob Koetaan gedwing om na Kaapstad te vlug, met die wete dat die owerhede hom oral in die Baai dophou. Sy lewe word lank al deur konflik gekenmerk, reeds as sesjarige het hy ervaar hoe sy familie se plaas, Towerwater, genadeloos van hulle af weggeneem is toe die owerhede hulle soos vee bymekaargejaag het. Daardie onreg het diep letsels gelaat. Nou, in ’n land wat toenemend in geweld en onrus verval, staan Jakob voor ’n moeilike keuse: Sal hy terugveg vir dit wat van hom gesteel is, of hou hy aan om te vlug? – Die vuur huil deur Allen Grootboom