Dentlinger stel twee romans bekend

Die Namibiese skrywer Carmelita Dentlinger het onlangs twee nuwe romans bekend gestel – een daarvan, Immortality, is haar debuutroman.“Immortality [is] ’n diep menslike verhaal van hartseer, veerkragtigheid en liefde,” sê Dentlinger in ’n mediaverklaring. Dié roman volg die karakter van Charlotte. Sy voel deursigtig by die skool en vasgekeer by die huis onder die donker skaduwee van mishandeling. Haar romanse met Jamie bied Charlotte hoop en lig in ’n wêreld wat andersins donker voel. Dentlinger verweef temas van vergifnis en veerkragtigheid in ’n storie wat emosioneel en boeiend is. Immortality is aanlyn by Amazon en by Exclusive Books, Book Den, Uncle Spike’s se boekwinkel en die Swakopmunder Buchhandlung beskikbaar. Haar jongste roman, The Essence of Life, verweef bonatuurlike spanning en intrige met temas van liefde en oorlewing in die verhaal van Adia Barnes – ’n jong vrou wat haar familie se donkerste geheime oopkrap en River Callaghan, ’n vampier wat te doen het met haar pa se dood en haar lot. Dié romantiese verhaal is verweef met elemente van verraad en plaas die las van onsterflikheid onder die vergrootglas terwyl dit die menslike stryd met vertroue, veerkragtigheid en genesing ondersoek. The Essence of Life is by die Swakopmunder Buchhandlung of by die outeur self beskikbaar. – republikein@republikein.com.na

Dentlinger stel twee romans bekend

Kommentaar

Republikein 2025-12-19

Meld asseblief aan om kommentaar te lewer

Dentlinger stel twee romans bekend

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.