Walvisbaai se mooiste tieners gekroon

Nege meisies en vier seuns het onlangs om die gesogte kroon van Mej. en Mnr. Tiener Walvisbaai meegeding. Roche Thomas is as Mej. Tiener Walvisbaai gekroon terwyl Valentino van der Schuur met die titel van Mnr. Tiener Walvisbaai weggestap het.Roche het nie net die beoordelaars met haar skoonheid en grasie beïndruk nie, maar ook met haar antwoord in die laaste vraerondte. “Die persoon wat my die meeste inspireer, is my ma. Sy is altyd daar vir almal anders, selfs wanneer ander nie daar is vir haar nie. Ek kyk op na haar.”Anescha Blatt is as haar eerste prinses gekroon. Valentino het gesê hy het besluit om aan die kompetisie deel te neem om uit sy gemaksone te kom. “Ek weet die jeug van vandag het hulp nodig. Ek is nie perfek nie en ek is eintlik ’n skaam mens. Ek wou iets doen wat ek nie gewoonlik sou doen nie en my mededeelnemers het my die moed gegee om dit te kan doen.”JD Roussow is as die naaswenner aangewys. Roche en Valentino is ook aangewys as die gehoor se gunstelinge. Yolanda Alves het die Mej. Persoonlikheid title ingepalm, terwyl Anescha Blatt as Mej. Debutant en Mej. Fotogenies aangewys is.Die tema vir die aand was “Around the World” en elke deelnemer moes ’n land verteenwoordig. Deelnemers moes ook in gemaklike en aanddrag die loopplank aandurf, waarna die topvyf aangekondig is. In die kategorie vir die skoner geslag, was dit Roche Thomas, Anescha Blatt, Shard-Donnay Smith, Thadinawahe Lee Doro en Leane Locke. Die topvier-manne was Valentino van der Schuur, JD Roussow, Delano Muller en John West.Dit was die eerste keer dat daar ’n kategorie vir jong mans (vanjaar met vier deelnemers) by die jaarlikse insameling en skoonheidskompetisie gevoeg is en wat deur die Walvisbaai junior dorpsraad aangebied word.Die beoordelaars was Shekinah de Sousa, Jonathan Harris, Tania Nengona en Peter Shumba.

Walvisbaai se mooiste tieners gekroon

Kommentaar

Republikein 2025-12-19

Meld asseblief aan om kommentaar te lewer

Walvisbaai se mooiste tieners gekroon

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.