Comalie onttrek uit wedloop vir toppos

Ogone Tlhage - Stad Windhoek (COW) se boontjieteller Jennifer Comalie het onttrek as kandidaat vir die posisie van uitvoerende hoof van die Ontwikkelingsbank van Namibië (DBN) net ure voordat sy Maandagoggend weens beweerde dwelmhandel in hegtenis geneem is.“Dit is ’n vertroulike proses. Sy het haar aan die onderhoude onttrek en onderhoude is gevoer. Sy het vroeg Maandagoggend onttrek. Geen redes is verskaf nie,” het Sarel van Zyl, die DBN se direksievoorsitter, Woensdag gesê.Hy wou nie verdere inligting bekend maak nie, maar het bygevoeg dat die werwingsproses aan die gang is.“Baie dinge moet nog gedoen word,” het hy gesê.Comalie het laat Dinsdagmiddag haar eerste hofverskyning gemaak.Dít nadat dwelms ter waarde van N$57 000 tydens ’n polisie-operasie in haar voertuig gevind het.Borgtog van N$7 000 is op die staat se voorstel aan haar toegestaan en haar saak is tot 31 Julie uitgestel vir verdere ondersoeke. Die prokureur Trevor Brockerhoff het as haar regsverteenwoordiger opgetree.DIE DWELMS Die polisie wat inligting ontvang het oor dwelms in haar motor en die daaropvolgende soektog, het gekom toe Comalie, die raadsvoorsitter, op pad was na ’n raadsvergadering van die Nasionale Petroleumkorporasie van Namibië (Namcor) – waar sy na bewering die maatskappy se uitvoerende hoof, Imms Mulunga, sou skors.Volgens die polisie is 935 gram dagga, 60 eenhede crack-kokaïen en 10 gram kokaïenpoeier tydens die soektog ontdek.Dit volg op Comalie se versoek verlede week vir ’n ondersoek na Mulunga se beweerde betrokkenheid by ’n betaling van meer as N$100 miljoen vir twee Angolese oliegebiede.Die ondersoek is glo na &#039;n transaksie waarby Namcor en Angola se staatsbeheerde oliemaatskappy, Sonangol, betrokke is, wat verband hou met olieproduserende gebiede in Angola.KORTER KORTLYSComalie was op die kortlys vir die DBN-toppos saam met die presidensiële ekonomiese adviseur James Mnyupe en die huidige DBN-bestuurders Jerome Mutumba, die bank se korporatiewe kommunikasiebestuurder, Robert Eiman, wat aan die hoof van die afdeling vir klein- en medium-ondernemings staan, en Saima Nimengobe, die hoof van die risiko- en voldoeningsafdeling. – republikein@epublikein.com.na

Comalie onttrek uit wedloop vir toppos

Kommentaar

Republikein 2026-08-03

Meld asseblief aan om kommentaar te lewer

Comalie onttrek uit wedloop vir toppos

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.