Sekuriteit verskerp by Namib Mills
Die landswye Namib Mills-staking, gelei deur die Namibië Revolusionêre Vervoer- en Vervaardigingsvakbond (Naretu), duur amptelik sedert Dinsdag voort, nadat die maatskappy die vakbond Maandag voorgespring het deur sy hekke vir stakende werknemers te sluit.
Naretu-leier Petersen Kambinda sê daar is tans geen deurbraak in sig nie, maar dat die vakbond verheug is dat deelnemende werknemers steeds sterk staan.
Op Naretu se Facebookblad is video's van die teenwoordigheid van private sekuriteitsdienste geplaas: "Namib Mills het hul toevlug tot intimidasie van die werkers geneem. Waarom sou hulle Xiphos Sekuriteitsmaatskappy skakel? Waarop reageer hulle as geen alarm afgaan nie? Waarom dra hulle maskers en koeëlvaste drag? Is dit ’n bedreiging vir die lewens van die stakende werknemers?"
Kambinda hou vol “ons lukrake inspeksies dui daarop dat hul produksiemiddele ernstig verlam word,” het hy bygevoeg. “Nywerheidsaksie is ’n magspel en ons is in die bestuurdersitplek”.
Hy sê dat ’n vergadering Dinsdag tussen die vakbond en Namib Mills-bestuur gehou is, waar verskille tussen die maatskappy se aanbod en die vakbond se eise bespreek is, maar behalwe ’n bereidwilligheid van beide kante om te onderhandel, was daar geen vordering nie.
Volgens hom sluit Namib Mills se aanbod van ’n salarisverhoging van gemiddeld 10% ook behuisings- en vervoertoelaes in, wat steeds onvoldoende is vir die vakbond. “Ons soek ten minste ’n 5%-verhoging in salarisse en byvoorbeeld N$500 ekstra vir vervoer afsonderlik, nie alles saam nie.”
Namens Namibië se grootste graanverwerker en vervaardiger van stapelvoedselprodukte soos Top Score, Pasta Polana en Meme Mahangu, het die hoof van menslike hulpbronne, Amorey Pote, Dinsdag se vergadering bevestig en bygevoeg dat die vakbond dit versoek het. Die maatskappy het die geleentheid gebruik om te vra dat deelnemende werknemers ophou om Namib Mills se vragmotors te blokkeer, sê sy. Ten spyte van Kambinda se instemming, duur die dooiepunt voort, wat Namib Mills gedwing het om ’n private sekuriteitsmaatskappy te huur om die vrye beweging van sy vragmotors te verseker, het sy bygevoeg.
Pote het gesê die maatskappy se aanbod, wat die eerste keer in September ter tafel gelê is, bly staan, en dat enige voorstelle van die vakbond skriftelik ingedien moet word. “Dit was ons laaste en beste aanbod en dit bly staan,” het sy gesê. “As hulle verder wil onderhandel, moet hulle dit skriftelik stel.”
Die staking volg op ’n stemproses verlede Donderdag, waartydens ongeveer 700 lede ten gunste daarvan gestem het, het Kambinda voorheen gesê.
– [email protected]
– Klik op die skakel: https://q.my.na/A3F8
Naretu-leier Petersen Kambinda sê daar is tans geen deurbraak in sig nie, maar dat die vakbond verheug is dat deelnemende werknemers steeds sterk staan.
Op Naretu se Facebookblad is video's van die teenwoordigheid van private sekuriteitsdienste geplaas: "Namib Mills het hul toevlug tot intimidasie van die werkers geneem. Waarom sou hulle Xiphos Sekuriteitsmaatskappy skakel? Waarop reageer hulle as geen alarm afgaan nie? Waarom dra hulle maskers en koeëlvaste drag? Is dit ’n bedreiging vir die lewens van die stakende werknemers?"
Kambinda hou vol “ons lukrake inspeksies dui daarop dat hul produksiemiddele ernstig verlam word,” het hy bygevoeg. “Nywerheidsaksie is ’n magspel en ons is in die bestuurdersitplek”.
Hy sê dat ’n vergadering Dinsdag tussen die vakbond en Namib Mills-bestuur gehou is, waar verskille tussen die maatskappy se aanbod en die vakbond se eise bespreek is, maar behalwe ’n bereidwilligheid van beide kante om te onderhandel, was daar geen vordering nie.
Volgens hom sluit Namib Mills se aanbod van ’n salarisverhoging van gemiddeld 10% ook behuisings- en vervoertoelaes in, wat steeds onvoldoende is vir die vakbond. “Ons soek ten minste ’n 5%-verhoging in salarisse en byvoorbeeld N$500 ekstra vir vervoer afsonderlik, nie alles saam nie.”
Namens Namibië se grootste graanverwerker en vervaardiger van stapelvoedselprodukte soos Top Score, Pasta Polana en Meme Mahangu, het die hoof van menslike hulpbronne, Amorey Pote, Dinsdag se vergadering bevestig en bygevoeg dat die vakbond dit versoek het. Die maatskappy het die geleentheid gebruik om te vra dat deelnemende werknemers ophou om Namib Mills se vragmotors te blokkeer, sê sy. Ten spyte van Kambinda se instemming, duur die dooiepunt voort, wat Namib Mills gedwing het om ’n private sekuriteitsmaatskappy te huur om die vrye beweging van sy vragmotors te verseker, het sy bygevoeg.
Pote het gesê die maatskappy se aanbod, wat die eerste keer in September ter tafel gelê is, bly staan, en dat enige voorstelle van die vakbond skriftelik ingedien moet word. “Dit was ons laaste en beste aanbod en dit bly staan,” het sy gesê. “As hulle verder wil onderhandel, moet hulle dit skriftelik stel.”
Die staking volg op ’n stemproses verlede Donderdag, waartydens ongeveer 700 lede ten gunste daarvan gestem het, het Kambinda voorheen gesê.
– [email protected]
– Klik op die skakel: https://q.my.na/A3F8
Kommentaar
Republikein
Geen kommentaar is op hierdie artikel gelaat nie