Regering se indiensnemingsherstelprogram geoudit

Die minsterie van landbou, visserye, water en grondhervorming se indiensnemingsherstelprogram, word deur die kantoor van die ouditeur-generaal geoudit met veral die werksituasie in die visserysektor in die kollig. Die uitvoerende direkteur Teofelus Nghitila het verlede week aan Network Media Hub (NMH) gesê dat die oudit die status van werknemers onder die skema sal bepaal en duidelikheid sal bied oor langdurige bekommernisse. Die bevindinge sal na verwagting vrae oor die werksituasie in die visserysektor aanspreek.“Die regering bly daartoe verbind om die werksituasie in die visserysektor aan te spreek en sodra die oudit afgehandel is, sal die resultate ter inligting gedeel word,” het hy gesê.Verlede week het die minister van justisie en arbeidsbetrekkinge, Fillemon Wise Immanuel, ook kommer uitgespreek oor bewerings dat sommige visvangmaatskappye steeds vissers betaal wat nie dienste onder die program lewer nie.SPOOKWERKERSIn 'n brief aan die minister van landbou, visserye, water en grondhervorming, Inge Zaamwani, het Immanuel gesê dat dié praktyk na bewering al 'n geruime tyd voortduur met maatskappye wat die regering mislei deur voor te gee dat werkers in diens is terwyl hulle nie werklik in diens is nie. Immanuel het gewaarsku dat sulke gedrag Namibië se arbeidswette skend en op wanvoorstelling of bedrog kan neerkom.Hy het Zaamwani versoek om die bewerings te ondersoek en aangewese entiteite te waarsku dat die betaling van lone sonder werk "onreëlmatig en korrup" is.Immanuel het verder aangedring dat maatskappye wat by die praktyk betrokke is, opdrag gegee word om dit onmiddellik te staak en gewaarsku dat versuim om dit te doen gevolge kan hê.Die regering se regstellende indiensnemingsprogram is ingestel om die werkers wat deur werkverliese in die visserybedryf geraak word, se lot te verlig, maar vrae het voortgeduur oor die implementering daarvan en die voorwaardes van diegene wat daaronder in diens geneem is.- republikein@republikein.com.na

Regering se indiensnemingsherstelprogram geoudit

Kommentaar

Republikein 2026-04-28

Meld asseblief aan om kommentaar te lewer

Regering se indiensnemingsherstelprogram geoudit

Kommentaar

Republikein 2026-04-28

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.