NHE bied N$5 000 aan stakers om terug te keer

Ogone Tlhage – Die bestuur van die Nasionale Behuisingsonderneming (NHE) het stakende werknemers N$5 000 as ’n eenmalige betaling aangebied as deel van pogings om dié byna maandlange staking tot ’n einde te bring.Die entiteit het ook aangebied om lenings uit te reik aan sy werknemers wat by die staking betrokke is en deur sy voorwaarde van “geen werk, geen betaling” geraak is.“Die bestuur het ’n mandaat om ’n eenmalige betaling van N$5 000 aan die werknemers in die bedingingseenheid vir die 2021-’22-boekjaar te gee. Dit kom neer op N$525 000,” het Gisbertus Mukulu, uitvoerende hoof van die NHE, in ’n voorstel aan die Staatsdiensunie van Namibië (PSUN) gesê.N$5 000 is ’n finale aanbod van die direksie vir die 2021-‘22-boekjaar, het hy bygevoeg.Die vakbond het ’n eenmalige betaling van N$10 000 gevra om die staking te beëindig en die NHE versoek om die voorwaarde van “geen werk, geen betaling” te laat vaar. Die vakbond het ook sy eis vir ’n salarisverhoging van 7% laat vaar.Die NHE het egter die voorstel om die stakingsvoorwaarde te laat vaar, verwerp.“Die werkgewer sal nie die ‘geen werk, geen betaling’-beginsel laat vaar nie, aangesien dit ’n ooreengekome stakingsreël is en nooit ’n onderhandelbare kwessie was nie,” het Mukulu gesê.Geld sal ook oor ’n tydperk van vier maande van werknemers afgetrek word ingevolge dié stakingsreël, het hy bygevoeg.ONMOONTLIK Mukulu het die vakbond ingelig dat die NHE vir die 2022-‘23-boekjaar nie ’n salarisverhoging aan werknemers sal kan toestaan nie.“Gevolglik is die werkgewer nie in staat om die vergoeding in ooreenstemming met inflasie te verhoog nie. Boonop is die werkgewer nie in staat om werknemers se agterstallige salarisse van agt maande vir die 2022-’23-boekjaar te betaal nie.”Die stakende NHE-werknemers het aanvanklik ’n algehele salarisverhoging van 7% geëis, asook ’n verhoging van 5% in hul behuisingstoelaag, asook N$25 in hul vervoertoelaag.Hulle wou ook hê die voorgestelde verhogings moet 12 maande vroeër gedateer word om voorsiening vir die 2021-’22 finansiële jaar te maak. – republikein@republikein.com.na

NHE bied N$5 000 aan stakers om terug te keer

Kommentaar

Republikein 2025-11-03

Meld asseblief aan om kommentaar te lewer

NHE bied N$5 000 aan stakers om terug te keer

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.