‘80% van werksmag het matriek of minder’
Projekte bied geleenthede vir graduandi
Die hoof van NIPDB het verlede week opgemerk die werkloosheidsyfer in Namibië is "baie hoog".
Terwyl die regering gewaarsku is oor “Dutch disease” met betrekking tot die ontluikende olie- en gasbedryf, is hy desperaat om gehaltewerk te skep vir ’n arbeidsmag waar 80% van deelnemers graad 12 of laer kwalifikasies het.
Dit volgens die hoof van die Namibiese Raad vir die Bevordering van Beleggings en Ontwikkeling (NIPDB), Nangula Uaandja, wat die opmerkings Donderdag tydens ’n sooispitseremonie vir die Benguela Blue Aqua-landbouprojek by Lüderitz gemaak het.
Dié siekte is ’n ekonomiese verskynsel waar die vinnige ontwikkeling van een sektor van die ekonomie tot ’n afname in ander sektore lei.
Haar opmerkings val saam met die staatshoof van België, koning Philippe, se besoek aan Namibië wat hulpbronne vir die ontwikkeling van groen waterstof soek, aangesien Europa die knyp van energietekorte voel.
“Talle mense waarsku ons teen die siekte, en natuurlik weet ons. Voor groen waterstof het die Namibiese regering besef ons ekonomie groei nie soos dit moet nie; ons skep nie die kwaliteit en aantal werksgeleenthede wat ons moet nie. Ons ekonomie se inklusiwiteit was baie laag. Ons moet hierdie ekonomie diversifiseer,” het sy gesê.
Uaandja het opgemerk die werkloosheidsyfer is “baie hoog” en bygevoeg dat “ongeveer 80% van werkende Namibiërs mense met graad 12 of ’n laer kwalifikasie is”.
“Ons het wel ’n paar graduandi, ons ekonomie was egter nie in ’n posisie om daardie werksgeleenthede vir hulle te skep nie en ek dink die projekte wat ons vandag sien bied geleenthede vir ons graduandi,” het sy gesê.
Intussen het die adjunkpresident, Netumbo Nandi-Ndaitwah, bedryfsleiers daaraan herinner dat hulle en NIPDB moet verseker dat plaaslike klein- en mikro-ondernemings ten volle aan die projek moet deelneem.
“Wanneer ons oor plaaslike inhoud praat, moet daar ’n doelbewuste en volgehoue poging wees om te verseker dat veral Namibiërs en plaaslike gemeenskappe ten volle voordeel trek uit die waardeketting wat deur ons natuurlike hulpbronne gegenereer word.
“As ’n groeiende nasie, met ’n bevolking wat tans op net meer as drie miljoen staan, sal die vraag na beter lewensgehalte en volhoubare werksgeleenthede aanhou groei, en hierdie uitdaging vereis veerkragtige en innoverende reaksiestrategieë,” het sy gesê.
– [email protected]
Dit volgens die hoof van die Namibiese Raad vir die Bevordering van Beleggings en Ontwikkeling (NIPDB), Nangula Uaandja, wat die opmerkings Donderdag tydens ’n sooispitseremonie vir die Benguela Blue Aqua-landbouprojek by Lüderitz gemaak het.
Dié siekte is ’n ekonomiese verskynsel waar die vinnige ontwikkeling van een sektor van die ekonomie tot ’n afname in ander sektore lei.
Haar opmerkings val saam met die staatshoof van België, koning Philippe, se besoek aan Namibië wat hulpbronne vir die ontwikkeling van groen waterstof soek, aangesien Europa die knyp van energietekorte voel.
“Talle mense waarsku ons teen die siekte, en natuurlik weet ons. Voor groen waterstof het die Namibiese regering besef ons ekonomie groei nie soos dit moet nie; ons skep nie die kwaliteit en aantal werksgeleenthede wat ons moet nie. Ons ekonomie se inklusiwiteit was baie laag. Ons moet hierdie ekonomie diversifiseer,” het sy gesê.
Uaandja het opgemerk die werkloosheidsyfer is “baie hoog” en bygevoeg dat “ongeveer 80% van werkende Namibiërs mense met graad 12 of ’n laer kwalifikasie is”.
“Ons het wel ’n paar graduandi, ons ekonomie was egter nie in ’n posisie om daardie werksgeleenthede vir hulle te skep nie en ek dink die projekte wat ons vandag sien bied geleenthede vir ons graduandi,” het sy gesê.
Intussen het die adjunkpresident, Netumbo Nandi-Ndaitwah, bedryfsleiers daaraan herinner dat hulle en NIPDB moet verseker dat plaaslike klein- en mikro-ondernemings ten volle aan die projek moet deelneem.
“Wanneer ons oor plaaslike inhoud praat, moet daar ’n doelbewuste en volgehoue poging wees om te verseker dat veral Namibiërs en plaaslike gemeenskappe ten volle voordeel trek uit die waardeketting wat deur ons natuurlike hulpbronne gegenereer word.
“As ’n groeiende nasie, met ’n bevolking wat tans op net meer as drie miljoen staan, sal die vraag na beter lewensgehalte en volhoubare werksgeleenthede aanhou groei, en hierdie uitdaging vereis veerkragtige en innoverende reaksiestrategieë,” het sy gesê.
– [email protected]
Kommentaar
Republikein
Geen kommentaar is op hierdie artikel gelaat nie