Vernietiging van dwelms bemoeilik
Kokaïenbesending van N$206 m. verbrand
'n Gebrek aan dwelmstandaarde kniehalter die vernietiging daarvan, sê die hoof van die Instituut vir Forensiese Wetenskap.
Elizabeth Kheibes
Kommissaris Nelius Becker, die hoof van die Namibiese polisie se Instituut vir Forensiese Wetenskap (NPFSI), en sy span het gister ’n reuse- kokaïenbesending ter waarde van N$206 miljoen vernietig en verskeie struikelblokke uitgelig wat dié proses bemoeilik.
Becker het tydens die geleentheid gesê die besending wat vernietig is, is tydens ’n klopjag by die Walvisbaaise hawe in 2018 gekonfiskeer.
“Sedert verlede jaar Oktober, en selfs ’n jaar voor dit, kon ons geen kokaïen-ontledings doen nie, omdat die Namibiese polisie probleme ondervind om dwelmstandaardmonster in die land in te bring.
“Dit is ’n klein hoeveelheid suiwer dwelms, in leketerme, wat gebruik word om vas te stel met watter dwelm ons te doen het. Ons het gesukkel om ’n permit van die Namibiese Medisynebeheerraad (NMRC) te kry om die standaard die land in te bring en dit in ons geriewe te stoor,” het Becker aan Republikein se susterkoerant Namibian Sun gesê.
OU SAKE
Die kokaïenbesending wat vernietig is, is afkomstig van ’n saak waarin twee Walvisbaaiers Grant Noble en Dinath Azhar gevang is waar hulle in 2018 412 kilogram kokaïen – met ’n plaaslike straatwaarde van sowat N$206 miljoen – in die land ingesmokkel het.
In Oktober verlede jaar het regter Orben Sibeya beide tot 12 jaar tronkstraf gevonnis.
Die gebrek aan ’n dwelmstandaard in Namibië vertraag volgens Becker verskeie dwelmverwante sake vir jare, terwyl dit hulle eintlik een dag sal neem om spesifiek vir kokaïen te toets.
“Daar is een verskaffer van hierdie standaarde in Suid-Afrika en ons kon hulle nie kry om ’n prestasiewaarborg aan ons te lewer sodat ons ’n vooruitbetaling kan maak waarop hulle aangedring het nie. Ons is ’n geloofwaardige instelling, deel van die Namibiese regering. Tans probeer die ministerie van gesondheid en maatskaplike dienste om ’n bestelling vir ons te genereer, maar ons is aan die einde van die finansiële jaar, met min hoop dat dit binnekort sal gebeur,” het hy gesê.
GEEN TYDLYN
Die ministerie van gesondheid se uitvoerende direkteur, Ben Nangombe, het gesê die ministerie is besig om die dwelmstandaard te bekom en na Namibië te bring.
“Ons het ’n reëling gehad en die Medisynebeheerraad ingelig om voorsiening te maak vir die fondse sodat die NPFSI die standaard kan bekom. Ander uitdagings is met die verskaffer in Suid-Afrika ondervind.
“Die forensiese span het toe die ministerie gevra om weer in te gryp en met die verkryging te help en so het ons gesien die wet in Namibië maak inderdaad voorsiening vir ons om daardie spesifieke standaard te verkry.
“Die proses is nog aan die gang. Goedkeuring vir die verkryging is toegestaan, maar ons het nie ’n tydlyn oor wanneer dit gedoen sal word nie,” het hy gesê.
Becker het gesê dat hulle op die oomblik net een keer per jaar dwelms vernietig, maar verkieslik sou hulle dit wou doen nadat elke dwelmverwante saak afgehandel is.
Hy het onthul dat die NPFSI ’n betaling van N$137 000 aan die ministerie van gesondheid gemaak het om die standaard, wat uit verskeie dwelmtoetsmonsters bestaan, te bekom.
– [email protected]
Kommissaris Nelius Becker, die hoof van die Namibiese polisie se Instituut vir Forensiese Wetenskap (NPFSI), en sy span het gister ’n reuse- kokaïenbesending ter waarde van N$206 miljoen vernietig en verskeie struikelblokke uitgelig wat dié proses bemoeilik.
Becker het tydens die geleentheid gesê die besending wat vernietig is, is tydens ’n klopjag by die Walvisbaaise hawe in 2018 gekonfiskeer.
“Sedert verlede jaar Oktober, en selfs ’n jaar voor dit, kon ons geen kokaïen-ontledings doen nie, omdat die Namibiese polisie probleme ondervind om dwelmstandaardmonster in die land in te bring.
“Dit is ’n klein hoeveelheid suiwer dwelms, in leketerme, wat gebruik word om vas te stel met watter dwelm ons te doen het. Ons het gesukkel om ’n permit van die Namibiese Medisynebeheerraad (NMRC) te kry om die standaard die land in te bring en dit in ons geriewe te stoor,” het Becker aan Republikein se susterkoerant Namibian Sun gesê.
OU SAKE
Die kokaïenbesending wat vernietig is, is afkomstig van ’n saak waarin twee Walvisbaaiers Grant Noble en Dinath Azhar gevang is waar hulle in 2018 412 kilogram kokaïen – met ’n plaaslike straatwaarde van sowat N$206 miljoen – in die land ingesmokkel het.
In Oktober verlede jaar het regter Orben Sibeya beide tot 12 jaar tronkstraf gevonnis.
Die gebrek aan ’n dwelmstandaard in Namibië vertraag volgens Becker verskeie dwelmverwante sake vir jare, terwyl dit hulle eintlik een dag sal neem om spesifiek vir kokaïen te toets.
“Daar is een verskaffer van hierdie standaarde in Suid-Afrika en ons kon hulle nie kry om ’n prestasiewaarborg aan ons te lewer sodat ons ’n vooruitbetaling kan maak waarop hulle aangedring het nie. Ons is ’n geloofwaardige instelling, deel van die Namibiese regering. Tans probeer die ministerie van gesondheid en maatskaplike dienste om ’n bestelling vir ons te genereer, maar ons is aan die einde van die finansiële jaar, met min hoop dat dit binnekort sal gebeur,” het hy gesê.
GEEN TYDLYN
Die ministerie van gesondheid se uitvoerende direkteur, Ben Nangombe, het gesê die ministerie is besig om die dwelmstandaard te bekom en na Namibië te bring.
“Ons het ’n reëling gehad en die Medisynebeheerraad ingelig om voorsiening te maak vir die fondse sodat die NPFSI die standaard kan bekom. Ander uitdagings is met die verskaffer in Suid-Afrika ondervind.
“Die forensiese span het toe die ministerie gevra om weer in te gryp en met die verkryging te help en so het ons gesien die wet in Namibië maak inderdaad voorsiening vir ons om daardie spesifieke standaard te verkry.
“Die proses is nog aan die gang. Goedkeuring vir die verkryging is toegestaan, maar ons het nie ’n tydlyn oor wanneer dit gedoen sal word nie,” het hy gesê.
Becker het gesê dat hulle op die oomblik net een keer per jaar dwelms vernietig, maar verkieslik sou hulle dit wou doen nadat elke dwelmverwante saak afgehandel is.
Hy het onthul dat die NPFSI ’n betaling van N$137 000 aan die ministerie van gesondheid gemaak het om die standaard, wat uit verskeie dwelmtoetsmonsters bestaan, te bekom.
– [email protected]
Kommentaar
Republikein
Geen kommentaar is op hierdie artikel gelaat nie