Twee nuwe skole bemagtig Ju/’hoansi

Augetto GraigDie goewerneur van die Otjozondjupastreek, John Jurius //Khamuseb, het die tweede skool wat deur die Ju/’hoansi-ontwikkelingsfonds (JDF) gebou is by N#ama in die suidoostelike Nyae Nyae-bewaringsgebied, amptelik op 13 November geopen.Hy het voor ’n gehoor van ongeveer 400 ouers, leerlinge, onderwysers en amptenare die vennootskap tussen JDF en die ministerie van onderwys, vernuwing, jeug, sport, kuns en kultuur geprys.JDF kon Pine Pienaar van Tsumkwe en sy konstruksiemaatskappy by die projek betrek deur ’n skenking van Ninety One, ’n wêreldwye batebestuurder met meer as N$3 miljard (trillion) in bates onder bestuur.Ninety One se besturende direkteur in Afrika, Eino Emvula, het by die geleentheid gesê die N#ama-skoolprojek “is ’n buitengewone inisiatief wat daarop gemik is om opvoedkundige geriewe vir die Ju/’hoansi-gemeenskap te verbeter, terwyl tradisionele kennis saam met akademiese leer bevorder word”.Emvula het gesê: “Vir ons het die ondersteuning van hierdie projek nooit net oor die finansiering van ’n gebou gegaan nie. Dit het gegaan oor die ondersteuning van ’n gemeenskap wat vasberade is om sy eie toekoms te vorm.”Die N#ama-skool, soos die eerste een wat by Den/ui gebou is, bestaan uit twee goed ingerigte klaskamers, seuns- en meisieskoshuise met storte en aparte toilette, twee woonstelle vir onderwysers met ablusiegeriewe en ’n kombuis met stoorkamers.Die voorsitter van JDF, dr. Allen Zimbler, het amptelik beide skole aan die ministerie oorhandig.“In die geval van gemarginaliseerde gemeenskappe, waar die vereiste vir onderwys in geografies verspreide dorpe konvensionele skole ongepas maak, vra die behoeftes van daardie gemeenskappe vir kreatiewe en buite-die-boks denke,” het hy gesê.Zimbler het sy waardering vir die ministerie se vertroue in so ’n klein liefdadigheidsorganisasie uitgespreek. Hy het ook die deeltydse personeel van JDF; die projek se direkteur, Saskia den Adel-Sheehama, die onderwysmentor en departementshoof van die skole, Festus Soroab, en rekeningbestuurder, Christa Potgieter, geloof.Die streekdirekteur van onderwys in die Otjozondupastreek, Gerhard Ndafenongo, sy adjunk, Chris Tjivikua, streekinspekteur Markus Munenge, en die adjunkdirekteur vir finansies en administrasie, Knox Imbuwa, was ook teenwoordig tydens die oorhandiging.Volgens Ndafenongo is JDF se impak beduidend en duidelik vir almal om te sien.Francine Ghauz het namens die hoof van die tradisionele owerheid, hoofman Bobo Tsamkxao, JDF bedank vir die moeite wat hulle gedoen het om die skool in ’n verafgeleë gebied te bou.’n Hoogtepunt van die verrigtinge was die tradisionele danse en vuurmaak deur lede van die gemeenskap. ’n Middagete is deur vroue van Tsumkwe en N#ama, met die hulp van JDF-raadslid, dr. Alexandra Parrs, voorberei.“Die uitdaging duur voort, aangesien JDF nou fondse soek om die volgende van die vyf moedertaal- en intreevlakskole te bou,” het Den Adel-Sheehama gesê.– augetto@nmh-hub.com.na Augetto GraigDie goewerneur van die Otjozondjupastreek, John Jurius //Khamuseb, het die tweede skool wat deur die Ju/’hoansi-ontwikkelingsfonds (JDF) gebou is by N#ama in die suidoostelike Nyae Nyae-bewaringsgebied, amptelik op 13 November geopen.Hy het voor ’n gehoor van ongeveer 400 ouers, leerlinge, onderwysers en amptenare die vennootskap tussen JDF en die ministerie van onderwys, vernuwing, jeug, sport, kuns en kultuur geprys.JDF kon Pine Pienaar van Tsumkwe en sy konstruksiemaatskappy by die projek betrek deur ’n skenking van Ninety One, ’n wêreldwye batebestuurder met meer as N$3 miljard (trillion) in bates onder bestuur.Ninety One se besturende direkteur in Afrika, Eino Emvula, het by die geleentheid gesê die N#ama-skoolprojek “is ’n buitengewone inisiatief wat daarop gemik is om opvoedkundige geriewe vir die Ju/’hoansi-gemeenskap te verbeter, terwyl tradisionele kennis saam met akademiese leer bevorder word”.

Twee nuwe skole bemagtig Ju/’hoansi

Kommentaar

Republikein 2026-03-19

Meld asseblief aan om kommentaar te lewer

Twee nuwe skole bemagtig Ju/’hoansi

Kommentaar

Republikein 2026-03-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.