Sternagels op Afrika-podium

Die Afrika Sone 7 Moto Cross-kampioenskap het Saterdag naby Kaapstad afgeskop en toe die stof gister gaan l en toe die stof gister gaan lê, het Namibië vierde van tien lande eindig. Suid-Afrika (728 punte) was die wenners, met Zimbabwe (384) tweede, Zambië (233) derde en Namibië (206) vierde.Ryers van Botswana, Kenia, Lesotho, Madagaskar, Maritius en Uganda het in die koue en nat weer tot die vuurwarm aksie bygedra.Saterdag is slegs een resies in elk van die agt klasse gejaag. Twee renne het gister gevolg om die Sone 7-kampioene in elke klas te bepaal.Namibië se Mark Sternagel en Uwe Sternagel het Saterdag goed gevaar om albei derde in hul onderskeie klasse te eindig. Mark het in die topklas (MX 1) gejaag, terwyl Uwe sy staal in die veterane-afdeling gewys het. Uwe het algeheel derde in sy klas geëindig.Mark het gister in die tweede resies twee deurslaggewende foute begaan en van derde tot sesde afgeskuif, voor hy teruggeveg het om vierde te eindig.In die derde ren was hy weer aan die voorpunt, voor hy opnuut vierde geëindig het.In MX 1 het Namibië het ook ’n tweede plek vir spanne behaal, met 49 punte teen die wenners Suid-Afrika (109) en Zambië (derde met 24).In die 85 cc-klas het die Namibiese spanne ’n algehele derde plek behaal en in die Veterane-afdeling ’n algehele tweede posisie.Ingo Waldschmidt, die spanbestuurder, sê Rigo Wolf wat in die 125 cc-klas gejaag het, het aan die einde van sy wedren ’n slegte val beleef en harsingskudding opgedoen.“Rigo het sleg getuimel en is nie deur die medici vrygelaat om sy kompetisie voort te sit nie. Mark het driekwart van die wedren voorgeloop, maar sy plek is deur die twee Suid-Afrikaanse jaers oorgeneem.“Die toestande is baie modderig en nat, waaraan ons nie gewoond is nie. Maar al die ryers is gesond. Hul gemoedstoestand is hoog en hulle plaas Namibië op die kaart.

Sternagels op Afrika-podium

Kommentaar

Republikein 2026-03-25

Meld asseblief aan om kommentaar te lewer

Sternagels op Afrika-podium

Kommentaar

Republikein 2026-03-25

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.