Pa erken hy het seks met dogter gehad

’n Voormalige polisiebeampte wat deur sy biologiese dogter van verkragting aangekla is, het erken dat hy na bewering 12 jaar gelede “’n voorval van seksuele kontak” met haar gehad het.Tydens kruisondervraging Dinsdag in die hoërhof in Windhoek voor regter Claudia Claasen het die pa getuig oor die interaksie met sy dogter tydens ’n besoek aan Ondjiva in Angola.“Ek onthou nie wie dit geïnisieer het of hoe dit gebeur het nie, maar ek het geweet ek het die vorige aand &#039;n seksuele daad gepleeg. Ek het dit gevoel. Ek het gevoel asof ek seks gehad het.”Hy het dit erken terwyl hy volgehou het dat ’n seksuele verhouding met ’n mens se dogter nie “moontlik” of normaal is nie.Hy onthou dat hy saam met sy dogter, wat toe 17 jaar oud was, en sy eksmeisie na ’n lodge in Ondjiva gegaan het. Hulle het ’n paar drankies gedrink en teruggekeer na die kamer wat hulle drie gedeel het.“Ek was veronderstel om my eksmeisie die volgende oggend lughawe toe te vat, maar ek het verslaap.“Toe ek wakker word, was die persoon saam met wie ek gaan slaap het nie dieselfde persoon langsaan wie ek wakker geword het nie – dit was eerder my naakte dogter. Ek was ook kaal.“Eers toe ek haar daaroor gekonfronteer het, het ek uitgevind dat sy my eksmeisie na die lughawe gevat het,” het hy getuig.BEDOELINGHulle het toe in ’n hewige stryery betrokke geraak waar hy haar na bewering met geweld geslaan en sy op die grond neergeval het.Hy het gesê hy het toe lighoofdig en swak gevoel weens woede wat hy teenoor homself gevoel het omdat hy toegelaat het dat dinge so handuit ruk.“Ek is ’n baie verantwoordelike pa en ek is lief vir en gee om vir my dogter. Ek het geen bedoeling gehad om haar skade aan te doen nie,” het hy verduidelik.Hy kon glo nie onthou wat gebeur het nadat hy sy bewussyn verloor het nie en onthou net hoe hy saam met sy vriend en dogter in ’n motor wakker geword het op pad terug Windhoek toe.Hy het voor hul seksuele ontmoeting gesê hy het ’n string teksboodskappe van sy dogter ontvang terwyl sy in 2009 in polisieselle in Windhoek aangehou is in verband met ’n vorige oortreding. Sy het glo in dié boodskappe erken sy het ’n seksuele aangetrokkenheid tot hom ontwikkel. Sy was toe vyftien.Die dogter het glo ook beweer sy het kort ná dié voorval swanger geraak, maar dat hy haar glo opdrag gegee het om aborsiepille in Oshikango te koop. Hy het dié bewerings ontken.TERUGGETREKDie dogter het aan haar tannie gesê dat haar pa haar na bewering verkrag het en die familie het haar glo aangemoedig om ’n saak teen hom aanhangig te maak.Hy is in Januarie 2013 in hegtenis geneem en in Julie dieselfde jaar op borgtog van N$25 000 vrygelaat.Sy het wel onlangs haar getuienis verander en erken dat sy gejok het oor die aanklagte van verkragting en molestering. Die staat het aangevoer sy het haar verklaring gewysig om haar pa te beskerm.“My dogter is deur haar onmiddellike familie [die ma, tannie en neefs] gedwing om vals aantygings teen my te maak. Dit bring hulle vreugde om my in die tronk te sien,” het die beskuldigde gesê.Die saak is tot vandag uitgestel.– republikein@republikein.com.na

Pa erken hy het seks met dogter gehad

Kommentaar

Republikein 2026-02-03

Meld asseblief aan om kommentaar te lewer

Pa erken hy het seks met dogter gehad

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.