Namibië verwerp mislukte staatsgreep in die DRK

Die minister van internasionale betrekkinge en samewerking, dr. Peya Mushelenga, het Namibië se kommer oor verwikkelinge in Kinshasa, die hoofstad van die Demokratiese Republiek die Kongo (DRK), Maandag uitgespreek.Dít nadat ’n staatsgreeppoging glo in die vroeë oggendure van Sondag 19 Mei misluk het.“Namibië is onwrikbaar in sy standpunt van geen verdraagsaamheid om die bewind van ’n land deur ongrondwetlike dade oor te neem nie,” voer hy aan.Mushelenga sê die beginsel agter die Afrika-Unie (AU), die AU-grondwet en die Afrika-handves vir demokratiese verkiesings en regering vra dat almal die ongrondwetlike oorname van ’n regering ten sterkste moet veroordeel en verwerp.Dié standpunt is in ooreenstemming met die AU se agenda “om die gewere in Afrika stil te maak”, sê hy.Namibië sal voortgaan om die mense van die DRK te ondersteun en doen ’n beroep op die internasionale gemeenskap om die nodige vredesinisiatiewe in die DRK te ondersteun.Hy sê ook Namibië verwelkom, ondersteun en stem saam met die standpunt wat die Suider-Afrikaanse Ontwikkelingsgemeenskap (SADC) ingeneem het.SADC het reeds Maandag die staatsgreeppoging uit Gaborone in Botswana veroordeel.In ’n verklaring verwerp verskeie Afrikalande die gewapende aanval op huise van senior staatsamptenare, insluitend die woning van die DRK se president, Felix Tshisekeni.Volgens SADC het die DRK se weermag die aanvallers in hegtenis geneem en verdere eskalasie van die geweld gestuit. – augetto@republikein.com.na

Namibië verwerp mislukte staatsgreep in die DRK

Kommentaar

Republikein 2025-11-04

Meld asseblief aan om kommentaar te lewer

Namibië verwerp mislukte staatsgreep in die DRK

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.