Hulpkrete teen GBV weergalm in hoofstad
Inwoners van informele nedersettings voel afgeskeep
Gemeenskapslede van die informele nedersettings Havana, Hakahana en Goreangab het gister verby ondersteuners van die regering se jongste #EndGBVNamibia-veldtog teen geslagsgebaseerde geweld (GBV) geloop op pad na die Katutura-landdroshof.
Hul doel was om ’n klagskrif rakende herhaalde borgtogtoekennings aan verdagtes van geslagsgeweld, verkragting en kindermolestering aan die hof se hoofaanklaer te oorhandig. Die beampte van die hof het glo geweier om die klagskrif in ontvangs te neem, volgens die gemeenskapsaktivis Shaun Gariseb.
In die klagskrif word vier verwante voorvalle oor die afgelope drie jaar uitgelig, met al die verdagtes wat tans vry is op borgtog.
Verlede jaar, op 24 Augustus 2024, het die betrokke gemeenskap reeds protes aangeteken, veral oor een van die betrokke hofsake wat toe tot 4 Junie vanjaar uitgestel is, en die verdagte wat kort daarna borgtog toegestaan is.
Die verdagte het glo sedertdien weer ’n soortgelyke oortreding gepleeg, volgens Gariseb.
Monica Imanga en haar kollegas van die Home of Good Hope-sopkombuis in Goreangab het die klagskrif begin, nadat sommige van die duisende kinders wat hulle daagliks voed, hulle in hul vertroue geneem het oor hul aangrypende ervarings.
“As ’n gemeenskap voel ons afgeskeep en word ons nie ernstig opgeneem wanneer ons huil nie. Nie al die kinders wat ons by ons sopkombuis versorg, het die vrymoedigheid om te praat oor wat met hulle by die huis gebeur nie.
“In ons gemeenskappe het die verkragting van minderjariges ook ’n probleem geword,” lui die klagskrif.
Hulle eis dat borgtog geweier word totdat soortgelyke sake afgehandel is, tot 10 mobiele polisiekantore in die gemeenskappe gevestig word, slagoffers sielkundige hulp ontvang en daar meer ligte in hul woonbuurte moet wees.
Die groep doen ook ’n beroep op die ministerie van geslagsgelykheid en kinderwelsyn om meer bewustheid te skep.
AMPTELIKE BEKENDSTELLING
Die minister van geslagsgelykheid en kinderwelsyn, Emma Kantema, was terselfdertyd aan die woord by die VN-plein in Katutura tydens die amptelike bekendstelling van die #EndGBVNamibia-veldtog.
Kantema sê president Netumbo Nandi-Ndaitwah het reeds in haar staatsrede op 24 April beklemtoon dat Namibië nie GBV duld nie.
Die ministerie het intussen ondersteuningsdienste vir slagoffers versterk, gespesialiseerde eenhede in elke streek se polisiemag gevestig, opleiding aan betrokke amptenare in welsynsdienste en wetstoepassing verskaf en na gemeenskappe uitgereik om bewustheid te skep oor hierdie “plaag wat die weefsel van ons samelewing skeur”, sê die minister.
Kantema sê meer as 4 400 voorvalle van geslagsgebaseerde geweld is verlede jaar by die Namibiese polisie aangemeld, insluitend meer as 1 300 verkragtings.
“Dit is nie net syfers nie, dit is lewens wat vir altyd verander is,” sê sy.
Haar navorsing dui ook daarop dat talle voorvalle deur herhaalde oortreders gepleeg word.
Kantema sê: “Sonder ingryping gaan die siklus van geweld onverpoosd voort.”
Die jongste regeringsveldtog fokus op Namibiese identiteit en trots in ’n samelewing wat geweld verwerp; die bemagtiging van gemeenskappe om slagoffers te ondersteun; die versterking van betrokke instansies, navorsing en vernuwing om die neigings beter te verstaan en te bekamp; en die verandering van Namibiërs se denkwyse teenoor geweld, sê sy.
Die president se man, afgetrede luitenant-generaal Epaphras Denga Ndaitwah, was ook aan die woord.
In haar toespraak het die minister van inligting en kommunikasietegnologie, Emma Theofelus, die bydrae van die weermagveteraan geprys as ’n voorbeeld van die noodsaaklike betrokkenheid van mans in die stryd om weg te breek van die stigma wat slagoffers ervaar.
“As ’n Namibiër is ons almal aangeraak,” sê sy en “ons ken almal iemand wat ’n slagoffer was,” as ons nie self daardeur is nie.
Theofelus beskryf #EndGBVNamibia as ’n kommunikasieveldtog vir sosiale gedragsverandering.
“Ons sosiale gedrag moet verander sodat mans en vroue dit saam kan beveg. Ons kan nie ophou daaroor praat nie.
“Ons moet elkeen verantwoordelikheid neem en ons moet aanhou daaroor praat, anders sal ons nooit hierdie stryd wen nie,” sê sy.
– [email protected]
Hul doel was om ’n klagskrif rakende herhaalde borgtogtoekennings aan verdagtes van geslagsgeweld, verkragting en kindermolestering aan die hof se hoofaanklaer te oorhandig. Die beampte van die hof het glo geweier om die klagskrif in ontvangs te neem, volgens die gemeenskapsaktivis Shaun Gariseb.
In die klagskrif word vier verwante voorvalle oor die afgelope drie jaar uitgelig, met al die verdagtes wat tans vry is op borgtog.
Verlede jaar, op 24 Augustus 2024, het die betrokke gemeenskap reeds protes aangeteken, veral oor een van die betrokke hofsake wat toe tot 4 Junie vanjaar uitgestel is, en die verdagte wat kort daarna borgtog toegestaan is.
Die verdagte het glo sedertdien weer ’n soortgelyke oortreding gepleeg, volgens Gariseb.
Monica Imanga en haar kollegas van die Home of Good Hope-sopkombuis in Goreangab het die klagskrif begin, nadat sommige van die duisende kinders wat hulle daagliks voed, hulle in hul vertroue geneem het oor hul aangrypende ervarings.
“As ’n gemeenskap voel ons afgeskeep en word ons nie ernstig opgeneem wanneer ons huil nie. Nie al die kinders wat ons by ons sopkombuis versorg, het die vrymoedigheid om te praat oor wat met hulle by die huis gebeur nie.
“In ons gemeenskappe het die verkragting van minderjariges ook ’n probleem geword,” lui die klagskrif.
Hulle eis dat borgtog geweier word totdat soortgelyke sake afgehandel is, tot 10 mobiele polisiekantore in die gemeenskappe gevestig word, slagoffers sielkundige hulp ontvang en daar meer ligte in hul woonbuurte moet wees.
Die groep doen ook ’n beroep op die ministerie van geslagsgelykheid en kinderwelsyn om meer bewustheid te skep.
AMPTELIKE BEKENDSTELLING
Die minister van geslagsgelykheid en kinderwelsyn, Emma Kantema, was terselfdertyd aan die woord by die VN-plein in Katutura tydens die amptelike bekendstelling van die #EndGBVNamibia-veldtog.
Kantema sê president Netumbo Nandi-Ndaitwah het reeds in haar staatsrede op 24 April beklemtoon dat Namibië nie GBV duld nie.
Die ministerie het intussen ondersteuningsdienste vir slagoffers versterk, gespesialiseerde eenhede in elke streek se polisiemag gevestig, opleiding aan betrokke amptenare in welsynsdienste en wetstoepassing verskaf en na gemeenskappe uitgereik om bewustheid te skep oor hierdie “plaag wat die weefsel van ons samelewing skeur”, sê die minister.
Kantema sê meer as 4 400 voorvalle van geslagsgebaseerde geweld is verlede jaar by die Namibiese polisie aangemeld, insluitend meer as 1 300 verkragtings.
“Dit is nie net syfers nie, dit is lewens wat vir altyd verander is,” sê sy.
Haar navorsing dui ook daarop dat talle voorvalle deur herhaalde oortreders gepleeg word.
Kantema sê: “Sonder ingryping gaan die siklus van geweld onverpoosd voort.”
Die jongste regeringsveldtog fokus op Namibiese identiteit en trots in ’n samelewing wat geweld verwerp; die bemagtiging van gemeenskappe om slagoffers te ondersteun; die versterking van betrokke instansies, navorsing en vernuwing om die neigings beter te verstaan en te bekamp; en die verandering van Namibiërs se denkwyse teenoor geweld, sê sy.
Die president se man, afgetrede luitenant-generaal Epaphras Denga Ndaitwah, was ook aan die woord.
In haar toespraak het die minister van inligting en kommunikasietegnologie, Emma Theofelus, die bydrae van die weermagveteraan geprys as ’n voorbeeld van die noodsaaklike betrokkenheid van mans in die stryd om weg te breek van die stigma wat slagoffers ervaar.
“As ’n Namibiër is ons almal aangeraak,” sê sy en “ons ken almal iemand wat ’n slagoffer was,” as ons nie self daardeur is nie.
Theofelus beskryf #EndGBVNamibia as ’n kommunikasieveldtog vir sosiale gedragsverandering.
“Ons sosiale gedrag moet verander sodat mans en vroue dit saam kan beveg. Ons kan nie ophou daaroor praat nie.
“Ons moet elkeen verantwoordelikheid neem en ons moet aanhou daaroor praat, anders sal ons nooit hierdie stryd wen nie,” sê sy.
– [email protected]
Kommentaar
Republikein
Geen kommentaar is op hierdie artikel gelaat nie