Gesondheidsministerie spog met nuwe vloot
Slim ambulanse vir toekoms beplan
Die ministerie van gesondheid en maatskaplike dienste spog met ’n vloot van 36 nuwe ambulanse ter waarde van N$32 miljoen.
Volgens die gesondheidsminister, dr. Esperance Luvindao, strek die belegging egter verder as bloot om nuwe voertuie by die ministerie se nasionale vloot te voeg.
“Hierdie ambulanse is nie net vervoer nie. Dis ’n teken van ons onwrikbare verbintenis om lewens te red, lewens te verander en om die huidige stand van sake te verander,” het sy gesê.
Die minister het ten spyte van die viering van die nuwe ambulanse ook ’n streng waarskuwing gerig oor die belangrikheid van instandhouding en verantwoordbaarheid. Sy het gesê swak eienaarskap sal die ministerie se pogings in die wiele ry en lewens in gevaar stel.
“Dis nie vir ons aanvaarbaar om ’n jaar later dieselfde ambulanse te hê wat nie meer in ’n werkende toestand is nie.
“Nie net omdat dit deur die gemeenskap misbruik is nie, maar eenvoudig omdat die mense wat veronderstel was om dit in stand te hou, nie hul werk gedoen het nie,” het Luvindao gesê.
“Dis goed om blink, nuwe speelgoed te hê, maar instandhouding is noodsaaklik. Ons moet hierdie ambulanse op dieselfde standaard, indien nie beter nie, as dié in die private sektor hou. Wanneer mense nie dit in stand hou wat hulle s’n is nie, dan sterf mense,” het sy gemaan.
SLIM TEGNOLOGIE
Luvindao het bygevoeg die regering ondersoek aktief die volgende fase van noodgesondheidsorg, wat slim ambulanse insluit.
“Die ministerie gaan eersdaags die moontlikheid ondersoek om slim ambulanse aan te koop wat met gevorderde tegnologie, insluitend 5G-verbinding, versorging ondersteun deur kunsmatige intelligensie, sowel as verrykte werklikheidstelsels (augmented reality systems) toegerus is,” het sy verduidelik.
Slim ambulanse sal toegerus wees met digitale hulpmiddels wat sal help met intydse diagnoses, konsultasies met dokters asook onmiddellike toegang tot mediese rekords.
“Slim ambulansstelsels sal pasiëntesorg verbeter en werksaamhede meer vaartbelyn maak. Die toekoms van mediese nooddienste is nie net vinnig nie, dit is slim, verbind en op die pasiënt gefokus.
“Hierdie innoverings is daarop gemik om te verseker dat geen Namibiër sterf omdat hulle ver van ’n hospitaal bly nie,” het Luvindao gesê.
HULP
Saam met die planne vir landgebaseerde stelsels, het die minister ook bekend gemaak haar ministerie is besig met die proses om sy eerste staatsbeheerde lugambulans aan te skaf.
Volgens haar is dit 'n hulpbron wat as noodsaaklik beskou word om geografies geïsoleerde streke en ook dié geneig tot vloede te bereik.
“Ek sal nie rus totdat ons ons heel eerste lugambulans vir die ministerie kry nie, een wat aan die ministerie behoort en nie aan die private sektor uitgekontrakteer is nie.”
Die ministerie het ook ’n strategiese verandering aan sy beleid aangekondig, wat beteken eerder dat ambulanse direk aan gesondheidsgeriewe toegewys word, ’n nuwe netwerk van reaksiesentrums vir mediese noodsorg in al 14 streke gevestig sal word. Opgeleide noodsorgpraktisyns sal die sentrums beman en deur mobiele reaksie-eenhede ondersteun word.
“Die huidige benadering om ambulanse aan verskillende hospitale, gesondheidsentrums en in sommige gevalle klinieke toe te ken, is nie doeltreffend nie,” het Luvindao gesê.
Noodvoertuie sal steeds by klinieke en hospitale gestasioneer wees om onmiddellike hulp te verleen, terwyl volledige ambulanseenhede ontplooi word, het sy verduidelik.
– [email protected]
Volgens die gesondheidsminister, dr. Esperance Luvindao, strek die belegging egter verder as bloot om nuwe voertuie by die ministerie se nasionale vloot te voeg.
“Hierdie ambulanse is nie net vervoer nie. Dis ’n teken van ons onwrikbare verbintenis om lewens te red, lewens te verander en om die huidige stand van sake te verander,” het sy gesê.
Die minister het ten spyte van die viering van die nuwe ambulanse ook ’n streng waarskuwing gerig oor die belangrikheid van instandhouding en verantwoordbaarheid. Sy het gesê swak eienaarskap sal die ministerie se pogings in die wiele ry en lewens in gevaar stel.
“Dis nie vir ons aanvaarbaar om ’n jaar later dieselfde ambulanse te hê wat nie meer in ’n werkende toestand is nie.
“Nie net omdat dit deur die gemeenskap misbruik is nie, maar eenvoudig omdat die mense wat veronderstel was om dit in stand te hou, nie hul werk gedoen het nie,” het Luvindao gesê.
“Dis goed om blink, nuwe speelgoed te hê, maar instandhouding is noodsaaklik. Ons moet hierdie ambulanse op dieselfde standaard, indien nie beter nie, as dié in die private sektor hou. Wanneer mense nie dit in stand hou wat hulle s’n is nie, dan sterf mense,” het sy gemaan.
SLIM TEGNOLOGIE
Luvindao het bygevoeg die regering ondersoek aktief die volgende fase van noodgesondheidsorg, wat slim ambulanse insluit.
“Die ministerie gaan eersdaags die moontlikheid ondersoek om slim ambulanse aan te koop wat met gevorderde tegnologie, insluitend 5G-verbinding, versorging ondersteun deur kunsmatige intelligensie, sowel as verrykte werklikheidstelsels (augmented reality systems) toegerus is,” het sy verduidelik.
Slim ambulanse sal toegerus wees met digitale hulpmiddels wat sal help met intydse diagnoses, konsultasies met dokters asook onmiddellike toegang tot mediese rekords.
“Slim ambulansstelsels sal pasiëntesorg verbeter en werksaamhede meer vaartbelyn maak. Die toekoms van mediese nooddienste is nie net vinnig nie, dit is slim, verbind en op die pasiënt gefokus.
“Hierdie innoverings is daarop gemik om te verseker dat geen Namibiër sterf omdat hulle ver van ’n hospitaal bly nie,” het Luvindao gesê.
HULP
Saam met die planne vir landgebaseerde stelsels, het die minister ook bekend gemaak haar ministerie is besig met die proses om sy eerste staatsbeheerde lugambulans aan te skaf.
Volgens haar is dit 'n hulpbron wat as noodsaaklik beskou word om geografies geïsoleerde streke en ook dié geneig tot vloede te bereik.
“Ek sal nie rus totdat ons ons heel eerste lugambulans vir die ministerie kry nie, een wat aan die ministerie behoort en nie aan die private sektor uitgekontrakteer is nie.”
Die ministerie het ook ’n strategiese verandering aan sy beleid aangekondig, wat beteken eerder dat ambulanse direk aan gesondheidsgeriewe toegewys word, ’n nuwe netwerk van reaksiesentrums vir mediese noodsorg in al 14 streke gevestig sal word. Opgeleide noodsorgpraktisyns sal die sentrums beman en deur mobiele reaksie-eenhede ondersteun word.
“Die huidige benadering om ambulanse aan verskillende hospitale, gesondheidsentrums en in sommige gevalle klinieke toe te ken, is nie doeltreffend nie,” het Luvindao gesê.
Noodvoertuie sal steeds by klinieke en hospitale gestasioneer wees om onmiddellike hulp te verleen, terwyl volledige ambulanseenhede ontplooi word, het sy verduidelik.
– [email protected]
Kommentaar
Republikein
Geen kommentaar is op hierdie artikel gelaat nie