Geen hoës by Russiese sekuriteitskonferensie

Hoewel Namibië genooi was na die 10de Moskou-konferensie oor internasionale sekuriteit in die Russiese hoofstad, was die nasionale fokus gister op die SADC-beraad waar pres. Hage Geingob die voorsitterskap van dié streeksliggaam se orgaan oor politiek, verdediging en sekuriteitsamewerking aanvaar het.In Suid-Afrika is die afgelope dae wyd berig oor die aankondiging dat die buurland se minister van verdediging, me. Thandi Modise, die Moskou-konferensie op uitnodiging van die Russsiese minister van verdediging, genl. Sergei Sjoigoe, bywoon. Dié konferensie het Maandag begin en gister ten einde geloop.Daily Maverick het berig Modise se deelname aan die konferensie terwyl die Russiese weermag Oekraïne aanval, het kritiek in Suid-Afrika asook in die Oekraïne ontlok.Die militêre kenner, prof. Abel Esterhuyse, het gesê die Suid-Afrikaanse regering moet baie versigting wees om homself te openlik met die Russe te vereenselwig. Petro Chernyk, ‘n onafhanklike Oekraïense militêre kenner, het gesê die konferensie het geen intrinsieke waarde vir ander nie en was bloot ’n poging deur Rusland om solidariteit van lande soos Suid-Afrika te werf, is berig.Namibië se minister van verdediging, mnr. Frans Kapofi, het gister uit Kinshaha in die Demokratiese Republiek van Kongo (DRK) waar die 42ste algemene beraad van SADC-staatshoofde tans plaasvind, gesê hy weet nie of Namibiese diplomate in Moskou die Russiese sekuriteitskonferensie bygewoon het nie.Hy het daarop gewys die gebeure in Kinshasa is belangrik aangesien die Namibiese staatshoof die inkomende voorsitter van die SADC-orgaan oor politiek, verdediging en sekuriteitsamewerking is.Die troika se vergadering onder sy voorsitterskap by die Palais du Peuple in Kinshaha het die beraad van staatshoofde voorafgegaan.Intussen het die Suid-Afrikaanse regering in ‘n verklaring gesê die Moskou-konferensie was ‘n geleentheid gewees vir minister Modise om met haar eweknieë te praat oor veiligheidskwessies in die konteks van voortdurende globale veiligheidsuitdagings. “As een van die sleutelspelers oor vrede en veiligheid op die Afrika-kontinent, word gehoop dat hierdie konferensie sal help om Suid-Afrika bloot te stel aan praktiese en innoverende strategieë om verdedigings- en veiligheidsuitdagings wat Afrika teëkom, aan te spreek,” lui die verklaring.Me. Netumbu Nandi-Ndaitwah, minister van internasionale betrekkinge en samewerking, het vroeër vanjaar in die parlement gesê Namibië sal as die inkomende voorsitter van die SADC-orgaan oor politiek, verdediging en veiligheidsamewerking en as lid van die Afrika-unie (AU) se vredes- en veiligheidsraad, poog om vrede en veiligheid te versterk, veral deur voorkomende diplomasie . Sy het gesê die regering sal ook pleit vir die konsolidasie van demokrasie, deur die versterking van verkiesingsprosesse op die vasteland. -ronelle@republikein.com.na

Geen hoës by Russiese sekuriteitskonferensie

Kommentaar

Republikein 2026-05-05

Meld asseblief aan om kommentaar te lewer

Geen hoës by Russiese sekuriteitskonferensie

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.