Daures lei jong vroue op

Navorsing en ontwikkeling van groen waterstof gebruik in die vervaardiging van kunsmis vorder by die Daures Groen Waterstof Dorpie in die Namib woestyn waar ‘n nuwe inisiatief om die kennis tussen meer Namibiërs te versprei Donderdag amptelik van stapel gestuur was. Die direkteur general van die nasionale beplanningskommissie Dr. Kaire Mbuende en die adjunkminister van onderwys, vernuwing, jeug, sport, kuns en kultuur Dino Ballotti was teenwoordig om die lint te sny vir die indiensneming van ‘n nuwe hoë-tegnologie laboratorium op die perseel. Die laboratorium bied praktiese opleidingsgeleenthede om 250, meestal vroulike studente, oor die komende 18 maande oor groen waterstof, hernubare energie en landboupraktyke by die Daures sentrum op te lei. “Vandag begin ons amptelik die ‘Accelerate to Demonstrate’-opleidingsprogram, met trots ondersteun en befonds deur die Verenigde Nasies se Industriële Ontwikkelingsorganisasie (UNIDO). Dit is 'n verklaring van voorneme, 'n duidelike sein dat Namibië haar mense voorberei om te floreer in die opkomende groen ekonomie en dat ons as Namibiërs dit ook kan doen,” het Ballotti by die geleentheid gesê. Volgens Ballotti is Daures, “Afrika se eerste volledig geïntegreerde groen waterstof gemeenskap. Een van die opwindendste aspekte van hierdie inisiatief is diedorp se onderneming in groen kunsmisproduksie,” brei hy uit. “Deur groen waterstof te gebruik om ammoniak-gebaseerde kunsmis plaaslik te vervaardig, is Daures 'n baanbreker model van agro-industrialisering wat Namibië se landboulandskap kan transformeer,” voeg hy by.Ballotti het ook verwys na laas Maandag se bekendstelling van die sesde nasionale ontwikkelingsplan (NDP6) waaroor die president Netumbo Nandi-Ndaitwah klem op jeug bemagtiging, betekenisvolle internskappe en werk vir die toekoms gelê het. Volgens hom vervul die projek al hierdie doelwitte.Mbuende het daar ook op navraag sy vertroue uitgespreek dat die ambisieuse teikens vir groen waterstof, soos die vestiging van tot 30 000 werksgeleenthede voor 2030, soos uiteengesit is in die NDP6, bereikbaar is. Hy sê die doelwitte gestel, is realisties en gebaseer op navorsing. “Ons bou op NDP5 en die groen werksgeleenthede is realisties gebaseer op ons planne en verskeie projekte, in ag van die tydsberaming van verskeie beleggings wat ons nou het,” dring hy aan.Volgens Jerome Namaseb, uitvoerende hoofbeampte vir die Daures projek, bou die nuwe inisiatief vaardighede en kapasiteit waarmee die jong Namibiërs sal kan deelneem in die verdere ontwikkeling van Namibië se landbou ekonomie. Hy beklemtoon dat deelnamende student ook teen die einde van hul tien dae se opleiding saailinge ontvang, om met hul nuwe kennis gemeenskapstuin in hul tuisdorpe sal kan vestig. Kunsmis word ook vir hierdie doel aan die studente voorsien.By die geleentheid het Aina Kauluma, Daures groen waterstof dorpie se hernubare energie en waterstof ontleder, saam met Frank Mungunda van Platonic Academy Namibia, vir Ballotti, Mbuende en die ander besoekers ‘n praktiese voorsmakkie van die opleiding in die laboratorium gegee, waar ‘n miniatier stelsel gebaseer op Daures se waterstof tot ammoniak to kunsmis metode ook vir studentegebruik beskikbaar is.Volg hierdie skakel na 'n video van die geleentheid: q.my.na/3E4L

Daures lei jong vroue op

Kommentaar

Republikein 2025-12-19

Meld asseblief aan om kommentaar te lewer

Daures lei jong vroue op

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.