Bybelse wysheid

DR. ANNES NELEksodus 20:17: “Jy mag nie begeer nie. . .”Thomas Hobbes het die mens as ’n wolf vir sy medemens beskryf. Ons ingesteldheid is om te vernietig. Begeerte is deel hiervan. Die Suid-Afrikaanse teoloog Flip Theron skryf dat die mensdom nêrens sy sondige potensiaal duideliker as op Golgota gedemonstreer het nie. Wanneer ons oë egter deur God se genade oopgaan om ons wreedheid te sien, vind ons God en ons medemens ook weer aan die voet van die kruis.Daaglikse selfverloëning en dissipline, het Dietrich Bonhoeffer geglo, is deel van hierdie proses. Christus roep ons om te sterf. Hierdie pad lei tot ware vryheid – vryheid van die slang se greep en ’n nouer gemeenskap met God en ander.Daar is geen kitsoplossing vir die slang in ons harte nie. Slegs die kruis kan dit verban. God kanselleer ons skuld en oortredings deur die bloed van sy Seun en versoen ons met God en mekaar. Stel jou voor wat die impak sou wees as ons gemeente en gemeenskap nie op selfsugtige begeertes gefokus was nie, maar op geregtigheid vir alle mense; as ons diepste verlange was om God alleen te dien, sy Naam te verheerlik, sy dag ’n viering van vreugde te maak, ons ouers te eer, die lewe te beskerm, getrou te bly in huwelike en te verseker dat almal se basiese behoeftes vervul word.Here, verander my begeertes sodat hulle in lyn met U wil sal wees. Amen.

Bybelse wysheid

Kommentaar

Republikein 2026-03-26

Meld asseblief aan om kommentaar te lewer

Bybelse wysheid

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.