Bybelse wysheid

DR. ANNES NELRomeine 1:16: “Ek skaam my nie oor die evangelie nie, want dit is ’n krag van God tot redding van elkeen wat glo, in die eerste plek die Jood, maar ook die nie-Jood.”

Daar is toenemende druk om verdraagsaam te wees. Daarom aanvaar sommige Christene vandag dat ander godsdienste voldoende vir redding kan wees.

In sy brief aan die Romeine beklemtoon Paulus die duidelike verskil tussen die Christendom en ander geloofsoortuigings. Hy rig sy bood­skap aan twee hoofgroepe: die Jode, wat God se wette ken en die heidene, wat dit nie ken nie. Die heidene het van God af weggedraai om mensgemaakte afgode te aanbid – die skepping eerder as die Skepper (1:23-25). Hierdie afgodery, wat valse gode in plaas van die een ware God aanbid, is ’n voorbeeld van die verskil tussen die Christendom en ander godsdienste.

Aan beide groepe sê Paulus: Daar is geen verlossing buite Christus nie. Ons kan God net ken soos Hy Homself deur Christus geopenbaar het. Sonde is nie net om afgode te aanbid nie; dit is om die God te verwerp wat Homself in Christus geopenbaar het.

Eerder as om skaam daaroor te wees, laat ons die evangelie omhels, want dit is God se krag tot redding.