Botswana en Namibië skerp grensveiligheid op

Botswana se minister van verdediging, Thomas Kagiso Mmusi, sê met Botswana en Namibië wat saamwerk om hul natuurlike hulpbronne te beskerm, kan dit die lewens van gemeenskappe verbeter en stropery volhoubaar bekamp.Mmusi het dié opmerkings gemaak tydens Donderdag se gesamentlike bekendstelling van die Burger-Militêre-samewerkingsplan (CIMIC) tussen die Namibiese weermag en die Botswana weermag in Katima Mulilo.Mmusi het gesê dat die bekendstelling van die CIMIC-aktiwiteite verlede week in Kasane, Botswana, en Katima Mulilo ’n reeks veldtogte voorafgaan wat 21 dorpe langs die gemeenskaplike grens aan Botswana se kant en 19 dorpe aan die Namibiese kant sal teiken.“Hierdie inisiatief weerspieël ons gedeelde visie en toewyding om die lewens van ons burgers te verbeter.“Ons primêre komponente van die CIMIC-aktiwiteite sal twee noodsaaklike sensitiseringsveldtogte wees. “Ek is bly om u in te lig dat dié veldtogte oor onwettige grensoorgang, onwettige visvang, stropery en onwettige smokkel van wapens en ammunisie vanaf 9 tot 12 Julie 2024 sal begin,” hy het gesê.“Ek hoop van harte dat ons grensgemeenskappe meer bewus sal wees van hierdie misdade se regsimplikasies en potensiële gevare.“Die veldtog sal ons burgers leer oor die belangrikheid daarvan om by die grenstoegangspunte of wettige toegangspunte te hou, die risiko’s verbonde aan onwettige kruisings en die voordele van die handhawing van ordelike en veilige grense,” het hy bygevoeg.MENS-DIER-KONFLIK“Die ander belangrike veldtog wat ons gemeenskappe raak, is mens-dier-konflik. Volgens die CIMIC-plan sal dié veldtog vanaf 6 tot 9 Augustus uitgevoer word.“Gemeenskappe sal leer oor dieregedrag en hoe om saam met hulle te bestaan. Ons ryk biodiversiteit is ’n kosbare hulpbron wat beskerm moet word.“Dié veldtog sal gemeenskappe inlig oor die belangrikheid van die bewaring van ons fauna en flora, en die ekonomiese en ekologiese voordele van wildbewaring. “Deur ’n gevoel van rentmeesterskap en samehorigheid te kweek, kan ons verseker dat ons natuurlike erfenis vir toekomstige geslagte bewaar word,” het Mmusi gesê.Die minister het beklemtoon dat om grensveiligheid te verbeter en onwettige bedrywighede hok te slaan, beide militêre magte gekoördineerde patrollies langs die Botswana-Namibië-grens sal uitvoer.“Hierdie patrollies sal nie net die veiligheid van ons burgers verseker nie, maar ook groter samewerking en vertroue tussen ons militêre magte bevorder“Daarom moet ons uitreikprojekte identifiseer wat daarop gemik is om die lewensbestaan van ons gemeenskaplike grensgemeenskappe te verbeter.“Dit kan net suksesvol gedoen word wanneer ons die gemeenskappe by die beplanningstadium betrek. Hierdie projekte moet fokus op infrastruktuurontwikkeling, gesondheidsorgdienste, opvoedkundige inisiatiewe en die gereedheid om op rampe te reageer, om te verseker dat ons burgers die hulpbronne en geleenthede het wat hulle nodig het om te floreer,” het hy gesê.Die goewerneur van die Zambezistreek, Lawrence Sampofu, het gesê Namibië en Botswana is vredeliewende lande.“&#039;n Gesamentlike tegniese komitee is saamgestel om ’n burger-militêre-samewerkingsplan te ontwikkel om op rivieruitdagings te reageer.“Hierdie bekendstelling is dus om die mense van die Zambezi in te lig oor hoe hierdie samewerking geïmplementeer sal word,” het hy gesê.“Dis een ding om ’n samewerkingsplan in plek te hê en die ander ding om dit in werking te stel,” het hy verder gesêHy het ’n beroep op die inwoners van die streek gedoen, veral diegene wat langs die grense woon, om met wetstoepassers saam te werk om wet en orde te handhaaf.” – republikein@republikein.com.na

Botswana en Namibië skerp grensveiligheid op

Kommentaar

Republikein 2025-06-16

Meld asseblief aan om kommentaar te lewer

Botswana en Namibië skerp grensveiligheid op

Kommentaar

Republikein 2025-06-16

Meld asseblief aan om kommentaar te lewer

MELD AAN

Advertensie