Agterstevoor, onderstebo
Henriette Lamprecht
Van hael tot ’n rivier wat in die Suide loop! Namibiërs het gister gewonder of hulle in die regte seisoen en land is toe neerslae van tot 45 mm op plekke in die land gemeet is. Van mis tot donderweer en weerlig het inwoners enkele dae voor Lentedag verras, met ’n video van hael wat wit op die pad tussen Mariental en Maltahöhe gelê het, wat wyd gedeel is.
Die Suide het die grootste mandjies geoes met tot 42 mm wat op die plaas Alt Duwiseb, 90 km suidwes van Maltahöhe, gemeet is. Suid van Keetmanshoop het die Löwenrivier ook oor die D608 begin loop. Berghof, suidoos van Keetmanshoop, het 32 mm uitgegooi, terwyl Savanna by Grünau 18 mm en Huns buite Keetsmanshoop 20 mm gemeet het.
Die Swartrante naby Maltahöhe het 18,5 mm, Keetmanshoop 15 mm, 24 km buite Keetmanshoop 20 mm, Rosh Pinah 2,4 mm, Buitepos 5 mm, Jakkalswater 10 mm en Nagas, suidoos van Keetmanshoop, 17 mm uit reënmeters gegooi.
Volgens die Namibiese Meteorologiese Diens kan ligte buie moontlik nog vandag in die verre suidooste voorkom.
– [email protected]
Van hael tot ’n rivier wat in die Suide loop! Namibiërs het gister gewonder of hulle in die regte seisoen en land is toe neerslae van tot 45 mm op plekke in die land gemeet is. Van mis tot donderweer en weerlig het inwoners enkele dae voor Lentedag verras, met ’n video van hael wat wit op die pad tussen Mariental en Maltahöhe gelê het, wat wyd gedeel is.
Die Suide het die grootste mandjies geoes met tot 42 mm wat op die plaas Alt Duwiseb, 90 km suidwes van Maltahöhe, gemeet is. Suid van Keetmanshoop het die Löwenrivier ook oor die D608 begin loop. Berghof, suidoos van Keetmanshoop, het 32 mm uitgegooi, terwyl Savanna by Grünau 18 mm en Huns buite Keetsmanshoop 20 mm gemeet het.
Die Swartrante naby Maltahöhe het 18,5 mm, Keetmanshoop 15 mm, 24 km buite Keetmanshoop 20 mm, Rosh Pinah 2,4 mm, Buitepos 5 mm, Jakkalswater 10 mm en Nagas, suidoos van Keetmanshoop, 17 mm uit reënmeters gegooi.
Volgens die Namibiese Meteorologiese Diens kan ligte buie moontlik nog vandag in die verre suidooste voorkom.
– [email protected]
Kommentaar
Republikein
Geen kommentaar is op hierdie artikel gelaat nie