Afrika: ’n Bloedbad vir vroue en kinders

Terwyl die Afrika-Unie (AU) wetgewing bevorder in ’n poging om ’n robuuste raamwerk te skep vir die voorkoming en reaksie op geweld, bly die lewens van slagoffers van seksuele geweld oraloor Afrika ’n onaangename werklikheid.In Namibië is owerhede aangemoedig om proaktief slagoffers van mensehandel soos kommersiële sekswerkers, kinders, migrante en vlugtelinge te identifiseer, aangesien die land nie aan die minimum standaarde vir die uitwissing van mensehandel voldoen nie.Volgens vanjaar se “Trafficking in Persons Report: Namibia” deur die Verenigde State van Amerika onderwerp handelaars glo Namibiese kinders aan sekshandel en dwangarbeid.Die verslag beklemtoon ook die toestroming van duisende Angolese migrante wat vlug van ernstige droogte in suidoostelike Angola, met meer as 1 250 Angolese kinders wat in informele nedersettings in Namibië woon wat kwesbaar is vir sekshandel en dwangarbeid.“Individue van Angola, Kenia, Zambië, Zimbabwe en Suid-Afrika word deur handelaars vir sekshandel en dwangarbeid in Namibië uitgebuit.Mensehandelaars vervoer potensiële slagoffers deur Namibië op pad na Suid-Afrika,” lui die verslag.Dieselfde verslag het gemeld dat kinders by die Osire-vlugtelingkamp in Namibië – waar meer as 3 000 kinders woon – die meerderheid van die Demokratiese Republiek die Kongo (DRK) – vir sekshandel uitgebuit is en nie behoorlike beskermingsdienste ontvang het nie.ANDER AFRIKALANDEIntussen is kinders in die DRK gereelde teikens van seksuele geweld met een gesondheidswerker wat ’n oorlewende so jonk as drie jaar oud behandel het.Vroue en meisies is verantwoordelik vir byna 90% van alle gevalle, volgens ’n verslag van Physicians for Human Rights getiteld “Massive Influx of Cases” wat vandeesmaand vrygestel is.“[Daar is] die bedreiging van geweld, die stigma wat met seksuele geweld geassosieer word en vrees om hul huwelik of ander sosiale verhoudings in gevaar te stel. “Oorlewendes wat in staat is om behandeling te kry, benodig dikwels gespesialiseerde mediese sorg, sielkundige sorg, prenatale of aborsiedienste en forensiese dokumentasiedienste,” lui die verslag.Aan die ander kant het die Verenigde Nasies se Bevolkingsfonds die toenemende geslagsgebaseerde geweld (GBV) in Soedan beklemtoon, insluitend ontvoering en gedwonge huwelike.“Intussen word humanitêre toegang in konfliksones in gedrang gebring, wat mediese sorg, moedergesondheid en die verskaffing van menstruele higiëniese produkte beïnvloed.”In Ethiopië ervaar vroue en meisies wat in die kruisvuur van die Tigray-konflik vasgevang is, erge geweld.Volgens Hale Teka, ’n ginekoloog in Tigray, word duisende vroue aan verkragting, groepverkragting, gedwonge huwelike en ander wrede dade onderwerp. Om sake te vererger, is die hoofkantoor van die AU in Addis Abeba – die hoofstad van Ethiopië – geleë.“Dit is duidelik dat verkragting en seksuele geweld as ’n oorlogswapen gebruik is om blywende fisieke en sielkundige skade aan vroue en meisies in Tigray aan te rig.“Honderde is onderwerp aan wrede behandeling wat daarop gemik is om hulle te verneder,” het Agnès Callamard, Amnestie Internasionaal se sekretaris-generaal, in 2021 gesê.Die AU beoog om die wetgewing met betrekking tot die konvensie oor die beëindiging van geweld teen vroue en meisies te bevorder.– republikein@republikein.com.na

Afrika: ’n Bloedbad vir vroue en kinders

Kommentaar

Republikein 2025-11-04

Meld asseblief aan om kommentaar te lewer

Afrika: ’n Bloedbad vir vroue en kinders

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.