Vermeende beesdief glip uit selle
Des Erasmus - ’n Glibberige vermeende veedief na wie sowat twee jaar lank gesoek is, het ’n tweede keer uit die polisieselle op Omaruru ontsnap.
Hy is mnr. Gideon Kauhu, in die omgang beter bekend as Malima. Hy is die eerste keer sowat twee jaar gelede ná ’n wilde jaagtog tussen hom en sy makkers se voertuig en dié van sy agtervolgers, naby Omaruru se stortingsterrein gevang.
Malima het reeds ’n eerste verskyning op ’n klag van veediefstal op Omaruru gemaak voordat hy Saterdag uit die polisieselle ontsnap het. In die eerste verskyning verlede week is borgtog aan hom geweier.
Die oorspronklike diefstal van twee jaar gelede was op die plaas Johannesbank. Inligting van ’n beesslagtery op die plaas is opgevolg en ’n jaagtog het tussen hom en sy drie maats in ’n bakkie en sy agtervolgers op die pad tussen Omaruru en Omatjete ontstaan. Terwyl die vier mans gevlug het, het hul voertuig in ’n stadium ’n miershoop langs die pad getref en ’n ent op net twee wiele geloop.
Die voortvlugtiges in die bakkie het ’n tweespoorpaadjie na die stortingsterrein gekies en die agtervolgers was agterna. Juis die asgate was die plek waar hulle ingehaal en aangekeer was. Op die bak van die voortvlugtiges se voertuig was die vleis van ’n bees, pangas, sae en selfs ’n trapfiets. Dit het in 2014 tot die aanhouding van die vier mans in die polisieselle gelei.
Terwyl hulle in die polisiekantoor gesit het, het die klaer in die saak ook daar aangekom, en die vier in boeie sien sit. In boeie het Malima uit die polisiekantoor gevlug en die veiligheid van die riete van die Omarururivier bereik. Tot voorverlede week is sonder enige sukses na hom gesoek.
Met verloop van tyd het inligting uitgelek dat hy hom in die omgewing van Okakarara bevind. Ná skakeling met die nasionale speurdiens het ’n polisieman van Omaruru die inligting opgevolg oor waar Malima hom in die Okakarara-geweste bevind en daar ’n inhegtenisneming uitgevoer. Hy is na Omaruru gebring en het ’n eerste verskyning gemaak waar borgtog nie toegestaan is nie.
Saterdag het Malima weer ontsnap. Die keer is ’n ystersaag gebruik om
’n seldeur oop te breek om weg te kom. Tot gister was hy steeds op vrye voete.
Hy is mnr. Gideon Kauhu, in die omgang beter bekend as Malima. Hy is die eerste keer sowat twee jaar gelede ná ’n wilde jaagtog tussen hom en sy makkers se voertuig en dié van sy agtervolgers, naby Omaruru se stortingsterrein gevang.
Malima het reeds ’n eerste verskyning op ’n klag van veediefstal op Omaruru gemaak voordat hy Saterdag uit die polisieselle ontsnap het. In die eerste verskyning verlede week is borgtog aan hom geweier.
Die oorspronklike diefstal van twee jaar gelede was op die plaas Johannesbank. Inligting van ’n beesslagtery op die plaas is opgevolg en ’n jaagtog het tussen hom en sy drie maats in ’n bakkie en sy agtervolgers op die pad tussen Omaruru en Omatjete ontstaan. Terwyl die vier mans gevlug het, het hul voertuig in ’n stadium ’n miershoop langs die pad getref en ’n ent op net twee wiele geloop.
Die voortvlugtiges in die bakkie het ’n tweespoorpaadjie na die stortingsterrein gekies en die agtervolgers was agterna. Juis die asgate was die plek waar hulle ingehaal en aangekeer was. Op die bak van die voortvlugtiges se voertuig was die vleis van ’n bees, pangas, sae en selfs ’n trapfiets. Dit het in 2014 tot die aanhouding van die vier mans in die polisieselle gelei.
Terwyl hulle in die polisiekantoor gesit het, het die klaer in die saak ook daar aangekom, en die vier in boeie sien sit. In boeie het Malima uit die polisiekantoor gevlug en die veiligheid van die riete van die Omarururivier bereik. Tot voorverlede week is sonder enige sukses na hom gesoek.
Met verloop van tyd het inligting uitgelek dat hy hom in die omgewing van Okakarara bevind. Ná skakeling met die nasionale speurdiens het ’n polisieman van Omaruru die inligting opgevolg oor waar Malima hom in die Okakarara-geweste bevind en daar ’n inhegtenisneming uitgevoer. Hy is na Omaruru gebring en het ’n eerste verskyning gemaak waar borgtog nie toegestaan is nie.
Saterdag het Malima weer ontsnap. Die keer is ’n ystersaag gebruik om
’n seldeur oop te breek om weg te kom. Tot gister was hy steeds op vrye voete.
Kommentaar
Republikein
Geen kommentaar is op hierdie artikel gelaat nie