Domino-effek van trofeeverbod
Hou ‘gevaar’ vir jagbedryf in
Kenners in Botswana meen dat die verbod soos tans voorgestel is, 'n sistematiese uitwerking op die lewensvatbaarheid van die jagbedryf in talle ander Afrikalande soos Namibië sal hê.
Sou die voorgestelde wetsontwerp in Botswana aanvaar word wat die invoer van jagtrofeë na die Verenigde Koninkryk (VK) verbied, sal dit nie net ’n verwoestende impak op Botswana hê nie.
Daar bestaan ook kommer oor die moontlike domino-effek wat dié verbod op ander lande, insluitend Namibië, sal hê.
Hoewel die VK nie die grootste uitvoermark van jagtrofeë vir Botswana is nie en slegs sowat 10% van die uitvoere uitmaak, bestaan die moontlikheid dat ander lande ook hierdie rigting sal inslaan.
Op grond hiervan het die regering van Botswana gereël dat verskeie joernaliste van Suider-Afrikaanse lande in eerstehandse gesprekke met sy minister van toerisme, die Botswana Wildlife Producers Association (BWPA), kundiges en akademici in die bedryf en gemeenskappe betrokke raak.
Die voorsitter van die BWPA – wat byna 80% van wildplaaseienaars en alle jagoperateurs in Botswana verteenwoordig – Leonard Matenje, het gesê die verbod soos tans voorgestel, hou aansienlike risiko’s vir bewaring en lewensbestaan in.
Hy is van mening dat dit ’n sistematiese uitwerking op die lewensvatbaarheid van die jagbedryf in talle ander lande sal hê.
“Die potensiële domino-effek van ’n invoerverbod in die VK sal ander lande beïnvloed om sy voorbeeld te volg – lande soos Finland, Griekeland, Duitsland en Italië oorweeg ’n invoerverbod op jag of jagbeperkings. Hierdie dreigemente kan nie geïgnoreer word nie.”
Die uitvoerende hoof van die BWPA, Isaac Theophilus, het saamgestem dat die impak van die trofeejagverbod deur die domino-effek van een land na ’n ander regdeur Europa kommerwekkend is.
“As jy byvoorbeeld na Namibië kyk, hulle maak hoofsaaklik staat op jagters van Duitsland. Duitsland stel ook reeds ’n soortgelyke jagverbod voor. Die algehele effek sal wees dat dit ’n groot impak op die jagbedryf in Suider-Afrika sal hê.
“Ons pla hulle nie in wat hulle in hul lande doen nie. Hulle moet ons toelaat om ons hulpbronne volhoubaar te gebruik. Ons sê nie ons gaan al die wild in Suider-Afrika uitwis nie.”
‘‘N SELFVERNIETIGENDE AKSIE’
Die jagbedryf in Botswana dra sowat 4,5 miljard Botswana pula by tot die bruto binnelandse produk en neem sowat 3 000 mense in diens.
Dié land se minister van toerisme, Dumezweni Mhimkhulu, het gesê dat Botswana as regering ernstig bekommerd is oor die verwikkelinge in die Weste, vanweë die inkomste-genererende aktiwiteit, naamlik die invoer van jagtrofeë, wat hulle wil verbied.
“Diegene wat in die jaggebiede woon, dryf hul gemeenskappe deur jagkonsessies en trofeejag.”
Hy het beklemtoon dit is hulle bron van inkomste.
“Daardie gemeenskappe het net te doen met verbruikende toerisme. Ons kan dit geen ander vorme van toerisme gee nie, want die plantegroei in die gebied laat nie toe dat enige ander vorme van toerisme kan plaasvind nie,” het hy gesê.
Hy het bygevoeg dat indien die mense nie meer enige aansporing sal hê om na diere om te sien nie, kan die Kavango-Zambezi-oorgrensbewaringsgebied (Kaza) uitmekaar val.
“In Botswana gaan hulle daardie grond eis wat as ’n bewaringsgebied geoormerk is en hulle gaan die diere na Angola jaag waar hulle vrekgemaak sal word. Dit is dus ’n selfvernietigende aksie. Gee mense ’n aansporing om te bewaar.”
KENNERS
’n Medeprofessor van die Okavango-navorsingsinstelling, dr. Richard Fynn, het gesê dat gemeenskappe totaal ontneem is.
Hy het benadruk dat die gemeenskappe die toekoms van bewaring is, maar dat die Weste nie die wetenskap verstaan wat aan hulle voorgelê word nie en dat hulle op emosie eerder as wetenskap optree.
“Hierdie is ’n baie emosionele ding en gemeenskappe word in die proses geïgnoreer.”
Die direkteur van Mochaba Developments Property Limited, Debbie Peake, het gesê dat die gebiede wat vir jag geïdentifiseer is, gemarginaliseerde gebiede is en nie vir fotografiese doeleindes gebruik kan word nie.
“Hierdie verbod is nooit oorweeg of met enige Afrikalande gekommunikeer nie. Die wetsontwerp moet gestop word voor dit enigsins verder gaan. Jag kan nie in ’n beperkte mark funksioneer nie, dit sal wankel en teruggaan na voorheen toe ’n moratorium daarop geplaas is.”
GEMEENSKAP
Republikein se susterkoerant Namibian Sun het ook gemeenskapslede van die dorpie Phuduhudu in die Nxai Pan Nasionale Park besoek wat almal jag ondersteun, aangesien dit hulle bevoordeel en een van die inwoners, Mosarwa Tladi, het gesê jag moet bly, want dit is hoe hy homself en sy gesin ondersteun.
– [email protected]
Daar bestaan ook kommer oor die moontlike domino-effek wat dié verbod op ander lande, insluitend Namibië, sal hê.
Hoewel die VK nie die grootste uitvoermark van jagtrofeë vir Botswana is nie en slegs sowat 10% van die uitvoere uitmaak, bestaan die moontlikheid dat ander lande ook hierdie rigting sal inslaan.
Op grond hiervan het die regering van Botswana gereël dat verskeie joernaliste van Suider-Afrikaanse lande in eerstehandse gesprekke met sy minister van toerisme, die Botswana Wildlife Producers Association (BWPA), kundiges en akademici in die bedryf en gemeenskappe betrokke raak.
Die voorsitter van die BWPA – wat byna 80% van wildplaaseienaars en alle jagoperateurs in Botswana verteenwoordig – Leonard Matenje, het gesê die verbod soos tans voorgestel, hou aansienlike risiko’s vir bewaring en lewensbestaan in.
Hy is van mening dat dit ’n sistematiese uitwerking op die lewensvatbaarheid van die jagbedryf in talle ander lande sal hê.
“Die potensiële domino-effek van ’n invoerverbod in die VK sal ander lande beïnvloed om sy voorbeeld te volg – lande soos Finland, Griekeland, Duitsland en Italië oorweeg ’n invoerverbod op jag of jagbeperkings. Hierdie dreigemente kan nie geïgnoreer word nie.”
Die uitvoerende hoof van die BWPA, Isaac Theophilus, het saamgestem dat die impak van die trofeejagverbod deur die domino-effek van een land na ’n ander regdeur Europa kommerwekkend is.
“As jy byvoorbeeld na Namibië kyk, hulle maak hoofsaaklik staat op jagters van Duitsland. Duitsland stel ook reeds ’n soortgelyke jagverbod voor. Die algehele effek sal wees dat dit ’n groot impak op die jagbedryf in Suider-Afrika sal hê.
“Ons pla hulle nie in wat hulle in hul lande doen nie. Hulle moet ons toelaat om ons hulpbronne volhoubaar te gebruik. Ons sê nie ons gaan al die wild in Suider-Afrika uitwis nie.”
‘‘N SELFVERNIETIGENDE AKSIE’
Die jagbedryf in Botswana dra sowat 4,5 miljard Botswana pula by tot die bruto binnelandse produk en neem sowat 3 000 mense in diens.
Dié land se minister van toerisme, Dumezweni Mhimkhulu, het gesê dat Botswana as regering ernstig bekommerd is oor die verwikkelinge in die Weste, vanweë die inkomste-genererende aktiwiteit, naamlik die invoer van jagtrofeë, wat hulle wil verbied.
“Diegene wat in die jaggebiede woon, dryf hul gemeenskappe deur jagkonsessies en trofeejag.”
Hy het beklemtoon dit is hulle bron van inkomste.
“Daardie gemeenskappe het net te doen met verbruikende toerisme. Ons kan dit geen ander vorme van toerisme gee nie, want die plantegroei in die gebied laat nie toe dat enige ander vorme van toerisme kan plaasvind nie,” het hy gesê.
Hy het bygevoeg dat indien die mense nie meer enige aansporing sal hê om na diere om te sien nie, kan die Kavango-Zambezi-oorgrensbewaringsgebied (Kaza) uitmekaar val.
“In Botswana gaan hulle daardie grond eis wat as ’n bewaringsgebied geoormerk is en hulle gaan die diere na Angola jaag waar hulle vrekgemaak sal word. Dit is dus ’n selfvernietigende aksie. Gee mense ’n aansporing om te bewaar.”
KENNERS
’n Medeprofessor van die Okavango-navorsingsinstelling, dr. Richard Fynn, het gesê dat gemeenskappe totaal ontneem is.
Hy het benadruk dat die gemeenskappe die toekoms van bewaring is, maar dat die Weste nie die wetenskap verstaan wat aan hulle voorgelê word nie en dat hulle op emosie eerder as wetenskap optree.
“Hierdie is ’n baie emosionele ding en gemeenskappe word in die proses geïgnoreer.”
Die direkteur van Mochaba Developments Property Limited, Debbie Peake, het gesê dat die gebiede wat vir jag geïdentifiseer is, gemarginaliseerde gebiede is en nie vir fotografiese doeleindes gebruik kan word nie.
“Hierdie verbod is nooit oorweeg of met enige Afrikalande gekommunikeer nie. Die wetsontwerp moet gestop word voor dit enigsins verder gaan. Jag kan nie in ’n beperkte mark funksioneer nie, dit sal wankel en teruggaan na voorheen toe ’n moratorium daarop geplaas is.”
GEMEENSKAP
Republikein se susterkoerant Namibian Sun het ook gemeenskapslede van die dorpie Phuduhudu in die Nxai Pan Nasionale Park besoek wat almal jag ondersteun, aangesien dit hulle bevoordeel en een van die inwoners, Mosarwa Tladi, het gesê jag moet bly, want dit is hoe hy homself en sy gesin ondersteun.
– [email protected]
Kommentaar
Republikein
Geen kommentaar is op hierdie artikel gelaat nie