Namibië nóg ’n tree nader aan kernkrag
Kabinet keer strategie goed
Die kabinet het besluit om die strategie om ‘n kernkragnywerheid in Namibië te vestig.
Spesifiek sal Namibië die Wet op Kernkragenergie en Bestraling, No. 5 van 2005, wysig om die regulerende raamwerk te versterk en ook die regulerende owerheid se onafhanklikheid en die regering se oorsig te verbeter rakende kernkraginstallasies en die bevordering van kernkragprojekte. Die administrasie van hierdie wet word na die Nasionale Beplanningskommissie oorgeplaas, lui die jongste kabinetsbeslissings.
Verder word die kernkrag-instituut van Namibië gevestig as die hoofdrywer vir die ontwikkeling en uitvoer van kernkragverwante projekte.
Uitvoerbaarheidstudies vir vlagskipprojekte wat die vestiging van die nywerheid kan aanspoor, sal van stapel gestuur word, insluitend waardetoevoeging vir Namibië se uraan-waardeketting, klein modulêre reaktors, radioskoopproduksie, industriële bestralingsgeriewe en navorsingsreaktorprojekte.
Die kabinet het ook die bespoediging van die opstel van ‘n witskrif vir kernkrag deur die ministerie van nywerheidsontwikkeling, myne en energie goedgekeur.
In dieselfde vrystelling is aangekondig dat die kabinet goedkeuring gegee het vir Namibië om die streekwye tegniese vergadering van die Internasionale Kernkragenergie-agentskap (IAEA) se nasionale skakelbeamptes aan te bied. Die vergadering sal vanaf 8 tot 12 Desember op Swakopmund gehou word.
Vroeër verlede week is planne vir die vestiging van Namibië se eerste kernkrag- analitiese laboratorium bekend gestel, wat aangevul sal word deur meer as 100 vakleerlinge op die gebied van kernkragwetenskap. Ingevolge die sesde Nasionale Ontwikkelingsplan (NDP6) sal die regering spesiale klem lê op gevorderde kernkragtegnologie. In Julie, met die bekendstelling van NDP6, het president Netumbo Nandi-Ndaitwah reeds gesê: “Onder gunstige omstandighede, met inagneming van geopolitieke dinamika, marktoestande, finansiële en tegniese kapasiteit, kan uraanomskakeling tot N$20 miljard in die plaaslike ekonomie inspuit.
"Daarom is een van die ingrupings gedurende die NDP6-tydperk om die lewensvatbaarheid van uraanomskakeling te bepaal, terwyl terselfdertyd \'n grondslag gelê word vir die oorweging van \'n kernkragprogram ná die NDP6-tydperk.”
Operasionele kapasiteit word hersien om die aantal personeel, vaardighede en ervaring benodig vir ‘n kernkragbedryf te verseker, het sy gesê. “Die strategie sal die vestiging en instandhouding van \'n netwerk van samewerking met bilaterale en multilaterale ooreenkomste nastreef, om die sterk punte, ervaring en kundigheid van nasionale, streek- en internasionale vennote te benut,” het sy bygevoeg. “Die onderhandeling en implementering van projekte met minimale risiko vir die regering, maar met hoë ekonomiese opbrengs en wedersydse voordeel vir vennote, sal \'n hoofbenadering in die ontwikkeling van hierdie projekte wees,” volgens die president.
VERENIGDE NASIES
Meer onlangs het Nandi-Ndaitwah by die Verenigde Nasies se Algemene Vergadering in Amerika, die verantwoordelike en vreedsame gebruik van kernkrag beklemtoon. “Namibië doen \'n beroep op die verantwoordelike gebruik van kernkragenergie en verseker dat omvattende voorsorgmaatreëls in plek is om enige beperkings op die gebruik van kernkragmateriaal, toerusting en tegnologie vir vreedsame doeleindes te verwyder,” het sy gesê.
Deursigtige samewerking en die deel van tegnologie is noodsaaklik vir kernkragenergie om lewensgehalte wêreldwyd te verbeter, volgens Namibië se president.
Intussen versoek Namibië lidmaatskap in die Nuclear Suppliers Group (NSG), wat handel in kernkrag vir vreedsame doeleindes reguleer.
Namibië het teen die einde van September ook die Wêreld-Kernkragweek in Rusland bygewoon en aan die einde van Junie het die die agentskap vir nywerheidsontwikkeling in Namibië (Nida) \'n Memorandum van Verstandhouding (MOU) met NANO Nuclear Energy (NNE) onderteken om die ontwikkeling van kernkrag te versnel.
Namibiese leerlinge het ook in September Rusland en China besoek om beter vertroud met kernkragtegnologie te raak.
- [email protected]
Spesifiek sal Namibië die Wet op Kernkragenergie en Bestraling, No. 5 van 2005, wysig om die regulerende raamwerk te versterk en ook die regulerende owerheid se onafhanklikheid en die regering se oorsig te verbeter rakende kernkraginstallasies en die bevordering van kernkragprojekte. Die administrasie van hierdie wet word na die Nasionale Beplanningskommissie oorgeplaas, lui die jongste kabinetsbeslissings.
Verder word die kernkrag-instituut van Namibië gevestig as die hoofdrywer vir die ontwikkeling en uitvoer van kernkragverwante projekte.
Uitvoerbaarheidstudies vir vlagskipprojekte wat die vestiging van die nywerheid kan aanspoor, sal van stapel gestuur word, insluitend waardetoevoeging vir Namibië se uraan-waardeketting, klein modulêre reaktors, radioskoopproduksie, industriële bestralingsgeriewe en navorsingsreaktorprojekte.
Die kabinet het ook die bespoediging van die opstel van ‘n witskrif vir kernkrag deur die ministerie van nywerheidsontwikkeling, myne en energie goedgekeur.
In dieselfde vrystelling is aangekondig dat die kabinet goedkeuring gegee het vir Namibië om die streekwye tegniese vergadering van die Internasionale Kernkragenergie-agentskap (IAEA) se nasionale skakelbeamptes aan te bied. Die vergadering sal vanaf 8 tot 12 Desember op Swakopmund gehou word.
Vroeër verlede week is planne vir die vestiging van Namibië se eerste kernkrag- analitiese laboratorium bekend gestel, wat aangevul sal word deur meer as 100 vakleerlinge op die gebied van kernkragwetenskap. Ingevolge die sesde Nasionale Ontwikkelingsplan (NDP6) sal die regering spesiale klem lê op gevorderde kernkragtegnologie. In Julie, met die bekendstelling van NDP6, het president Netumbo Nandi-Ndaitwah reeds gesê: “Onder gunstige omstandighede, met inagneming van geopolitieke dinamika, marktoestande, finansiële en tegniese kapasiteit, kan uraanomskakeling tot N$20 miljard in die plaaslike ekonomie inspuit.
"Daarom is een van die ingrupings gedurende die NDP6-tydperk om die lewensvatbaarheid van uraanomskakeling te bepaal, terwyl terselfdertyd \'n grondslag gelê word vir die oorweging van \'n kernkragprogram ná die NDP6-tydperk.”
Operasionele kapasiteit word hersien om die aantal personeel, vaardighede en ervaring benodig vir ‘n kernkragbedryf te verseker, het sy gesê. “Die strategie sal die vestiging en instandhouding van \'n netwerk van samewerking met bilaterale en multilaterale ooreenkomste nastreef, om die sterk punte, ervaring en kundigheid van nasionale, streek- en internasionale vennote te benut,” het sy bygevoeg. “Die onderhandeling en implementering van projekte met minimale risiko vir die regering, maar met hoë ekonomiese opbrengs en wedersydse voordeel vir vennote, sal \'n hoofbenadering in die ontwikkeling van hierdie projekte wees,” volgens die president.
VERENIGDE NASIES
Meer onlangs het Nandi-Ndaitwah by die Verenigde Nasies se Algemene Vergadering in Amerika, die verantwoordelike en vreedsame gebruik van kernkrag beklemtoon. “Namibië doen \'n beroep op die verantwoordelike gebruik van kernkragenergie en verseker dat omvattende voorsorgmaatreëls in plek is om enige beperkings op die gebruik van kernkragmateriaal, toerusting en tegnologie vir vreedsame doeleindes te verwyder,” het sy gesê.
Deursigtige samewerking en die deel van tegnologie is noodsaaklik vir kernkragenergie om lewensgehalte wêreldwyd te verbeter, volgens Namibië se president.
Intussen versoek Namibië lidmaatskap in die Nuclear Suppliers Group (NSG), wat handel in kernkrag vir vreedsame doeleindes reguleer.
Namibië het teen die einde van September ook die Wêreld-Kernkragweek in Rusland bygewoon en aan die einde van Junie het die die agentskap vir nywerheidsontwikkeling in Namibië (Nida) \'n Memorandum van Verstandhouding (MOU) met NANO Nuclear Energy (NNE) onderteken om die ontwikkeling van kernkrag te versnel.
Namibiese leerlinge het ook in September Rusland en China besoek om beter vertroud met kernkragtegnologie te raak.
- [email protected]
Kommentaar
Republikein
Geen kommentaar is op hierdie artikel gelaat nie