Namibiërs hou asem op vir nóg reën

Reënbuie en donderstorms sal na verwagting teen November in Namibië voorkom.Só het die hoofweervoorspeller van die Namibiese weerkantoor, Odillo Kgobetsi, gister gesê oor die vooruitsigte vir die 2024-’25-reënseisoen.In die verslag word ’n “ligte” La Niña voorspel wat na verwagting gemiddelde tot bogemiddelde reën in die komende reënseisoen sal bring.Dit nadat reën einde September – vroeër as wat verwag is – verligting vir boere in die Ooste gebring het.Rian van Wyk van die plaas Doornkom, het gesê hy het 15 mm en 25 mm reën op sy plaas gemeet. Twee damme in die Omahekestreek, die Daan Viljoen- en Tilda Viljoendam, het ook invloei ontvang.“Die voorspelling is deur kundiges op streekvlak aangeneem en word maandeliks tot einde Maart [2025] hersien,” het Kgobetsi gesê.Alhoewel die verslag meld dat reën vanaf Oktober tot Desember oor die noordelike en sentrale gebiede van die land sal voorkom, waarsku die weerkantoor die feit dat die kwik wêreldwyd buitengewoon hoog styg dit die El Niño-Suidelike Ossillasie (Enso) en die Indiese Oseaan-dipool (IOD) ietwat onvoorspelbaar kan maak.Die weerkantoor het egter vertroue in sy voorspelling van gemiddelde tot bogemiddelde reën oraloor die land vanaf Januarie vanjaar tot Maart volgende jaar.WATERDie weerkantoor waarsku Namibiërs om proaktief te wees in waterbestuur en beveel aan dat maatreëls en monitering in die meeste dele van die land ingestel word om die risiko’s wat met vloede gepaardgaan te beperk.In die Suide beveel die weerkantoor aan dat water spaarsamig gebruik moet word en dat bykomende waterbronne hier nodig mag wees om volhoubare watertoevoer te verseker.Beide vee- en saaiboerderye is aangemoedig om vir ’n potensieel gunstige reënvalseisoen voor te berei en waaksaam vir gewasplae en veesiektes te wees.VLOEDEDie weerkantoor sê Zambezi, Kavango-Oos, Kavango-Wes, Oshana, Ohangwena, Omusati en Oshikoto moet hulself voorberei vir moontlike vloede deur vloedwaarskuwings aan gemeenskappe uit te reik, om te verseker dat dreineringstelsels doeltreffend werk en ontruimingsplanne in plek te stel.GESONDHEIDDie risiko’s wat die komende reënseisoen vir openbare gesondheid kan inhou, is hoofsaaklik in die Noorde gesentreer, waar onvoldoende sanitasie en stilstaande water uitbrekings van onder meer cholera en tifus kan veroorsaak.Stedelike gebiede met onvoldoende dreineringstelsels, soos Windhoek se informele nedersettings, kan ook gesondheidskwessies ondervind.INFRASTRUKTUURDie weerkantoor beveel ook aan dat die ministerie van werke en vervoer op hul hoede moet wees vir die moontlikheid van skade aan paaie en hoofweë, soos die Trans-Caprivi-hoofweg.Daar word ook verwag dat kragstelsels en kommunikasienetwerke in die Zambezi-, Kavango- en noordelike streke deur die weervoorspelling geraak kan word.– irene-mari@nmh-hub.com.na

Namibiërs hou asem op vir nóg reën

Kommentaar

Republikein 2025-11-04

Meld asseblief aan om kommentaar te lewer

Namibiërs hou asem op vir nóg reën

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.