Namibië mik vir vinniger internet in 2026

Namibië se doelwit is om sy internetspoed teen 2026 tot 25 megagrepe per sekonde (Mbps) te verhoog. Tans is die gemiddelde aflaaispoed in Namibië 13,72 Mbps volgens Ookla, en die land is 143ste uit 152 lande op dié netwerkintelligensie-maatskappy se jaarlikse ranglys vir internetspoed.Die uitvoerende direkteur van inligting en kommunikasietegnologie, dr. Audrin Mathe, sê die ministerie het homself verbind tot universele 4G-dekking in 2027, 80% toegang tot breëband teen 2030 en regulatoriese omgewings wat volhoubare ontwikkeling bevorder.Die digitale ekonomie in Namibië en Afrika kan in die nabye toekoms beduidend groei, volgens Mathe. “Afrika se datasentrum-infrastruktuur moet teen 2030 1 200 megawatt bereik om die groei van ons digitale ekonomie te ondersteun,” het Mathe by die Afrika-databeraad in Nairobi, Kenia, gesê. Hy meen daar is 1,4 miljard mense op die vasteland, wat 18% van die wêreldbevolking verteenwoordig, maar Afrika het steeds minder as 1% van die wêreld se datasentrum-kapasiteit. Volgens die Verenigde Nasies (VN) se Opvoedkundige, Wetenskaplike en Kulturele Organisasie (Unesco) is daar nog 23 miljoen bykomende gegradueerdes in wetenskap, tegnologie, ingenieurswese en wiskunde (Stem) nodig om die vereistes vir digitale transformasie binne Afrika se bereik te bring.“Ons datasentrum-mark, wat na verwagting jaarliks met 4,8% tot 2030 sal groei, toon die ekonomiese potensiaal wat strategiese belegging in digitale infrastruktuur kan ontsluit,” het hy gesê. STRUIKELBLOKKEDie vasteland se mark vir digitale transformasie sal na verwagting byna verdubbel.“Tog bly bekostigbaarheid ons grootste beperking,” het Mathe gesê. Hy verduidelik die gemiddelde koste van een gigagreep is ongeveer 10,5% van die gemiddelde bruto nasionale inkomste – net meer as vyf keer die VN se doelwit van 2%.’n Gemiddelde intreevlak- internet-geaktiveerde handtoestel, soos ’n slimfoon, is ongeveer 25% van die maandelikse bruto binnelandse produk (BBP) per capita. “Hierdie struikelblokke raak hoofsaaklik vroue, wat 37% minder geneig is om mobiele internet te gebruik as mans – die grootste digitale geslagsgaping wêreldwyd,” het Mathe gesê.Inligting van die Wêreldbank toon dat Afrika suid van die Sahara tussen 2016 en 2021 ’n merkwaardige toename in die aantal internetgebruikers gesien het, van 19% van sy bevolking tot 36% – met ’n groei van 115%, ofte wel 160 miljoen Afrikane wat toegang tot die internet gekry het.Tog woon 84% van die bevolking in Afrika suid van die Sahara in gebiede waar daar 3G-internetverbinding beskikbaar is, met 63% wat in gebiede woon waar 4G-verbinding beskikbaar is en 22% wat mobiele internetdienste gebruik. “Hierdie gaping verteenwoordig honderde miljoene Afrikane wat aan die verkeerde kant van die digitale kloof is,” het Mathe gesê.– irene-mari@nmh-hub.com.na

Namibië mik vir vinniger internet in 2026

Kommentaar

Republikein 2025-07-03

Meld asseblief aan om kommentaar te lewer

Namibië mik vir vinniger internet in 2026

Kommentaar

Republikein 2025-07-03

Meld asseblief aan om kommentaar te lewer

MELD AAN

Advertensie