Drie honderdtalle en ‘n vrag lopies in Gauteng vir Gillmer Horn

Die begaafde kolwer Gillmer Horn se aptyt vir lopies is nog geensins versadig nie, met die Namibiese o.13-seun wat briljant op sy bevordering tot Krieket Namibië se o.15-toerspan na Johannesburg gereageer het.Met drie honderdtalle in drie 50-boulbeurtwedstryde het Horn ondanks sy jeugdigheid boaan die Gauteng Bekertoernooi se individuele kolwerlys in dié formaat geëindig.Twee gewen en twee verloor was die rapport waarmee die Namibiese o.15’s gister uit Johannesburg teruggekeer het. Teen die verwagtinge in was hulle op koers om ‘n derde wedstryd te wen, toe reën die spel voortydig beëindig het.Horn se 375 lopies in die drie eendagwedstryde het die tweede meeste (Juan Swart van Titans Navy se 253) en al die ander kolfuitblinkers oorskadu. Die laerskoolseun van WAP wat volgende jaar by Paarl Boys High gaan inval, se kolfgemiddeld in die drie wedstryde was 125.0 – feitlik identies as sy kolftempo (125.42).Horn het 51 viere en 14 sesse geslaan, terwyl Swart se lopietotaal 12 viere en 26 sesse bevat het.Die opgesomde Namibiese deelname:Wedstryd 1, teen Leeus Oranje-span (50 beurte)Die Namibiërs het geen genade betoon nie, in ‘n wegholoorwinning met 252 lopies.In hul reusetotaal van 398 vir sewe was aanvangskolwer Gillmer Horn die uitblinker met 148 lopies van 129 balle. Hy het 22 viere en ses sesse geslaan.Horn se grootste vennootskap was saam met nommer drie Kobus Engelbrecht (44 van 57 balle; 5x4 2x6), toe dié twee die totaal vanaf 58/1 tot 225/2 gevoer het.Henco van der Merwe (90 van 61 balle; 8x4 6x6) en JW Junius (32 van 33 balle; 3x4 2x6) het ook onder die arme oranje span se boulwerk ingeklim.Horn se eerste vyftigtal is van 44 balle behaal en sy honderdtal van 97 balle.Die Leeus Oranje se aanvangsbouler Bernard Dorland het met 0/123 in tien boulbeurte slae gekry.Leeus Oranje is hierna vir 146 uitgeboul, met die meeste skade aangerig deur Willie Swart (5/35 in 9 bb).Wedstryd 2, teen Leeus Blou (50 beurte)Die Gauteng-span (280/8) het vasgetrap en Namibië (198 almal uit in 35.2 bb) met 82 lopies afgestof.Morné Steyn, kaptein van die Gautengers, is as speler van die wedstryd bekroon vir hul hoogste telling van 78 van 61 balle (5x4 5x6), asook vier paaltjies vir 22 lopies in 5.2 bb.Willie Swart se agt boulbeurte is teen ‘n koers van 3.75 afgestuur (0/30 in 8), terwyl Markus van Heerden 3/69 in 10 bb geneem het. Gerhard Genis se 0/20 in vyf beurte was ook ekonomies.Gillmer Horn het sy aanvangsmaat JW Junius (0) met die eerste bal van Namibië se beurt verloor en Kobus Engelbrecht is vir 4 uitgevang.Nietemin het Horn koelkop gebly vir sy tweede honderdtal met selfs ‘n vinner tempo (109 van 74 balle; 15x3 4x6). Sy bydrae was enorm teen die tyd dat hy uitgevang is (Namibië 147/6 ná 23.3 bb).Ná sy vertrek het Emile Vilbert (20 nie uit nie van 37 balle; 2x4 1x6) en nommer tien Luan Brand (26 van 20 balle; 3x4 1x6) vergeefs die kastaiings uit die vuur probeer krap.Wedstryd 3, teen Tuskers BlueGillmer Horn se derde opeenvolgende honderdtal het hom uiteindelik ‘n toekenning as speler van die wedstryd besorg.Die Namibiërs het so byna hul volle 50 boulbeurte deurgekolf voor hulle op 281 almal uitgeboul is (47.1 bb).Horn het met 118 van 96 balle afgestap, nadat hy 14 viere en vier sesse gemoker het. Michael Hangula (28 van 55 balle; 2x4) en Henco van der Merwe (20 van 29 balle) het die meeste van die res van die kolflys bygedra.Vanweë ‘n reënonderbreking is Tuskers Blue se teiken volgens die DLS-metode tot 160 in 20 boulbeurte aangepas. Hul kolfheld Jack Campbell het 83 van 51 balle geblits (9x42x6), maar die Namibiërs het ook hul telling met 18 wydlopers help aangroei. Die Tusker het die wenlopie (161/3) ná 19.2 bb behaal.Wedstryd 4, teen Tuskers Black (20 bb)Namibië (144/0 in 14.1 bb) storm met tien paaltjies staande verby die totaal van Tuskers Black (140/9), met 35 balle oor.Die aanvangskolwer JW Junius het hom met 54 nie uit nie van 47 balle (nege viere) laat geld. Nogtans het Gillmer Horn die aanvallende rol oorgeneem met 87 nie uit nie van 38 balle (6x4 8x6) teen meer as dubbeld ‘n lopie per bal.Vroeër het Markus van Heerden (4/24 in 4 bb) en spankaptein Henco van der Merwe (2/12 in 3 bb) die Gautengers se belowende begin in die bek help ruk.

Drie honderdtalle en ‘n vrag lopies in Gauteng vir Gillmer Horn

Kommentaar

Republikein 2026-01-30

Meld asseblief aan om kommentaar te lewer

Drie honderdtalle en ‘n vrag lopies in Gauteng vir Gillmer Horn

Kommentaar

Republikein 2026-01-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.