’n Epiese sokkerverhaal
CK se boek nou beskikbaar
Die geskiedenis van Namibië se sokker-erfenis is uiteindelik in Carlos Kambaekua, ook bekend as CK, se splinternuwe boek, The Untold History of Namibian Football, vasgevang.
Die talentvolle voormalige sokkerspeler, skeidsregter, joernalis en skrywer het verlede naweek sy jare lange werk van passie by die Ramblers-sportklub bekend gestel.
“Sokker is nie net ’n sport nie,” voer hy aan, “maar dit is onderaan die regering se lys van prioriteite”.
“Ons wetgewers neem sport nie ernstig op nie en dis wat my bekommer. Ons moet sport ernstig opneem,” sê hy.
In sy toespraak het Kambaekua die voorbeeld van ’n sokkerwedstryd in 1975 tussen wit en swart burgers gebruik, wat volgens hom ’n keerpunt vir rasseverhoudings in Namibië was. Dit het gelei tot die afskaffing van apartheid in alle sportkodes in die land en het die weg gebaan vir die vrede en stabiliteit wat Namibië steeds ná onafhanklikwording geniet.
Sy boek strek van die bekendstelling van sokker in die land deur Duitse setlaars in Okahandja in 1910 tot vandag toe.
Die boek bevat ook stories oor wyle president Hage Geingob se sokkerloopbaan, insluitend foto’s van sy tyd op die veld.
Geingob se dogter, Nangula Geingos, het by die geleentheid ’n toespraak van Namibië se derde eerste dame en sy weduwee, Monica Geingos, namens die familie voorgelees.
“Vir so lank as wat ek kan onthou, was sokker meer as net ’n sport in ons land. Dit was ’n bron van vreugde, ’n gemeenskapsbouer en selfs soms ’n politieke stelling. In ons familie was Hage se liefde vir sport, veral sokker, welbekend,” het Geingos gesê.
“Hage het dikwels stories gedeel oor daardie sokkerdae, insluitend die tye toe die span agter in ’n beeslorrie deur die land gereis het,” volgens sy weduwee.
“Dis geen wonder hierdie twee mans, Hage en Carlos, het baie goed oor die weg gekom nie. Hulle is albei passievol oor sokker, ons land en selfs ons musiek.
“Hage het Carlos en sy orkes dikwels na sy plaas genooi om by ons familie se Kersbyeenkomste te speel. Daarna het hulle herinneringe gedeel oor die lewenslesse wat hulle uit outydse sokker en musiek kon leer,” vertel sy.
Ook aan die woord by die geleentheid was Harald Hecht, die president van die Ramblers-sokkerklub en seremoniemeester vir die aand, en die voormalige president van die Namibiese Sokkervereniging (NFA), John Muinjo, het die boek as insiggewend beskryf, wat veral jonger Namibiërs moet lees.
Die voormalige speler en nasionale spanafrigter, Willem Hans, het tydens sy spreekbeurt uitgebrei oor die doelbewuste vorming van sokkerklubs wat etniese en rassegrense verwerp het en Kambaekua se uitmuntende werk geprys om daardie geskiedenis in sy boek vas te vang.
Ivo de Gouveia, wat die druk van die boek geborg het, was ook teenwoordig om die aand saam met mede-Namibiese sokkerlegendes te deel.
Kambaekua het die geleentheid afgesluit met kitaarspel, gelei deur sy Sigera Jazz & Fusion Band, wat ook sy ander groot liefde - musiek - met die gehoor gedeel het.
– [email protected]
Die talentvolle voormalige sokkerspeler, skeidsregter, joernalis en skrywer het verlede naweek sy jare lange werk van passie by die Ramblers-sportklub bekend gestel.
“Sokker is nie net ’n sport nie,” voer hy aan, “maar dit is onderaan die regering se lys van prioriteite”.
“Ons wetgewers neem sport nie ernstig op nie en dis wat my bekommer. Ons moet sport ernstig opneem,” sê hy.
In sy toespraak het Kambaekua die voorbeeld van ’n sokkerwedstryd in 1975 tussen wit en swart burgers gebruik, wat volgens hom ’n keerpunt vir rasseverhoudings in Namibië was. Dit het gelei tot die afskaffing van apartheid in alle sportkodes in die land en het die weg gebaan vir die vrede en stabiliteit wat Namibië steeds ná onafhanklikwording geniet.
Sy boek strek van die bekendstelling van sokker in die land deur Duitse setlaars in Okahandja in 1910 tot vandag toe.
Die boek bevat ook stories oor wyle president Hage Geingob se sokkerloopbaan, insluitend foto’s van sy tyd op die veld.
Geingob se dogter, Nangula Geingos, het by die geleentheid ’n toespraak van Namibië se derde eerste dame en sy weduwee, Monica Geingos, namens die familie voorgelees.
“Vir so lank as wat ek kan onthou, was sokker meer as net ’n sport in ons land. Dit was ’n bron van vreugde, ’n gemeenskapsbouer en selfs soms ’n politieke stelling. In ons familie was Hage se liefde vir sport, veral sokker, welbekend,” het Geingos gesê.
“Hage het dikwels stories gedeel oor daardie sokkerdae, insluitend die tye toe die span agter in ’n beeslorrie deur die land gereis het,” volgens sy weduwee.
“Dis geen wonder hierdie twee mans, Hage en Carlos, het baie goed oor die weg gekom nie. Hulle is albei passievol oor sokker, ons land en selfs ons musiek.
“Hage het Carlos en sy orkes dikwels na sy plaas genooi om by ons familie se Kersbyeenkomste te speel. Daarna het hulle herinneringe gedeel oor die lewenslesse wat hulle uit outydse sokker en musiek kon leer,” vertel sy.
Ook aan die woord by die geleentheid was Harald Hecht, die president van die Ramblers-sokkerklub en seremoniemeester vir die aand, en die voormalige president van die Namibiese Sokkervereniging (NFA), John Muinjo, het die boek as insiggewend beskryf, wat veral jonger Namibiërs moet lees.
Die voormalige speler en nasionale spanafrigter, Willem Hans, het tydens sy spreekbeurt uitgebrei oor die doelbewuste vorming van sokkerklubs wat etniese en rassegrense verwerp het en Kambaekua se uitmuntende werk geprys om daardie geskiedenis in sy boek vas te vang.
Ivo de Gouveia, wat die druk van die boek geborg het, was ook teenwoordig om die aand saam met mede-Namibiese sokkerlegendes te deel.
Kambaekua het die geleentheid afgesluit met kitaarspel, gelei deur sy Sigera Jazz & Fusion Band, wat ook sy ander groot liefde - musiek - met die gehoor gedeel het.
– [email protected]
Kommentaar
Republikein
Geen kommentaar is op hierdie artikel gelaat nie