‘Wat as dit jóú kind was?’
In erge, voortdurende pyn weens ’n seldsame breintoestand waar dele van die brein nie vorm nie en deur vloeistof vervang word, is ’n agt maande oue baba wat met sy geboorte verlaat is, ernstig ondervoed, vuil en alleen onder komberse in ’n staatshospitaal gevind.
Baba Z se kop het teen hierdie tyd tot 71 cm geswel weens die geweldige opbou van vloeistof. ’n Klein pypie is op drie weke in die babaseuntjie se kop geplaas om die vloeistof te dreineer en die druk te verlig, maar dit het verstop geraak.
Hy sou maande alleen in ’n kamer in die staatshospitaal deurbring sonder dat mediese personeel glo aandag daaraan geskenk het.
“Hy was in pyn. Erg ondervoed. Gelos in ’n kamer, vuil, alleen onder komberse,” sê Ronel Peters, die stigter van die Ruach Elohim-stigting, ’n veilige tuiste op Swakopmund waar weggooi-, verwaarloosde en kwesbare babas met liefde oorlaai en versorg word, en wat haar nou oor Baba Z ontferm het.
“Die druk het in sy kop opgebou en niks is daaraan gedoen nie. Ons is aangesê om na ’n private dokter te gaan as ons die operasie wou hê,” sê Ronel.
Die rede was glo omdat hy in elk geval geen lewenskwaliteit sou hê nie. Die stigting is deur maatskaplike werkers genader om te help.
“Toe ek hom die eerste keer sien, was ek verpletter. Sy lyfie was swak en ondervoed en sy kop was so geswel dat dit sigbaar pynlik was.
“Ek het sy hand gesoen en hom belowe hy sou nie weer alleen gelos word nie,” het Ronel in ’n onderhoud met Network Media Hub (NMH) uit die staatshospitaal in Windhoek gesê.
Danksy die hulp van ’n private neurochirurg wat 17 maande gelede ook ’n operasie op ’n ander baba in Ronel se sorg uitgevoer het, was onmiddellike ingryping moontlik om Baba Z se geweldige ongemak en pyn te verlig.
’n Dreineringspypie is in die babaseuntjie se kop geplaas om die vloeistof te dreineer en die druk te verlig. Hy sal later ’n volledige operasie ondergaan.
“Hoewel hy steeds in pyn is, het die prosedure geweldige verligting vir hom gebring. Hy is kalm en geliefd,” sê Ronel dankbaar.
Dit gaan egter nie net oor Baba Z nie, beklemtoon sy.
“Daar is baie babas soos hy. Weggesteek terwyl hulle wag dat iemand help, maar die stelsel reageer nie vinnig genoeg nie. As ons beleide en wette het wat sê dat elke kind ’n veilige en liefdevolle omgewing verdien, dat moet ons vra ‘hoekom val kinders steeds deur die krake?’”
Sy het gepleit vir beter bewusmaking en betrokkenheid en ’n beroep gedoen vir Namibië om te besin oor hoe die land se kinderbeskermings- en gesondheidstelsels die sorg vir kinders met ernstige mediese behoeftes beter kan koördineer.
“Ek val niemand aan nie. Dit gaan daaroor om diegene te vind wat agtergelaat is en seker te maak hulle is nie onsigbaar nie.”
Ronel het ook gepleit vir beter koördinering tussen maatskaplike dienste, versorgers en verskaffers van gesondheidsdienste.
“Ons moet begin vra ‘wat gebeur met die kind wat niemand het om vir hom te baklei nie?’
“Baba Z mag dalk nooit loop of praat nie. Maar hy verdien om soos enige ander kind vasgehou, vertroos en liefgehê te word. Die eintlik vraag is ‘as dit jou kind was, sou jy steeds weggestap het?’”
– [email protected]
Baba Z se kop het teen hierdie tyd tot 71 cm geswel weens die geweldige opbou van vloeistof. ’n Klein pypie is op drie weke in die babaseuntjie se kop geplaas om die vloeistof te dreineer en die druk te verlig, maar dit het verstop geraak.
Hy sou maande alleen in ’n kamer in die staatshospitaal deurbring sonder dat mediese personeel glo aandag daaraan geskenk het.
“Hy was in pyn. Erg ondervoed. Gelos in ’n kamer, vuil, alleen onder komberse,” sê Ronel Peters, die stigter van die Ruach Elohim-stigting, ’n veilige tuiste op Swakopmund waar weggooi-, verwaarloosde en kwesbare babas met liefde oorlaai en versorg word, en wat haar nou oor Baba Z ontferm het.
“Die druk het in sy kop opgebou en niks is daaraan gedoen nie. Ons is aangesê om na ’n private dokter te gaan as ons die operasie wou hê,” sê Ronel.
Die rede was glo omdat hy in elk geval geen lewenskwaliteit sou hê nie. Die stigting is deur maatskaplike werkers genader om te help.
“Toe ek hom die eerste keer sien, was ek verpletter. Sy lyfie was swak en ondervoed en sy kop was so geswel dat dit sigbaar pynlik was.
“Ek het sy hand gesoen en hom belowe hy sou nie weer alleen gelos word nie,” het Ronel in ’n onderhoud met Network Media Hub (NMH) uit die staatshospitaal in Windhoek gesê.
Danksy die hulp van ’n private neurochirurg wat 17 maande gelede ook ’n operasie op ’n ander baba in Ronel se sorg uitgevoer het, was onmiddellike ingryping moontlik om Baba Z se geweldige ongemak en pyn te verlig.
’n Dreineringspypie is in die babaseuntjie se kop geplaas om die vloeistof te dreineer en die druk te verlig. Hy sal later ’n volledige operasie ondergaan.
“Hoewel hy steeds in pyn is, het die prosedure geweldige verligting vir hom gebring. Hy is kalm en geliefd,” sê Ronel dankbaar.
Dit gaan egter nie net oor Baba Z nie, beklemtoon sy.
“Daar is baie babas soos hy. Weggesteek terwyl hulle wag dat iemand help, maar die stelsel reageer nie vinnig genoeg nie. As ons beleide en wette het wat sê dat elke kind ’n veilige en liefdevolle omgewing verdien, dat moet ons vra ‘hoekom val kinders steeds deur die krake?’”
Sy het gepleit vir beter bewusmaking en betrokkenheid en ’n beroep gedoen vir Namibië om te besin oor hoe die land se kinderbeskermings- en gesondheidstelsels die sorg vir kinders met ernstige mediese behoeftes beter kan koördineer.
“Ek val niemand aan nie. Dit gaan daaroor om diegene te vind wat agtergelaat is en seker te maak hulle is nie onsigbaar nie.”
Ronel het ook gepleit vir beter koördinering tussen maatskaplike dienste, versorgers en verskaffers van gesondheidsdienste.
“Ons moet begin vra ‘wat gebeur met die kind wat niemand het om vir hom te baklei nie?’
“Baba Z mag dalk nooit loop of praat nie. Maar hy verdien om soos enige ander kind vasgehou, vertroos en liefgehê te word. Die eintlik vraag is ‘as dit jou kind was, sou jy steeds weggestap het?’”
– [email protected]
Kommentaar
Republikein
Geen kommentaar is op hierdie artikel gelaat nie