Namibië wil internetspoed verhoog
Bewillig N$40 miljoen vir universele toegangsfonds
'n Nuwe minimum internetaflaaispoed van 25 megabits per sekonde (Mbps) word in die vooruitsig gestel.
Die uitvoerende direkteur van die ministerie van inligting en kommunikasietegnologie (MICT), dr. Audrin Mathe, het aankondiging Namibië oorweeg dit om die minimum internetaflaaispoed tot 25 megabits per sekonde (Mbps) te verhoog.
Die minimum oplaaispoed sal ook tot 3 Mbps verhoog word.
Hy het belanghebbendes, vennote, sakelui en gaste Woensdag by ’n ontbytvergadering by die Windhoek Buitekluboord toegespreek.
Hy sê dit sal “’n aansienlike verbetering wees vanaf die huidige 2 Mbps-standaard wat in die nasionale breëbandbeleid uiteengesit word”.
Dis in ooreenstemming met die besluit van ministers verantwoordelik vir inligting en kommunikasietegnologie oraloor die Suider-Afrikaanse Ontwikkelingsgemeenskap (SADC), voeg hy by.
“Ons vergader as belanghebbendes omdat ons erken breëbandtoegang en spoed is kritieke katalisators vir ekonomiese ontwikkeling en maatskaplike gelykheid,” het hy gesê.
Alhoewel vordering reeds gemaak is, bly daar volgens hom ’n beduidende gaping tussen die breëbandspoed wat tans beskikbaar is en die groeiende vraag van besighede, opvoedkundige instellings, staatsdienste en gewone burgers landswyd.
“Die regering doen ’n beslissende beroep om op te tree,” sê hy.
Hy het ook teenwoordiges aangemoedig om praktiese, kostedoeltreffende strategieë te ondersoek, “om die standaarde van konnektiwiteit in ons land te herdefinieer, sonder om die finansiële las op verbruikers te verhoog”.
“Ek is ten volle bewus van die uitdagings wat verouderde tegnologieë soos 2G, 3G en WiMAX stel en erken die tegniese en geografiese beperkings wat dit bied.
“Ek bly egter vol vertroue dat ons meer doeltreffende tegnologieë soos 4G, 5G, WiFi 6, optiese vesel en hoëdeurset-satelliete kan benut, wat nie net die 25 Mbps-beleidsvoorskrif kan nakom nie, maar oorskry.
“Die vraag voor ons is nie of die tegnologie die vereiste uitkoms kan lewer nie, maar eerder hoe ons dit doeltreffend, regverdig en bekostigbaar oor ons diverse nasionale landskap kan ontplooi,” sê hy.
GALADINEE
Dié vergadering volg kort op die hakke van Huawei se galadinee die vorige aand, waar minister Emma Theofelus die hooftoespraak gelewer het.
Sy het die besturende direkteur van Huawei Technologies Namibia, Michael Zhang, bedank vir die merkwaardige werk wat Huawei in Namibië doen.
“Namibië is op ’n beslissende pad na digitale transformasie.”
“Ons verstaan ’n inklusiewe digitale ekonomie kan nie floreer sonder robuuste infrastruktuur, ’n bevolking wat digitaal geletterd is en betekenisvolle vennootskappe nie,” sê sy.
Sy het die ooreenkoms tussen haar ministerie en Huawei uitgelig, wat op 1 Augustus 2024 in Shenzhen, China, onderteken is, waardeur die LEAP-digitale talentprogram van stapel gestuur het.
“Deur hierdie vennootskap sal ons plaaslike ICT-talent kweek, nuwe internskapgeleenthede vir studente skep en die grondslag lê vir ’n nuwe generasie innoveerders, ontwikkelaars en probleemoplossers wat Namibië se digitale transformasie sal dryf.
“Die LEAP-program sal nie net op vaardigheidsbou fokus nie, maar ook om ons jeug te bemagtig met die selfvertroue en blootstelling wat nodig is om in ’n hoogs mededingende globale digitale ekonomie te floreer,” sê sy.
Theofelus is oortuig daarvan dat die oorbrugging van die digitale gaping nie ’n taak vir die regering alleen is nie.
Sy het spesifiek gevra vir samewerking op die gebied van digitale geletterdheid, innovasie-ekosisteme, opleiding en kapasiteitsbou asook die uitbreiding van konnektiwiteit.
“Ons beoog om universele toegang tot hoëspoed-internet te versnel, veral in onderbediende en afgeleë gebiede.
“Verbinding moet nie ’n voorreg wees nie, maar ’n reg; ’n bemagtiger van onderwys, gesondheidsorg en ekonomiese deelname,” sê sy.
Vir hierdie doel word die universele diens- en toegangsfonds vir hierdie boekjaar met N$40 miljoen gefinansier, spesifiek om infrastruktuur uit te brei en die werk van plaaslike selfoonnetwerkoperateurs aan te vul, sê sy.
– [email protected]
Die minimum oplaaispoed sal ook tot 3 Mbps verhoog word.
Hy het belanghebbendes, vennote, sakelui en gaste Woensdag by ’n ontbytvergadering by die Windhoek Buitekluboord toegespreek.
Hy sê dit sal “’n aansienlike verbetering wees vanaf die huidige 2 Mbps-standaard wat in die nasionale breëbandbeleid uiteengesit word”.
Dis in ooreenstemming met die besluit van ministers verantwoordelik vir inligting en kommunikasietegnologie oraloor die Suider-Afrikaanse Ontwikkelingsgemeenskap (SADC), voeg hy by.
“Ons vergader as belanghebbendes omdat ons erken breëbandtoegang en spoed is kritieke katalisators vir ekonomiese ontwikkeling en maatskaplike gelykheid,” het hy gesê.
Alhoewel vordering reeds gemaak is, bly daar volgens hom ’n beduidende gaping tussen die breëbandspoed wat tans beskikbaar is en die groeiende vraag van besighede, opvoedkundige instellings, staatsdienste en gewone burgers landswyd.
“Die regering doen ’n beslissende beroep om op te tree,” sê hy.
Hy het ook teenwoordiges aangemoedig om praktiese, kostedoeltreffende strategieë te ondersoek, “om die standaarde van konnektiwiteit in ons land te herdefinieer, sonder om die finansiële las op verbruikers te verhoog”.
“Ek is ten volle bewus van die uitdagings wat verouderde tegnologieë soos 2G, 3G en WiMAX stel en erken die tegniese en geografiese beperkings wat dit bied.
“Ek bly egter vol vertroue dat ons meer doeltreffende tegnologieë soos 4G, 5G, WiFi 6, optiese vesel en hoëdeurset-satelliete kan benut, wat nie net die 25 Mbps-beleidsvoorskrif kan nakom nie, maar oorskry.
“Die vraag voor ons is nie of die tegnologie die vereiste uitkoms kan lewer nie, maar eerder hoe ons dit doeltreffend, regverdig en bekostigbaar oor ons diverse nasionale landskap kan ontplooi,” sê hy.
GALADINEE
Dié vergadering volg kort op die hakke van Huawei se galadinee die vorige aand, waar minister Emma Theofelus die hooftoespraak gelewer het.
Sy het die besturende direkteur van Huawei Technologies Namibia, Michael Zhang, bedank vir die merkwaardige werk wat Huawei in Namibië doen.
“Namibië is op ’n beslissende pad na digitale transformasie.”
“Ons verstaan ’n inklusiewe digitale ekonomie kan nie floreer sonder robuuste infrastruktuur, ’n bevolking wat digitaal geletterd is en betekenisvolle vennootskappe nie,” sê sy.
Sy het die ooreenkoms tussen haar ministerie en Huawei uitgelig, wat op 1 Augustus 2024 in Shenzhen, China, onderteken is, waardeur die LEAP-digitale talentprogram van stapel gestuur het.
“Deur hierdie vennootskap sal ons plaaslike ICT-talent kweek, nuwe internskapgeleenthede vir studente skep en die grondslag lê vir ’n nuwe generasie innoveerders, ontwikkelaars en probleemoplossers wat Namibië se digitale transformasie sal dryf.
“Die LEAP-program sal nie net op vaardigheidsbou fokus nie, maar ook om ons jeug te bemagtig met die selfvertroue en blootstelling wat nodig is om in ’n hoogs mededingende globale digitale ekonomie te floreer,” sê sy.
Theofelus is oortuig daarvan dat die oorbrugging van die digitale gaping nie ’n taak vir die regering alleen is nie.
Sy het spesifiek gevra vir samewerking op die gebied van digitale geletterdheid, innovasie-ekosisteme, opleiding en kapasiteitsbou asook die uitbreiding van konnektiwiteit.
“Ons beoog om universele toegang tot hoëspoed-internet te versnel, veral in onderbediende en afgeleë gebiede.
“Verbinding moet nie ’n voorreg wees nie, maar ’n reg; ’n bemagtiger van onderwys, gesondheidsorg en ekonomiese deelname,” sê sy.
Vir hierdie doel word die universele diens- en toegangsfonds vir hierdie boekjaar met N$40 miljoen gefinansier, spesifiek om infrastruktuur uit te brei en die werk van plaaslike selfoonnetwerkoperateurs aan te vul, sê sy.
– [email protected]
Kommentaar
Republikein
Geen kommentaar is op hierdie artikel gelaat nie