‘Vroue harder getref deur klimaatsverandering’

Klimaatsverandering is nie geslagsneutraal nie, het die Speaker, Saara Kuugongelwa-Amadhila, tydens die 15de Spitsberaad van Vrouesprekers van die Interparlementêre Unie (IPU) in Genève, Switserland, gesê. Sy het beklemtoon hoewel klimaatsverandering onoordeelkundig plaasvind, die impak daarvan veral diegene met die minste hulpbronne en die minste mag raak, en wel hoofsaaklik vroue.Vroue is dikwels werksaam in bedrywe wat veral deur klimaatsverandering geraak word, soos landbou of informele handel. In landelike gebiede is hulle ook hoofsaaklik verantwoordelikheid om in hul gesinne se basiese behoeftes te voorsien. Klimaatsverwante misoeste of watertekorte tref hulle dus besonder hard, wat lei tot selfs groter stres en maatskaplike kwesbaarheid.Kuugongelwa-Amadhila het beklemtoon dat dit nie teoretiese probleme is nie, maar ’n geleefde werklikheid. Vroue het dikwels min toegang tot grond, geld en tegnologie, wat sleutelhulpbronne is om by die gevolge van klimaatsverandering aan te pas. Hierdie nadeel is diepgewortel in sosiale en kulturele strukture.Sy het ook gewaarsku dat klimaatverwante rampe ook geslagsgebaseerde geweld vererger. Ontworteling en ekonomiese probleme lei tot selfs groter magswanbalanse. Vroue en meisies loop dus ’n groter risiko om slagoffers van uitbuiting en mishandeling te word.Vroue word ook aan besondere gesondheidsrisiko’s blootgestel. Stygende temperature en toenemende omgewingsbesoedeling bedreig veral swanger vroue en pasgebore baba’s. Wanvoeding en swak higiëniese toestande, veral tydens vloede, raak veral vroue en kinders.’n Klimaatbeleid wat nie hierdie verskille in ag neem nie, sal vroue agterlaat. Geen land kan dit bekostig nie, het Kuugongelwa-Amadhila gesê. Sy het die gehoor daaraan herinner dat vroue, ten spyte van vordering, steeds erg onderverteenwoordig is in onderhandelinge vir vrede wêreldwyd, daar te min hulpbronne beskikbaar is vir konflikvoorkoming en hulle die grootste las dra in tye van krisis.Multilaterale samewerking en verantwoordbaarheid is dus noodsaaklik vir vrede en geregtigheid. Namibië het reeds noemenswaardige vordering gemaak en is eerste in Afrika en agtste wêreldwyd in die Wêreld- Ekonomiese Forum (WEF) se globale geslagsgapingsverslag geplaas.– nikanor@erongo.com.na

‘Vroue harder getref deur klimaatsverandering’

Kommentaar

Republikein 2025-11-03

Meld asseblief aan om kommentaar te lewer

‘Vroue harder getref deur klimaatsverandering’

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.