‘n Klein treë vir #Oma /Kunta, ‘n reusesprong vir die San

Op 18 Junie het Marlice van Vuuren van die Naankuse Foundation en die San oudste #Oma /Kunta die eerste treë gegee deel van ‘n reis wat Namibië se oeroue inheemse kennis na die wêreldverhoog sal wees. Marlice en #Oma /Kunta is uitgenooi om aan die Harmony Summit deel te neem wat deur The King’s Foundation in Gloucestershire in die Verenigde Koninkryk aangebied word. Tydens die beraad sal hulle ook die voorreg hê om koning Charles III en koningin Camilla te ontmoet en aansluit by inheemse leiers en omgewingsbewaarders van oraloor die wêreld om in gesprek te tree oor maniere hoe die mensdom sagter spore op Moeder Aarde kan agterlaat. Die Harmony Summit fokus op oeroue kennisstelsels, die wysheid van oorlewing asook volhoubare praktyke van kulture wat ‘n baie noue band met die natuur het. The King’s Foundation, ‘n globale liefdadigheidsorganisasie, is in 1990 deur koning Charles as die prins van Wallis in die lewe geroep en is geïnspireer deur sy filosofie van harmonie. Die stigting doen voorspraak vir die verandering wat koning Charles III graag in die wêreld wil sien en dek verskeie sektore, dissiplines en vlakke en verteenwoordig onder meer onderwys en volhoubaarheid, boerdery en landbou, tradisionele kuns en kunsvlyt, gesondheid en welstand, en ook argitektuur en verstedeliking. Dit verskaf buiten onderrig, ook openbare dienste en konsultasies in die bogenoemde sektore nie net in die Verenigde Koninkryk nie, maar ook oraloor in die wêreld. As verteenwoordiger van Namibië se eerste inwoners sal #Oma /Kunta die San se diepe begrip oor eeue heen deel van ‘n lewe in balans met die grond en die natuur deel, ‘n perspektief wat gevorm is deur duisende jare van die saamleef met die natuur. Saam met Marlice dra #Oma /Kunta die hartklop van Namibië na een van die wêreld se mees gerespekteerde platforms vir ‘n oomblik van globale erkenning vir inheemse stemme. Voor sy buiging op die wêreldverhoog het Marlice en #Oma /Kunta tyd gemaak om toeristeaantreklikhede in Londen te besoek. ‘n Spesiale geskenk spesiaal uit Namibië is ook tydens ‘n kuier by Namibië se Hoë Kommissaris vir Verenigde Koninkryk, Linda Scott, aan haar oorhandig, ‘n simbool van die bande wat die twee Namibiërs uit hul geboorteland na die wêreld bring.

‘n Klein treë vir #Oma /Kunta, ‘n reusesprong vir die San

Kommentaar

Republikein 2025-09-12

Meld asseblief aan om kommentaar te lewer

‘n Klein treë vir #Oma /Kunta, ‘n reusesprong vir die San

Kommentaar

Republikein 2025-09-12

Meld asseblief aan om kommentaar te lewer

MELD AAN

Advertensie