Namibië wil toeristemark uitbrei
N$51,2 miljoen vir ontwikkeling en groei
Die oorgrote meerderheid besoekers aan die land kom van Europa met Duitsland wat die hoofbron van toeriste na Namibië is.
Namibië gaan begin om die land intensief as ’n verkose toeristebestemming in Asië, die Midde-Ooste, die Verenigde Arabiese Emirate en Noord-Amerika te bemark as deel van pogings om sy toeristemark uit te brei.
Die oorgrote meerderheid besoekers aan die land kom van Europa met Duitsland wat die hoofbron van toeriste na Namibië is.
Die minister van die omgewing, bosbou en toerisme, Indileni Daniel, het in haar begrotingsmotivering in die parlement gesê die Toerismeraad sal die insiatief ten spyte van voortgesette finansiële beperkings lei. Sy het gesê meer as N$51,2 miljoen is vir die 2025-’26-boekjaar aan die ministerie se program vir die ontwikkeling en groei van toerisme en die regulering van dobbel toegeken.
Daniel sê die program fokus daarop om ’n gunstige omgewing vir die volhoubare groei van die toerisme- en dobbelbedryf te skep sodat dié bedrywe tot die sosioëkonomiese ontwikkeling van die land kan bydra.
Volgens haar het die implementering van die herstelplan vir die Namibiese toerismebedryf vanaf 2022 tot 2024 beduidende suksesse opgelewer, veral in die heroplewing van die toerismebedryf.
Daniel het verwys na die jongste toeristestatistiekverslag vir 2023 wat toon dat toeristeaankomste teruggekeer het van 169 565 tydens die pandemie tot 863 872 in 2023.
Sy sê onder die program gaan die ministerie ’n nasionale ruimtelike (spatial) ontwikkelingsmeesterplan vir toerisme ontwikkel, die nasionale toerismebeleid onder die loep neem en ook die toerismewet ontwikkel om sodoende ’n gunstige omgewing te skep om ’n bevorderlike omgewing te verseker om nuwe beleggings sowel as om produkdiversifikasie en volhoubaarheid te verseker.
Daarbenewens het sy gesê die ministerie beoog ook om ’n nasionale dobbelbeleid vir die bedryf te ontwikkel as ’n riglyn vir die ontwikkeling en bestuur van die dobbelbedryf in Namibië.
– [email protected]
Die oorgrote meerderheid besoekers aan die land kom van Europa met Duitsland wat die hoofbron van toeriste na Namibië is.
Die minister van die omgewing, bosbou en toerisme, Indileni Daniel, het in haar begrotingsmotivering in die parlement gesê die Toerismeraad sal die insiatief ten spyte van voortgesette finansiële beperkings lei. Sy het gesê meer as N$51,2 miljoen is vir die 2025-’26-boekjaar aan die ministerie se program vir die ontwikkeling en groei van toerisme en die regulering van dobbel toegeken.
Daniel sê die program fokus daarop om ’n gunstige omgewing vir die volhoubare groei van die toerisme- en dobbelbedryf te skep sodat dié bedrywe tot die sosioëkonomiese ontwikkeling van die land kan bydra.
Volgens haar het die implementering van die herstelplan vir die Namibiese toerismebedryf vanaf 2022 tot 2024 beduidende suksesse opgelewer, veral in die heroplewing van die toerismebedryf.
Daniel het verwys na die jongste toeristestatistiekverslag vir 2023 wat toon dat toeristeaankomste teruggekeer het van 169 565 tydens die pandemie tot 863 872 in 2023.
Sy sê onder die program gaan die ministerie ’n nasionale ruimtelike (spatial) ontwikkelingsmeesterplan vir toerisme ontwikkel, die nasionale toerismebeleid onder die loep neem en ook die toerismewet ontwikkel om sodoende ’n gunstige omgewing te skep om ’n bevorderlike omgewing te verseker om nuwe beleggings sowel as om produkdiversifikasie en volhoubaarheid te verseker.
Daarbenewens het sy gesê die ministerie beoog ook om ’n nasionale dobbelbeleid vir die bedryf te ontwikkel as ’n riglyn vir die ontwikkeling en bestuur van die dobbelbedryf in Namibië.
– [email protected]
Kommentaar
Callie Opperman
Wonderlike nuus. MAAR DAN MOET NWR HULLE SAKE REGKRY. Pateties dat al die pragtige plekke, Etosha, Ai-Ais ens so verval het!