570 ietermago’s gestroop sedert 2018

Sedert 2018 is altesaam 570 ietermago’s in Namibië gestroop volgens gedokumenteerde voorvalle.Só het die woordvoerder van die ministerie van die omgewing, bosbou en toerisme, Romeo Muyunda, op Wêreld-ietermagodag gesê en Namibië se verbintenis tot die bewaring van ietermago’s herbevestig.Dié internasionale dag het Saterdag plaasgevind om bewusmaking oor ietermago’s te skep en die ernstige bedreigings wat hulle in die gesig staar, uit te lig.Muyunda het gesê die ministerie bevestig weer sy verbintenis tot die beskerming van Namibië se ietermago’s, hul ekologiese belangrikheid en die dringende behoefte om bedreigings soos habitatverlies en onwettige handel te bekamp.“Om ons kommer oor die handel in ietermago’s te takel, het die regering ’n nasionale spesieplan ontwikkel in samewerking met die Namibiese ietermago-werkgroep wat vanjaar vrygestel sal word.”Muyunda het bygevoeg dat die regering daartoe verbind is om bewaringspogings te versterk deur wetgewing, toepassing en samewerking met plaaslike gemeenskappe en nieregeringsorganisasies soos die Pangolin Conservation and Research Foundation.“Deur hierdie vennootskap het ons die afgelope vier jaar 35 ietermago’s gered, vrygelaat en gemonitor. Ons doelwit is om die langtermyn-oorlewing van ietermago’s te verseker en om ons land se biodiversiteit te beskerm.”Muyunda het gesê terwyl hulle Wêreld-ietermagodag vier, hulle die dag herdenk ter ere van die lewe en nalatenskap van die ontslape stigterspresident, dr. Sam Nujoma.“As die eerste demokraties verkose president, was Nujoma instrumenteel in die vorming van Namibië se verbintenis tot bewaring, en die insluiting van omgewingsbeskerming in die land se Grondwet – wat Namibië die eerste nasie maak om dit te doen.”Muyunda het gesê dat Nujoma se verbintenis tot die beveiliging van Namibië se natuurlike erfenis die grondslag gelê het vir ’n bewaringsmodel wat gemeenskappe bemagtig, biodiversiteit ondersteun en verseker dat spesies soos die ietermago beskerm bly vir toekomstige geslagte.“Om sy nalatenskap te eer, bevestig ons weer ons verantwoordelikheid om Namibië se verbintenis tot wildbewaring en die volhoubare bestuur van ons natuurlike hulpbronne te handhaaf. “Verder moet ons sy toekomsvisie omhels om te verseker dat ons ietermago’s en ander wilde diere beskerm word tot voordeel van Namibiërs se huidige en toekomstige geslagte.Muyunda het bygevoeg dat die handel in wild ’n ernstige oortreding is, en tot op hede was die swaarste vonnis nege jaar direkte gevangenisstraf en die swaarste boete van N$800 000 vir die handel in 'n ietermagô of dele daarvan.– republikein@republikein.com.na

570 ietermago’s gestroop sedert 2018

Kommentaar

Republikein 2025-12-18

Meld asseblief aan om kommentaar te lewer

570 ietermago’s gestroop sedert 2018

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.