Zim-vroue bly op wenpad
Die hoër gerekende buurland het met 2-0 die voortou in die reeks van vyf wedstryde.
Andrew Poolman - Die vrouekrieketspan van Zimbabwe het sy toer na Walvisbaai op 'n wennoot afgeskop en het gister die tweede T20-wedstryd in die reeks van vyf teen Namibië met agt paaltjies beklink.
Die Zimbabwiërs, 13de op die wêreldranglys, verdedig 'n onoorwonne rekord teen Namibië, wat daarop uit is om die gaping te vernou en hul stempel af te druk.
In gister se tweede wedstryd by die Sparta-veld op Walvisbaai het die Namibiërs eerste gekolf, hoewel dit maar gesukkel het op pad na hul totaal van 77/6 in hul toegelate 20 boulbeurte.
Die aanvangskolwer Adri van der Merwe het vasgeskop om tot die einde onoorwonne op 37 nie uit nie (58 balle), met twee viere, te bly.
Aan die ander kant kon geen van haar kolfmaats hulle egter behoorlik ingegrawe kry nie. Kolwer nommer agt Reehana Khan was die enigste wat dubbelsyfers kon bydra met 12 nie uit nie (27 balle).
Yasmeen Khan (2), Roché Venter (0), Kayleen Green (5), Suné Wittmann (0), Wilka Mwatile (7) en Arrasta Diergaardt (0) kon nie betekenisvol bydra nie.
Die Zimbabwiese boulers het sake oorheers, met Precious Marange (2/8 in 4 boulbeurte) en Anesu Mushangwe (2/10 in 4) die uitblinkers.
Die Namibiërs het kortstondig hoop gekry toe Kayleen Green twee vinnige, vroeë deurbrake met haar regterarm draaiballe gemaak het. Green (2/17 in 4 bb) het van beide die toerspan se aanvangskolwers ontslae geraak om hulle op 15/2 te laat staan.
Vir Zimbabwe het Chipo Tiripano en Mary-Anne Musonda egter met 'n onoorwonne 65-vennootskap die oorwinning beklink. Beide Tiripano (31* van 23 balle, vyf viere) en Musonda (24* van 27 balle, 3x4) het hul kolfvernuf gewys.
• In Saterdag se openingswedstryd het Namibië met beide die kolf- en boulwerk ietwat beter gevaar, maar het steeds met ses paaltjies verloor.
Namibië se totaal van 96/5 was opnuut gebou met Adri van der Merwe as die anker. Sy het 41 van 53 balle aangeteken (4x4), voordat sy kort voor die einde van die kolfbeurt deur die speler van die wedstryd, Josephine Nkomo, skoongeboul is.
Suné Wittmann (6) het een grenshou geslaan voordat haar paaltjies ook raakgeboul is. Spankaptein Yasmeen Khan het 20 lopies van 26 balle sonder 'n grenshou bygedra en is gevolg deur Roché Venter (15 van 29 balle, 2x4), voordat Kayleen Green (3 van 6 b) en Wilka Mwatile (1 nie uit nie, 2 b) die laaste twee kolwers was.
Josephine Nkomo se 3/12 in 4 boulbeurte was genoeg om vir haar die toekenning as speler van die wedstryd te beklink.
Hoewel Kayleen Green vroeg toegeslaan het om Zimbabwe op 10/1 te laat staan toe sy Ashley Ndiraya (0) skoongeboul het, het haar aanvangsmaat Modester Mupachikwa (20 van 31 balle) gou tesame met Chipo Tiripano (40 nie uit nie van 43 balle, 3x4) die skade herstel. Mary-Anne Musonda is vir 11 deur Namusha Shiomwenyo geboul.
• Die T20-reeks by die Sparta-veld word van vandag tot Donderdag voortgesit, met môre die enigste rusdag.
Die Zimbabwiërs, 13de op die wêreldranglys, verdedig 'n onoorwonne rekord teen Namibië, wat daarop uit is om die gaping te vernou en hul stempel af te druk.
In gister se tweede wedstryd by die Sparta-veld op Walvisbaai het die Namibiërs eerste gekolf, hoewel dit maar gesukkel het op pad na hul totaal van 77/6 in hul toegelate 20 boulbeurte.
Die aanvangskolwer Adri van der Merwe het vasgeskop om tot die einde onoorwonne op 37 nie uit nie (58 balle), met twee viere, te bly.
Aan die ander kant kon geen van haar kolfmaats hulle egter behoorlik ingegrawe kry nie. Kolwer nommer agt Reehana Khan was die enigste wat dubbelsyfers kon bydra met 12 nie uit nie (27 balle).
Yasmeen Khan (2), Roché Venter (0), Kayleen Green (5), Suné Wittmann (0), Wilka Mwatile (7) en Arrasta Diergaardt (0) kon nie betekenisvol bydra nie.
Die Zimbabwiese boulers het sake oorheers, met Precious Marange (2/8 in 4 boulbeurte) en Anesu Mushangwe (2/10 in 4) die uitblinkers.
Die Namibiërs het kortstondig hoop gekry toe Kayleen Green twee vinnige, vroeë deurbrake met haar regterarm draaiballe gemaak het. Green (2/17 in 4 bb) het van beide die toerspan se aanvangskolwers ontslae geraak om hulle op 15/2 te laat staan.
Vir Zimbabwe het Chipo Tiripano en Mary-Anne Musonda egter met 'n onoorwonne 65-vennootskap die oorwinning beklink. Beide Tiripano (31* van 23 balle, vyf viere) en Musonda (24* van 27 balle, 3x4) het hul kolfvernuf gewys.
• In Saterdag se openingswedstryd het Namibië met beide die kolf- en boulwerk ietwat beter gevaar, maar het steeds met ses paaltjies verloor.
Namibië se totaal van 96/5 was opnuut gebou met Adri van der Merwe as die anker. Sy het 41 van 53 balle aangeteken (4x4), voordat sy kort voor die einde van die kolfbeurt deur die speler van die wedstryd, Josephine Nkomo, skoongeboul is.
Suné Wittmann (6) het een grenshou geslaan voordat haar paaltjies ook raakgeboul is. Spankaptein Yasmeen Khan het 20 lopies van 26 balle sonder 'n grenshou bygedra en is gevolg deur Roché Venter (15 van 29 balle, 2x4), voordat Kayleen Green (3 van 6 b) en Wilka Mwatile (1 nie uit nie, 2 b) die laaste twee kolwers was.
Josephine Nkomo se 3/12 in 4 boulbeurte was genoeg om vir haar die toekenning as speler van die wedstryd te beklink.
Hoewel Kayleen Green vroeg toegeslaan het om Zimbabwe op 10/1 te laat staan toe sy Ashley Ndiraya (0) skoongeboul het, het haar aanvangsmaat Modester Mupachikwa (20 van 31 balle) gou tesame met Chipo Tiripano (40 nie uit nie van 43 balle, 3x4) die skade herstel. Mary-Anne Musonda is vir 11 deur Namusha Shiomwenyo geboul.
• Die T20-reeks by die Sparta-veld word van vandag tot Donderdag voortgesit, met môre die enigste rusdag.
Kommentaar
Republikein
Geen kommentaar is op hierdie artikel gelaat nie