Zim-president besoek Namibië

Vra beter samewerking, meer handel

26 July 2019 | Regering
Augetto Graig



Die president van Zimbabwe mnr. Emmerson Mnangagwa, is in Namibië en vlieg vandag na Walvisbaai om sy land se droë hawe daar amptelik te open.

Hy het gister by Staatshuis­ in Windhoek besoek afgelê waar president Hage Geingob hom hartlik verwelkom het. Beide staatsleiers het hulself opnuut tot verbeterde samewerking tussen die twee lande verbind.

Geingob het klem op die historiese verbintenis tussen Swapo en die Zanu-PF gedurende die onafhanklikheidstrewe geplaas. “Ons sterk bande van vriendskap is geanker in die gesamentlike geskiedenis, wedersydse respek en Afrika-solidariteit,” het Geingob gesê.

Volgens hom strek die samewerkingsverhouding sedert Namibië se onafhanklikwording. Dit is in 1922 geformaliseer toe die gesamentlike kommissie vir samewerking ingestel is. Met dié stigting is verskeie ooreenkomste ook onderteken. Vordering met die toepassing hiervan het egter gesloer.

Gister is ses nuwe ooreenkomste tussen die twee lande onderteken, en 'n tweelingooreenkoms tussen die Kavango-Oosstreek en Zimbabwe se Mashonaland-Wesstreek is aangegaan. Die nuwe ooreenkomste is deel van die poging om meer bates vir beide lande te lewer. Toplui van beide regerings het vroeër die week reeds begin onderhandel. Gisteroggend is die geleentheid by Staatshuis benut om meer besonderhede te finaliseer.

Zimbabwiese hoëlui het onder andere ingesluit­ dié van die ministerie van vroue-aangeleenthede en kleinsake, vervoer en ontwikkeling, buitelandse sake, nywerheid en handel, die Zimbabwiese inkomsteowerheid en die president se kantoor.

Namibië is onder meer verteenwoordig deur ministers en adjunkministers van inligting en kommunikasietegnologie, visserye en mariene hulpbronne, finansies, hoër onderwys, ekonomiese beplanning en nywerheid.

Namibië baat reeds uit ondersteuning van Zimbabwe, spesifiek in terme van menslike hulpbronne, het Geingob gesê. Hy het sy eweknie ook bedank vir samewerking in die skep van die Kavango-Zambezi-oorgrensbewaringspark.

Samewerking tussen die lande het ook die koerant Southern Times die lig laat sien. Geingob het gesê hy sien uit na die uitbreiding van die publikasie in Suider-­Afrika.

Op die gesondheidsfront werk die twee lande saam om vigs, tuberkulose en malaria te beveg.

Ander belangrike kwessies wat saam getakel moet word, sluit in armoede, onderontwikkeling en kragtoevoer. Volgens Geingob sal die Suider-Afrikaanse Ontwikkelingsgemeenskap (SADC) 'n kragkrisis in die gesig staar as daar nie vinnig ingegryp word nie. NamPower onderhandel wel reeds met sy Zimbabwiese eweknie.

Die belangrikste kwessie is om meer handel tussen die twee lande aan te moedig. Mnangagwa het met Geingob saamgestem dat daar groot potensiaal vir meer samewerking tussen die lande is. Albei presidente het daarop aangedring dat die jongste ooreenkomste spoedig en deeglik toegepas word.



KWESSIES

Die nuwe ooreenkomste sluit in die opstel van 'n handels- en ekonomiese komitee, 'n ooreenkoms om kleinondernemings te bevorder, samewerking met betrekking tot die media en uitsaaidienste, asook wetenskap- en tegnologiese ontwikkeling. Verder het Namibië met Zimbabwe ooreengekom dat die finansministerie en Zimbabwe se inkomsteowerheid sal saamwerk om doeane- en aksynsprosedure te vergemaklik en die bilaterale handelsooreenkoms toe te pas.

“Handelsvolumes en ekonomiese samewerking moet vergroot,” het Mnangagwa gesê.

Volgens hom bied Zimbabwe geleenthede in landbou, mynbou, gesondheid en infrastruktuurontwikkeling aan Namibiese beleggers. “Ons moet die 'Belt and Road'- inisiatief (van China) benut om die spoornetwerk te ontwikkel.” Hy het ook die vestiging van die Afrika-vryehandelsgebied geprys.

“Ons is besig met 'n wetlike hervormings­agenda in Zimbabwe om wetgewing met ons nuwe grondwet te laat strook en 'n beter beleggingsklimaat te skep. Ons wil teen 2030 'n middelinkomsteland wees,” het hy gesê.

Namibië se adjunk- eerste minister en minister van internasionale betrekkinge en samewerking, me. Netumbo Nandi-­Ndaitwah, het oor die beplande samewerking uitgewei.

Sy het onder meer die invoer van Zimbabwe se groente en vrugte vir Namibiese vroue om te verkoop as voorbeeld gebruik, asook die uitvoer van beesvleis en boerbokke na Zimbabwe.

Om dit te kan doen, moet die Wêreld- Handelsorganisasie (WTO) voor einde Oktober hiervan ingelig word. Ondersoek sal gedoen word na dubbele belasting van ondernemings wat in albei lande sake doen, en struikelblokke in handel en beleggings sal uitgewys word.

Soortgelyk

 

Geingob: Kabinet sien mense se woede oor kurrupsie

20 ure gelede | Regering

Pres. Hage Geingob het vanoggend vanjaar se die laaste kabinetsvergadering gelei.Hy sê die land se topleierskap is bewus van die huidige korrupsiestorm in die visbedryf,...

Von Bach, Daan Viljoen kry water

20 ure gelede | Omgewing

Die Von Bachdam is nou 2,5% voller as Maandag. Teen 09:00 vanoggend het 3,4 m³ water die dam elke sekonde binnegevloei. NamWater het pas ’n...

NHE to build houses in informal settlement

1 dag gelede | Infrastruktuur

The National Housing Enterprise (NHE) has embarked on a pilot study for the construction of houses for qualified land owners living in informal settlements.Speaking at...

Crafting a future

1 dag gelede | Mense

Elizabeth JosephFrancois Wahl studied B.Acc at Stellenbosch University and is a qualified chartered accountant. Since taking the seat as the CEO of Nictus Furnishers, he...

Oordragplanne van Hatuikulipi’s gefnuik

1 dag gelede | Misdaad

Ronelle Rademeyer - Die Teenkorrupsiekommissie (ACC) het gistermiddag by die aktekantoor in Windhoek beslag gelê op dokumente vir die oordrag van 15 deeltiteleenhede op Swakopmund...

Waarskuwing: Swaar storms tot Saterdag

1 dag gelede | Weer

Elvira Hattingh - Terwyl ’n vrou van Otjiwarongo Woensdag gesterf het toe reënwater haar meegesleur het, waarsku die Namibiese weerkantoor nog swaar storms kan tot...

Highly mechanised

1 dag gelede | Mense

Justicia Shipena Vivacious Marco Swart is a mechanical technician in the packaging engineering department at Namibia Breweries Limited (NBL) - a subsidiary of the Ohlthaver...

Compassion is the new fashion

1 dag gelede | Mense

Evany van WykMarizelle Pienaar lives by the motto, “the more you have to do, the more you get done.” She believes in being a balanced...

Never say never

1 dag gelede | Mense

Mariselle StofbergHester Uushona is a firm believer that being average in life is not an option. She strives towards making her mark while providing others...