Zim beklink T20-reeks

09 January 2019 | Sport
Andrew Poolman - Zimbabwe se vrouekrieketspan, met 'n voorsprong van 3-0 ná die eerste drie wedstryde voor gister se rusdag, is daarop uit om vandag en môre skoonskip te maak in die reeks teen Namibië wat op Walvisbaai beslis word.

Die toerspan het Maandag by die Sparta-veld eerste gekolf en 136 vir agt in sy 20 boulbeurte versamel. Dit het die eerste vyftigtal van die reeks ingesluit, naamlik Mary-Anne Musonda se 60 lopies van 49 balle, waarin sy nege grenshoue geslaan het.

Musonda het op 42/2 ingestap ná die vertrek van die aanvangspaar. Namibië se regterarm mediumbouler Arrasta Diergaardt het die eerste deurbraak gemaak deur Ashley Ndiraya (5) been-voor-paaltjie te betrap, voordat Modester Mupachikwa ná 'n vloeiende 22 van 21 balle (3x4) uitgehardloop is.

Kolwer nommer 3 Chipo Tiripano (23 van 23 balle) het vir Musonda geselskap gehou en het ook die eerste ses van die reeks geslaan.

Aan die boulerskant het Kayleen Green (1/27 in 4 boulbeurte) vir Sharne Mayers (1) laat uitvang en ook vir Anesu Mushangwe (2) uitgehardloop.

Drie boulers (Namusha Shiomwenyo, Suné Wittmann en Didi Foerster) het tussen hulle ses boulbeurte afgestuur wat elk vir gemiddeld nege lopies of meer gestraf is.

Die mees ekonomiese boulers was Arrasta Diergaardt (3-0-12-1), Wilka Mwatile (1-0-3-0) en Sylvia Shihepo (3-0-17-1).

In hul kolfbeurt is die Namibiërs uit die staanspoor in die moeilikheid gedompel. Kaptein Yasmeen Khan is eerste uit vir 'n nulletjie en hul staatmaker sover in die reeks, Adri van der Merwe, is uitgehardloop vir 9 lopies van 12 balle.

Roché Venter het twee grenshoue geslaan voordat haar paaltjies raakgeboul is (15 van 16 balle), terwyl Kayleen Green (3 van 12 balle) gesukkel het om aan die gang te kom totdat sy ook uitgehardloop is.

Arrasta Diergaardt se 21 van 27 balle (3x4) was die hoogste van die kolfbeurt en Suné Wittmann het 10 van 21 balle aangeteken, maar die Namibiese kolfbeurt het op 79/9 ten einde geloop, vir 'n nederlaag met 57 lopies.

Spel op die laaste twee wedstryddae begin om 10:00.

Zimbabwe (13de in die wêreld) verdedig 'n onoorwonne rekord teen Namibië (26ste).

Soortgelyk

 

Geingob vergader met Nanso oor studiegeld

56 minute gelede | Onderwys

Me. Ester Simon, president van die Namibiese Nasionale Studenteorganisasie (Nanso), het pas bevestig die organisasie vergader vandag by Staatshuis met pres. Hage Geingob...

Mexikaanse sakeman wil Erindi koop

2 ure gelede | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

3 ure gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

4 ure gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

5 ure gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

6 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

15 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

15 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

15 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...