Ystervuis teen stropers

Twee doodgeskiet, een gewond

30 December 2016 | Misdaad
Francoise Steynberg - Twee stropers is Woensdag in die Bwabwata Nasionale Park doodgeskiet en een gewond.

Dié bevestiging kom van die minister van die omgewing en toerisme, mnr. Pohamba Shifeta, wat tans nasionale parke saam met teenstropery-eenhede patrolleer. Die ministerie se nuwe Airbus-helikopter H125 word ook ingespan.

"Woensdag tussen 11:00 en 12:00 is twee stropers doodgeskiet. Twee is in hegtenis geneem, van wie een ernstig gewond is," het Shifeta gister gesê.

"Die stropers het op ons magte begin skiet en dié het gereageer en teruggevuur. Toe 'n vlugtende stroper genader is en homself teen inhegtenisneming verset het, het 'n skietery weer ontstaan en hy is ernstig gewond."

Shifeta sê beslag is op gevaarlike wapens soos AK47's asook ammunisie gelê.

"Hierdie mense is gereed vir 'n geveg om te kry wat hulle wil hê. Ons eenhede is meer as gereed om hulle sonder enige genade te hanteer."

Die minister sê die teenstropery-eenhede is goed opgelei en beskik oor spesiale vaardighede. Volgens hom is 'n spesiale eenheid van die Namibiese weermag in Bwabwata ontplooi en dieselfde sal in die Etosha Nasionale Park gedoen word.

Shifeta sê hy was nog geensins met vakansie nie en hy besoek die teenstropery-eenhede in Namibiese nasionale parke om opdragte uit te reik.

Verlede week is nóg 'n stroper in die Bwabwata Nasionale Park deur een van die eenhede doodgeskiet nadat hy op hulle geskiet het.

Shifeta sê vanaf 15 Desember bestaan nuwe maatreëls kragtens die strafproseswet vir selfverdediging sodat wetstoepassers hulself teen stropers kan verdedig.

"Stropers en hul hanteerders gaan sonder enige genade hanteer word. 'n Stroper wat probeer om op wetstoepassers te skiet wat ons wildbronne beskerm, sal dit berou."

Die minister sê hy het drie weke gelede stropers, hul hanteerders en onwettige handelaars in wildprodukte gewaarsku dat sy modus operandi volgens die nuwe maatreëls nie langer dieselfde gaan wees nie.

"Om stropers dood te maak, is nie wat die owerheid wens nie, maar as ons wetstoepassers se lewens bedreig word, is die instruksie duidelik," het Shifeta gewaarsku. "Ons moet stropery in Namibië met wortel en tak uitroei!"

Die Bwabwata Nasionale Park is die slagveld van olifante wat om hul ivoor uitgeroei word.

Verlede week het stropers op 'n plaas buite Gobabis toegeslaan waar twee witrenosters gestroop en twee gekwes is.

Volgens die eienaar, mnr. Walter Kinnear van Walmaine Boerdery, is sy groot teelbul en 'n volwasse, dragtige koei (albei sowat tien jaar oud) geskiet en 'n jong bul en vers wat moontlik ook dragtig was, is swaar gewond.

"Die koei wat besig was om te kalf, is vyf keer geskiet. Omdat die renosters baie mak is, is hulle op kort afstand geskiet en die wonde is naby mekaar."

Die agtjarige vers wat gekwes is, is swaar gewond en volgens Kinnear is haar kanse om te oorleef 50:50. Die jong bul wat gekwes is, het slegs baie vleiswonde opgedoen. Albei gekweste renosters lewe nog, het sy vrou bevestig.

Niemand is tot dusver oor die voorval in hegtenis geneem nie.

Soortgelyk

 

Iran: Kernkragontploffing veroorsaak beduidende skade

2 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

2 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

4 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

5 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

5 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

16 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

16 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

16 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

16 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...