Wêreldreisgers op fietstoer deur Afrika

Sketse van elke reis

19 September 2019 | Toerisme
Francoise Steynberg - Twee internasionale wêreldreisigers se Afrikafietstoer skop in Namibië af.

Die Indonesiër me. Anisa Subekti (31) en haar 40-jarige man, mnr. Luís Simões, van Portugal, gaan van Namibië af deur Afrika na Europa op hul World Sketching Tour fietsry.

Luís, ’n gesoute wêreldreisende kunstenaar wat van elke land wat hy besoek ’n sketsboek maak, wil graag ander kunstenaars ontmoet. Hy dokumenteer sy wêreldreise met waterverfsketse en gee kunsklasse aanlyn.

Die paartjie het op 9 September in Namibië aangekom, die hoofstad verken en het gister na Sossusvlei vertrek. Republikein het verlede week met hulle by die Indonesiese ambassade in Windhoek gesels.

Van Namibië af gaan hulle die speke laat sing na die Demokratiese Republiek die Kongo, Kongo, Gaboen, Kameroen, Nigerië, Benin, Togo, Ghana, Ivoorkus, Liberië, Guinee, Guinee-Bissau, Senegal, Mauritanië en Marokko. Dan vertrek hulle na Spanje en Portugal.

Voor Luís vir Anisa op die Indonesiese eiland Bali ontmoet het, waar sy vir vier jaar in ’n luukse hotel se gimnasium as joga-instrukteur gewerk het, was sy doelwit om vyf vastelande in vyf jaar te besoek.

Hy het toe al Europa en Asië met ’n fiets platgetrap.

Die twee het ’n mooi, romantiese liefdesverhaal van hoe hulle ’n week voor hy uit Bali na Australië moes vertrek, ontmoet het.

Hulle vir jare kontak behou, kon mekaar nie vergeet nie en uiteindelik het Luís weer vir Anisa in Bali gaan kuier.

Hy het haar in 2016 Portugal toe gevat om aan sy familie voor te stel, en die koeël was deur die kerk.

Voor hul reis na Afrika het hulle twee Suid-Amerika saam per fiets deurkruis. Hulle beplan om sowat ’n jaar en ’n half lank tot aan die noordelike punt van Afrika te reis.

TRAP-TRAP

Hulle reis met net hul fietse en dié se broodnodige onderdele, asook kampeertoerusting soos ’n tent, matrasse, stofie en ’n waterfilter.

“As die pad plat is, ry ons sowat 70 km per dag en as dit in berggebiede is, sowat 50 km per dag.”

Wat kos betref, eet hulle pasta, tuna, risotto, koeskoes, eiers, droëvrugte en neute om energie vir die langpad op te bou. Hulle was nuuskierig om biltong te proe.

Die twee meen hul uitdagings in Afrika is die hitte, veral die humiditeit, en muskiete.

“Oorlewing laat jou maniere vind om innoverend te wees,” sê Luís. Een van hul reiswenke is om ’n bottel water in ’n nat sokkie te sit om dit koel te hou.

Oor veiligheid sê Luís hy het met sy wêreldreise geleer om nie elke Jan Rap en sy maat te vertrou nie.

“Ons probeer in mense se harte klim en só hul vertroue te wen, maar moenie papajas gee nie,” sê hy, menende moenie roekeloos wees en jou kosbare besittings soos jou beursie en selfoon ten toon stel nie.

Baklei hulle ooit? “Ons is albei baie hardkoppig. Luís ontplof vinnig en ek hou terug en ontplof later,” sê Anisa.

“Ons moet ons probleme oplos en het mekaar nodig wanneer die reënboog weer kom,” sê Luís.

Namibiërs kan hul vriendelikheid en gasvryheid betoon as hulle dié oulike paartjie langs die pad met hul fietse raakloop.

Besoek gerus Luís se Facebook-blad, World Sketching Tour, of sy Instagram-blad.

[email protected]

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...