Wêreldatletiek vereer bestes

03 December 2021 | Sport
Tielman van Lill

Wêreldatletiek (WA) het Woensdagaand virtueel sy senior mans- en vroue-atleet asook opkomende o.20-mans- en vrouester vir 2021 aangewys.

Slegs die WA-president, Sebastian Coe, Elaine Thompson-Herah, Karsten Warholm en twee vroulike-aanbieders was in die ateljee teenwoordig.

Thompson-Herah (100-, 200 meter, 4x100 m-aflos) van Jamaika en Warholm (400 m-hekkies) van Noorweë is onderskeidelik WA se uitgelese senior vroue- en mansatleet vir die afgelope jaar.

Thompson-Herah het vier topatlete uitgestof. Sifan Hassan (1 500 m, 10 000 m) van Nederland, Faith Kipyegon (1500 m) van Kenia, Sydney McLaughlin (400 m-h, 4x400 m-aflos) van die VSA, Yulimar Rojas (driesprong) van Venezuela moes die knie buig.

Thompson-Herah is die Olimpiese 100-, 200- en 4x400-afloskampioen en sy het die 100-Diamantligafinaal gewen.

Warholm het Joshua Cheptegei (5 000, 10 000) van Uganda, Ryan Crouser (gewigstoot) van die VSA, Mondo Duplantis (paalspring) van Swede en Eliud Kipchoge (marathon) van Kenia vir sy eerbetoon geklop.

Die Noorweër is die Olimpiese- asook Diamantligafinaal se 400 m-hekkieskampioen. Hy het vanjaar twee keer die wêreldrekord gebreek. Die laaste keer was sy eie wêreld- en die Olimpiese rekord in Tokio.

Athing Mu (800 m, 4x400 m-aflos) van die VSA is WA se opkomende o.20-vrouester. Haar prestasies het die van Keely Hodgkinson (800 m) van Brittanje, Silja Kosonen (hamergooi) van Finland, Christine Mboma (200 m) van Namibië en Zerfe Wondemagegn (3 000 m-hindernis) van Ethiopië oorskadu.

Mu het goud by die Spele in die 800 m en 4x400 -m-aflos opgeraap en die 0.20-binnenshuise 800-wêreldrekord verbeter.

Erriyon Knighton (200 m) van die VSA is die opkomende o.20-mansatleet. Sean Burrell (400 m-h) van die VSA, Emmanuel Wanyonyi (800 m) van Kenia, Tadese Worku (3 000 m, 5 000 m, 10 000 m) van Ethiopië en Sasha Zhoya (110 m-h) van Frankryk kon hom nie uitskakel nie.

Hy het in 2021 die o.20-wêreldrekord verbeter.

MBOMA KRY ERKENNING

Haar o.20-wêrelrekord van 21,81 sekondes in die 200 m-finaal wat sy op 3 Augustus in Tokio by die Olimpiese Spele vir ’n silwermedalje behaal het, is amptelik deur die WA herken. Weens die afwesigheid van toetse vir verbode middels sal die 21,97 wat sy in die Olimpiese semifinaal aangeteken het, nie in aanmerking kom nie.

Sy het egter op 9 September 21,78 by die Diamantligabyeenkoms in Zürich aangeteken.

WA het Woensdag aangekondig dat die 2024 Wêreldbinnenshuise Kampioenskap in Glasgow, Skotland, aangebied gaan word. Lima, Peru, is vir die o.20-Wêreldkampioenskap in 2024 bestem. - [email protected]

Soortgelyk

 

La Niña skop dalk nóú in

9 ure gelede | Weer

Elvira Hattingh – Terwyl die weerkantoor ‘n weerwaak vir vandag vir wydverspreide donderbuie oor die westelike helfte van die binneland uitgereik het, meen ‘n weerkenner...

Selfdegeslaghuwelike ly neerlaag … vir nou

9 ure gelede | Howe

Jana-Mari Smith – Drie hoërhofregters het hulle gister sterk ten gunste van die wetlike erkenning van selfdegeslaghuwelike in Namibië uitgespreek, maar het nietemin die aansoeke...

Elisenheimrivier sleep motors weg

9 ure gelede | Weer

Augetto Graig – Die Elisenheimrivier het Woensdagaand motorvoertuie saamgesleep toe dit verby die Farmers Kitchen restaurant by Gastefarm Elisenheim oorstroom het. Me. Rentia van der...

Hardap loop gou vol

9 ure gelede | Weer

Elvira Hattingh – Die Hardapdam sou na verwagting laat gisteraand 70% van sy kapasiteit bereik, wat beteken dié suidedam se sluise sou oopgetrek moes word....

kykNET se ‘Wat Dit Vat’: Hier’s die kunstenaars

9 ure gelede | Byvoegsels

Dit was pret, dit was plesier en dit was ’n malligheid op note. Toe die briljante musikant en musiekvervaardiger Loki Rothman gesê het hy gaan...

Fees van klassieke musiek ten bate van kanker

9 ure gelede | Byvoegsels

Een van die mees begaafde pianiste in Namibië, Johann van der Merwe, bied môre (22 Januarie) 'n uitvoering aan om geld in te samel om...

Working with high standards of technology

9 ure gelede | Mense

Wetumwene Shikage Not expecting to find a smooth and easy way of work, Romario Arnat describes his working experience as an eye-opener as to how...

Taking steady growing curves

9 ure gelede | Mense

Wetumwene Shikage Timothy Olivier’s passion and dedication has been a key driver in his success not only within Old Mutual, but throughout his...

Die weer Vrydag 21 Januarie 2022

9 ure gelede | Weer

BINNELAND: Gedeeltelik bewolk en baie warm in die noordooste met ’n paar buie in die Kavango, Otjozondjupa se ooste en die Omahekestreek; andersins gedeeltelik bewolk...