Wrang smaak ná rede van hoop

Staatsrede teen einde ontwrig

16 April 2021 | Regering
Augetto Graig President Hage Geingob se 2021-staatsrede was gister ’n boodskap van hoop, ’n beroep op veerkragtigheid en die voortsetting vir ’n plan van aksie gegrond op innoverende ekonomiese ontwikkeling wat op werkskepping gerig is.
Ten spyte van pogings van parlementslede van die regerende en opposisiepartye om dit te verhoed, het sake nogtans teen die einde in ’n stryery en strooiery van geskeurde papiere in die parlement ontaard. Die Speaker, mnr. Peter Katjavivi, moes die LPM-leiers mnre. Bernadus Swartbooi en Henny Seibeb versoek om die Nasionale Vergadering te verlaat, nadat hulle die vraag-en-antwoordsessie ontwrig het.
Geingob het die hoop dat Namibië sy stryd teen Covid-19 kan wen, prominent in sy toespraak beklemtoon.
“Deur ons gesamentlike aksie kon ons dit regkry om ’n gesondheidskrisis in hierdie land af te weer,” sê hy.
Volgens die president het die regering deursigtig gebly en regulasies in die beste belang van alle Namibiërs toegepas.
Die meerderheid van die nasie het hul gedrag aangepas en die regulasies gerespekteer, sê hy.
Spesifiek oor inenting sê Geingob dat Namibië as deel van die Covaxvennootskap 20 000 dosisse Astra- Zeneca sal ontvang.
Sedert die aanvang van die eerste fase van nasionale inenting is 3 282 mense ingeënt. Hy sê 46 051 Namibiërs is sedert die bevestiging van die virus in Namibië positief getoets, van wie meer as 44 000 herstel het en 1 286 steeds met die siekte worstel.
“Die ontwikkelde wêreld ent hulle eie burgers in en Afrika is vir hulle ’n nagedagte,” het hy gesê.
Volgens Geingob is dit Indië en China wat onderskeidelik 30 000 en 100 000 dosisse aan Namibië geskenk het, waarna die land met nasionale inenting afgeskop het. “Hulle het tot ons redding gekom en verpersoonlik vriendskap met Afrika.”
Geingob het beklemtoon inenting is vrywillig, sonder dwang en sonder geweld.
“Nogtans vra ek dat almal asseblief deelneem, vir jul eie beswil.”
Die staatshoof is bekommerd oor die hoë infeksiekoers tussen skoolleerders, onderwysers en gesondheidswerkers. “Die syfers is angswekkend.”
Nogtans sê hy is Namibië derde op die vasteland, ná Suid-Afrika en Marokko, in terme van die getalle mense getoets in vergelyking met die bevolking.
WELVAARTSPLAN TWEE
Die impak van Covid-19 op die Namibiese ekonomie dreig om vordering van maatskaplike ontwikkeling te ondermyn, sê hy. Deur sy Harambee Welvaartsplan Twee (HPP2) wil Geingob ekonomiese herstel op ’n grondslag van nuwe tegnologie en omgewingsbeskermende ontwikkeling bevorder.
Spesifiek sal N$27 miljard oor die vier jaar van dié plan toepassing op die verbetering van landbouopbrengs bestee word.
Lüderitz is deur Geingob uitgesonder as strategies geleë vir Namibië se aanvaarding van ’n blou en groen ekonomie.
Geingob noem ses aanbiedinge om groen waterstof as ’n nywerheid daar te vestig – insluitend uit Australië, België en Nederland – met beleggingswaardes van tussen N$32 miljard en N$150 miljard.
Hierdie bedryf kan tot 42 000 werksgeleenthede skep, sê hy.
Nog ’n nuwe voorstel is om ’n seewierbos van 70 000 hektaar onder die seewaters langs Lüderitz vir uitvoer te kweek, wat 400 werksgeleenthede kan skep.
Geingob wil ook ’n taakspan saamstel om wetgewing te verander sodat besighede teen bankrotskap en werksverliese beskerm kan word. Hy wil ’n nasionale kleinbesigheidsfonds onder die Ontwikkelingsbank van Namibië vestig, asook ’n eenheid om prestasielewering binne die staatsdiens te bevorder. Hy maak staat op die nuwe inkomste-agentskap om meer belastingbetalers te registreer en sal ’n vierde nywerheidsrevolusie-taakspan opdrag gee om die land se werksmag en infrastruktuur te bepaal.
[email protected]

Soortgelyk

 

Pastoor verkrag glo tienerseuns

10 ure gelede | Howe

Augetto Graig – 'n Pastoor wat tereg staan op vier klagte van verkragting van vier minderjarige seuns, is op borgtog vrygelaat.Die seuns is almal onder...

Eerste nag in selle vir Boulter

10 ure gelede | Howe

Ester Kamati op Outjo – Die invloedryke Britse miljardêr mnr. Harvey Eric Boulter (51) se aansoek om borgtog is gister in die landdroshof op Outjo...

Weer vir 12 Mei 2021

10 ure gelede | Weer

BINNELAND: Dit sal aanvanklik koud wees in die binneland, maar andersins sal dit sonnig en warm tot baie warm wees. In die Noorde sal dit...

Vermeende beesdiewe loop hul rieme styf

10 ure gelede | Misdaad

Ronelle Rademeyer – Drie mans is op Otjinene in aanhouding nadat hulle na bewering Sondag naby Summerdown die slot van 'n plaashek geknip en helder...

'Glyjakkalse' loop hul rieme styf

10 ure gelede | Howe

Twee jong mense wat glo by ver­skeie oornagplekke in die noorde van die land bedrog gepleeg het, is Vrydag in hegtenis geneem. Mnr. Francois Strydom...

Mobiele Covid-toetseenheid by padblokkade

10 ure gelede | Gesondheid

Die eerste mobiele Covid-19-toetsgeriewe vir toeriste is by die Okahandja-padblokkade op die B1-hoofpad geopen. Die mobiele eenheid is 'n inisiatief deur die Toer- en Safarivereniging...

Otji-5-verhoor: Weduwee wil vergoeding eis

10 ure gelede | Howe

Marc Springer – Die weduwee van 'n Zimbabwiese burger wat twee jaar gelede op Otjiwarongo vermoor is, het die eerste wetlike hekkie oorkom in haar...

Tweejarige peuters verdrink in puttoilet

10 ure gelede | Misdaad

Volgens die Namibiese polisie se misdaadverslag het twee kinders, beide twee jaar oud, Saterdag in 'n puttoilet verdrink. Die ongeluk het omstreeks 14:00 in die...

Transgender aanrandingsaak teen polisielid begin

10 ure gelede | Howe

Jana-Mari Smith – Die verhoor waarin 'n transgender Namibiër 'n klag van aanranding teen 'n polisiebeampte aanhangig gemaak het, het Maandag in die hoërhof in...