Windhoekers kniediep in die skuld

Skole se dienste herstel

06 August 2019 | Regering
Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen in agterstallige rekeninge.

Akwenye het gister by navraag aan Republikein gesê: “Ja, dit is waar.”

Dié skuldenaars is individue, besighede en regeringsinstellings.

Die jongste skuldskok kom dae nadat minstens 10 Windhoekse skole se water- en kragtoevoer weens N$55 miljoen se agterstallige rekeninge opgeskort is.

Me. Sanet Steenkamp, uitvoerende direkteur van onderwys, kuns en kultuur, het gisteroggend op Good Morning Namibia, die NBC se ontbytprogram, gesê reëlings is getref om teen later vandeesweek N$30 miljoen van die agterstallige skuld te vereffen.

Die opskorting van water- en kragtoevoer na die 10 skole in die hoofstad het verlede week geskied te midde van leerlinge wat besig is met eksamen.

Steenkamp sê die onderwysministerie het aanvanklik gereken CoW se berekeninge was verkeerd. Die N$55 miljoen is egter reg bereken, het sy bevestig.

Volgens haar het streekonderwysdirekteurs ’n reusetaak – hulle moet dikwels kies wat om te prioritiseer tussen munisipale rekeninge, spysenieringsuitgawes van koshuise, en handboeke en ander uitgawes.

Geld van die sentrale regering word boonop soms laat ontvang en is soms minder as wat verwag word, sê sy.

Dit plaas aanvullende druk op hulpbronne.

Steenkamp het ’n beroep op leerlinge, onderwysers en koshuis- en ander ondersteuningspersoneel gedoen om meer te doen om water en krag te bespaar.

Een van die moontlike oplossings om eienaarskap van die besteding en beheer te probeer bevorder, is om voorafbetaalde meters in te stel, sê sy.

Verlede week se geraakte skole was Laerskool Aus, die Gekombineerde Skool Tobias Hainyeko, Hoërskool Concordia, Hoërskool A. Shipena, Hoërskool Academia, Windhoek Hoërskool, Hoër Tegniese Skool, Dagbreek en Laerskool Namibia.

Dit is veral betreurenswaardig dat selfs ’n skool wat kinders met spesiale leerbehoeftes het weens die omstandighede moes ly, het Steenkamp gister gesê.

’n CoW-bestuurslid het laat verlede week op voorwaarde van anonimiteit gesê dit is jammer die stadsraad moet sulke drastiese stappe doen, maar dit is dalk die enigste manier om skuldenaars te dwing om hul rekeninge betyds te vereffen.

[email protected]

Soortgelyk

 

Te min isolasie, suurstof vir Walvis se episentrum

5 ure gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

5 ure gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

5 ure gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

5 ure gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

5 ure gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

5 ure gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...

Melgesedek vlieg hoog

5 ure gelede | Mense

Jeanette Diergaardt – Met 'n kraakvars wit T-hemp, styfpassende donkerblou jeans wat net-net by die enkels kom en gepunte, blinkgepoetste swart skoene stap Melge­sedek Hamukoto...

Blik op Erongo se kwarantyn-fasiliteite

5 ure gelede | Gesondheid

Jemima Beukes – ’n Krisis is besig om in die Erongostreek te ontwikkel waar verskeie Covid-19 pasiënte self-isolasie moet toepas in agterplaas-vertrekke, terwyl staatsfasiliteite oorvol...

Lüderitz ’n skatkis van juweeltjies

5 ure gelede | Toerisme

Tanja Bause – Die Covid-19 pandemie en die wêreldwye hoktye en reisbeperkings het veral die toerismebedryf gedwing om buite die boks te dink. Besluitnemers moes...