Windhoek Gimnasium leerlinge spog op die verhoog

Enigste Namibiërs wat top-80 haal

30 April 2019 | Kuns en vermaak
Yolanda Nel en Mariselle Stofberg

Die kompetisie word deur Hoërskool Belville in Suid-Afrika aangebied en deur kykNET geborg. Hoërskoolleerlinge kry die geleentheid om hul talente ten toon te stel in hierdie opwindende toneelkompetisie.

Volgens Simone Martins-Hart, die kultuurdepartemensthoof van Windhoek Gimnasium, kon die leerlinge hul stukke in Afrikaans of Engels aanbied. “Skole van regoor Suid-Afrika het ingeskryf, met Windhoek Gimnasium wat die enigste Namibiese skool is wat deelgeneem het.”

Die eerste rondte is deur die Engels- en Afrikaanseonderwysers opgeneem en aan die organiseerders gestuur. Vanjaar is die eerste keer dat opgeneemde inskrywings aanvaar word omdat dit nie ekonomies volhoubaar vir die beoordelaars is om so ver te reis om elke deelnemer te beoordeel nie.

Titus is gekies vir die Engelse program en Kooitjie vir sy Afrikaanse inskrywing. “Hulle moes ’n gedig of prosa van hul keuse opvoer,” het Martins-Hart gesê. Beide stukke moes maksimum ses minute lank wees.

Vir Titus is toneelspel nog altyd ? passie en voel hy nog oorweldig deur die prestasies. “Dit voel nog so onwerklik om aan hierdie geleentheid te kan deelneem. Toneelspel is nog altyd ? droom van my en hierdie kompetisie help my om my drome na te leef.”

Kooitjie skryf sy sukses aan sy ondersteuningsnetwerk en deursettingsvermoë toe. “As jy in jouself glo en jy mense om jou het wat jou ondersteun en in jou glo, kan jy enige iets bereik. Hierdie geleentheid is ongelooflik en ek kan nie eintlik glo ek is deur nie. Die dag van die opname was ek so bang dat ek nie die woorde gaan onthou nie, maar met die hulp van ? wonderlike afrigter het ek dit gemaak tot waar ek vandag is,” sê Kooitjie.

Die twee leerlinge is deur Me. Magdaleen van Zyl, ? onderwyser van Windhoek Gimnasium, afgerig. “Ek is baie trots op hulle. Omdat dit die eerste keer is dat ’n Namibiese skool deelneem, is ’n mens nie heeltemal in voeling met hoe die standaard is en presies wat van jou verwag word nie. Beide hierdie seuns is natuurlik baie talentvol en ek dink dit is wat die deurslag gegee het.”

Die volgende rondte vind plaas van 2 tot 4 Mei by die Artscape Teater in Kaapstad waar die leerlinge ’n vyf minute-uittreksel van ’n drama tesame met ’n gedig of prosa van maksimum ses minute moet aanbied. Tydens die derde rondte sal 16 leerlinge gekies word om ’n onvoorbereide radio- en televisieopvoering te doen. “Die leerlinge sal eers die dag voor die tyd uitvind of hulle deurgaan na die volgende rondte, dus moet die voorbereidings vooraf gedoen word. Ons is reeds besig met albei van hulle se voorbereidings vir die volgende rondtes,” sê Van Zyl.

Die finale rondte sal bestaan uit agt leerlinge wat elkeen ’n diverse program moet aanbied wat ook kontrasterend in die aanbieding is. Die program gaan volgens ’n bepaalde tema beplan word wat onder meer digkuns, prosa, toneel, sang, mimiek en deurlopende kommentaar sal insluit. Elke program mag ’n maksimum van 12 minute lank wees.

Van Zyl is van mening dat hierdie geleentheid verskei voordele vir beide seuns sal inhou. “Ek dink dis goed dat kinders so vroeg as moontlik bloot gestel word. Dit help om die leerlinge touwys te maak met so veel as moontlik aspekte van die bedryf. Die film- en teaterbedryf is soms ’n harde wêreld en dis goed dat leerders blootstelling kry om ’n ingeligte besluit te kan neem of dit werklik die loopbaan is wat hulle wil volg.”

Soortgelyk

 

Bank en depot sal nie sluit nie, sê Peya

6 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

14 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

10 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

10 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

10 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

10 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

10 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

10 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

10 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...