Wildsmokkel: Polisie, doeane opgelei

Beter samewerking beoog

09 October 2019 | Misdaad
Francoise Steynberg - Doeane- en polisiebeamptes van Windhoek en Walvisbaai het onlangs opleiding ontvang om gesmokkelde wildprodukte in bagasie en vraghouers met skandeerders te kan opspoor.

Volgens Traffic, ’n teenwildmisdaadorganisasie, is grensposte by lug- en seehawens in Namibië as sleutelsmokkelpunte vir onwettige wildprodukte geïdentifiseer.



“Die Namibiese regering is toegewy aan die stryd teen onwettige wildhandel in die vervoersektor. Veertig doeane- en polisiebeamptes wat by die Internasionale Lughawe Hosea Kutako en Walvisbaai-hawe gebaseer is, het opleiding ontvang,” lui 'n nuusverklaring van Traffic.

Die opleiding is deur die Combating Wildlife Trafficking in Namibia-projek van die Buro vir Internasionale Narkotika en Wetstoepassingsake van Amerika se buitelandse sake gefinansier, en word deur die Namibia Nature Foundation (NNF) bestuur.

“Namibië is in vennootskap met die Verenigde Nasies se Kantoor vir Dwelm- en Vraghouerbeheer (UNODC CCP) om beter beheer en gesofistikeerde benaderings te implementeer om onwettige goedere in vraghouers makliker op te spoor, wat deur die Walvisbaai-hawe gaan.”

Die opleiding is deur mnr. Adam Pires en me. Dominique Prinsloo van Traffic waargeneem.

Onderwerpe tydens die opleiding sluit in ’n oorsig van wettige en onwettige wildhandel, die Konvensie van Internasionale Handel in Bedreigde Spesies (Cites), hoe wildprodukte vervoer en weggesteek word, hoe om wildprodukte met skandeerders in bagasie en vraghouers op te spoor en die identifisering van wildsmokkelaars.



Kundiges sluit in me. Karen Nott van die NNF, wat opleiding in houthandel en oor die Cites-permitstelsel verskaf het, mnr. Francois Theart van Snakes of Namibia, en me. Bonnie Galloway van die NNF, wat opleiding oor die identifisering van gesmokkelde beskermde reptielspesies en vetplante verskaf het.

Praktiese opleiding is in Windhoek aangebied met reptiele en plante (klein vetplante en sade), gekonfiskeerde ivoor- en renosterhoring, ivoorarmbande en eiers wat deur bagasie- en vragskandeerders gestuur is sodat deelnemers beter kan verstaan hoe om versteekte organiese produkte op skandeerders uit te snuffel.

“Deelnemers het verskeie wildprodukte in verskillende materiale toegedraai om sigbaarheid op skandeerders te belemmer. Op Walvisbaai is tasse vol ivoor, renosterhorings en ietermagôskubbe in ’n vragmotor vol houtskool weggesteek en deur ’n skandeerder gestuur,” verduidelik Traffic.



“’n Viertrekvoertuig is ook met sy bagasie geskandeer en deelnemers is gevra om die smokkelgoed vanuit verskillende hoeke op die skandeerder te identifiseer.”

Die hoof van die Namibiese polisie se eenheid vir beskermde hulpbronne (PRU), komm. Barry de Klerk, het gesê na dese hoop hy daar sal beter samewerking tussen doeane- en polisiebeamptes wees.

Me. Pamela Smith, hoof- doeane- en aksynsbeampte in die ministerie van finansies het beaam die opleiding was van kardinale belang.

Traffic het die deelnemers en organiseerders van die PRU van Nampol, die departement van doeane en aksyns in die ministerie van finansies, en die eenheid van intelligensie en ondersoeke in die ministerie van die omgewing en toerisme bedank.

[email protected]

Soortgelyk

 

Etosha Sondagmiddag deur aardbewing geskud

1 uur gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

1 uur gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

1 uur gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

2 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

2 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

13 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

13 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

13 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

13 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...